ابيات تحكي معاناة
عاطل


الله من همّ(ن) سكن في ضميري=مرارته من عام تسعه وعشرين

كنّي معه في سجن واحد اسيري=والسجن مابه غيرنا حن يالاثنين

قلت ابتعد وأضن مافيه غيري=ينال منه وليه ياحظي الشين..؟

كنّه على ساحة فؤادي خفيري=كأن ضاقت به جميع الميادين!

بدايته قرار سامي وزيري=مفرح وتالي الوقت تبكي له العين

خلّى حياتي في شهيق وزفيري=وخلّى الأنامل نازفه بين نابين

يقلون هالحاله زمنها قصيري=لابد ترحل لو تواطت بك اسنين

وأقول هالحاله تنتّن عبيري=خلتني احسب كل ساعة بعامين

خلّت عزيز القوم يصبح كسيري=تبدي جروح وتقسم الجرح جرحين

حاله...لكل الناس..إلا الأميري=وإلا الذي يملي حسابه ملايين

واللي ربي في كوفله من حريري=لاماتجيهم..ماتجي إلا المساكين

الوظع مؤسف والزمن هو خطيري=كن إبن آدم جرح والوقت سكين

يارب ماغيرك لكسري جبيري=ولاغيرك ارفع له من الهم كفين

بأسمك أنام الليل هادي قريري=وبأسمك نغيض اللي علينا معادين

بأسمك نبيد الواقع اللي مريري=ماغيرك اللهم بالقلب داعين

للكون ماغيرك إله ومديري=يانفس يعلم ماتبدّي وتخفين

بك نستعين ونلجأ ونستجيري=ياحامي ارض القدس وارض الحرمين

أرزقني الجنة إليها مصيري=ارتاح فيها تحت ضل البساتين

هي خير لي من هالزمان الحقيري=والله يكرم عن حقارته غالين

وأجعلني لدينك إلهي سفيري=ادعوا اليك اللي فقد نعمة الدين

فيك الأمل يالله وحدك كبيري=يافارج(ن) لأيوب والناس ممسين


منقووووووووول

طيب فين الابيـــــــــــــــــــــــــــــــــــــأت

ظاهره

بن مكة

شفها الحين طلعت ولا لا

لاحول ولاقوة الا بالله