السلام عليكم ورحمه الله

عندي قرض من البنك 1869 شهري راح منه ثلاث سنوات وباقي سنتين وهذي تفاصيل القرض من البنك :
المبلغ الأساسي90,285.62الأقساط المدفوعة 36المبلغ المدفوع 67,324. الحساب مدة التمويل 60تاريخ انتهاء الأقساط 11.09.2012المبلغ الكلي: 112,180.00الاقساط المتبقية 24المبلغ المتبقي 44,856

ويوجد ايضا دين سياره بالتقسيط 2500 شهري راح سنتين وباقي سنتين السياره قيمتها 72000 الف حسبها 125000 الف مع حضره 10.000 ريال
يعني مجموع الدين كامل الشهري: بنك 1869+ سياره 2500=4396 يخصم شهريا

سؤالي بعد شهرين يبقى للبنك 40 الف والسياره 60 الف المجموع 100 الف اريد ان اقلل قصدي الشهري مالطريقه المناسبه ؟؟؟؟عندي 35000 كاش هل اخذ قرض مؤجل 19000 واسدد السياره54 الف لان ممكن ينزل 6000 الاف ريال من قيمتها ؟؟؟؟؟؟او اسدد البنك سداد مبكر بس كلمتهم وقالوا ننزل لك 2000 الفين ريال فقط يعني اسدهم 38000 ؟؟؟؟؟؟او اصبر الى انتها ء الدين كامل بس مشكلتي ماتزوجت ؟؟؟؟؟؟
ملاحظه كل ديوني تنتهي عام 1433 البنك +السياره
الراتب 8491ريال

لاحول ولا قوة إلا بالله ،،،

أخوي إسمح لي أقول لك لقد أخطأت وخصوصاً أن راتبك والحمدلله

كبير ولكن الخطأ يتصلح إن شاء الله ،،،

من وجهة نظري عندك أمرين :

الأمر الأول / تفتح لك مشروع صغير بالقيمة إللي معك

منها تستفيد من المشروع في حال لو صار أي شيء لاقدر الله

وتذكر الحديث الضعيف (( تسعة أعشار الرزق في التجارة )) .

قال الألباني في " السلسلة الضعيفة والموضوعة " 7 /412 :
/ ضعيف/

ولكن قد يكون في مشروعك زيادة الدخل ويكون معين لك على تسديد دينك بعد توفيق الله ،،،

الأمر الثاني / تزود على المبلغ الموجود معك 3000 ريال من راتبك وتسدد البنك

أفضل لك ،، بس الأهم إنك ماترجع وتخطي نفس الخطأ

( يعني تاخذ دين 19000 ) نصيحتي إبعد ،،،

وهذا كله وجهة نظر قد أكون مصيب وقد أكون مخطيء ،،،

وفقك الله وقضى عنك دينك .........

أهم شيء لاتنسى الصدقة

سدد السيارة 40000بدون دين اضافي ونسأل الله يعنك على قضى دين البنك ويفرج همك انه على ذلك لقدير

انا ودي اعرف ليش الناس تتدين

اولا الاستغفار والدعاء والانابه الى الله ف هو قاضي دين المدينين

ثانيا فكره كذا وكذا حلوه بس اي مشروع يحتاج وقت وصبر عشان يبداء العائد المادي يجيك صافي وماتضمن نجاحه من فشله لو ماعليك ديون عادي سوي مشروع بس انت مديون ماتحتاج فوق همك هم والا انا غلطان ؟

انا اشوف احسن طريقه لاتتدين ولاشي انت تقول باقي لك سنتين وتسدد كامل المبالغ انصحك تشد ع نفسك وتسدد أول بأول سنتين مو فتره قويه خصوصاً ان ربي اعانك وعلى قولهم راح الكثير مابقى الا القليل وحاول ماتضيف ديون عليك
والله يفرج همك ان شاء الله

انا لاازيد على كلام الاخوه الاكل خير
الدم مايغسل الدم
يعني لاتعالج الدين بالدين
اسال الله ان يقضي حاجتك
وبالتوفيق ان شاء الله.

نصيحه يالغالي ما عمر الدين عالج الدين

اذا معك 35000 كاش انتظر شهر وسدد المبلغ 40000 الف وبكذا تكون سددت البنك

والله يعينك انتظر لحد ماتخلص قصد السياره او دبل القصد تخلصه في نص المده

انا صارت معي نفس المشكله وصبرت لحد ما انتهى ديني

اما انك تطلع قرض وتسدد طيب والقرض الجديد من اللي يسدده

هذي نصيحتي لك يالغالي