ريم السعوديه


بصراحه بقولك بصدق انا اعشق التصميم بس بدون دراسه درست اصول الخياطه لمدة ست اشهر عشان بس اتوصل للتصميم اول ما تخرجت بس المشكله وقت ما تخرجت ما كان فيه دورات تصميم ابدا وبعدها انشغلت بالمدارس

ورغم كذا كل صيف تلاقيني ادور حول التصميم حبا فيه بالذات ملابس الاطفال بنات اعشق تصميمها

وما اخفيكي قبل 5 سنوات كان عندي راس مال زين قلت خليني بس اوري الناس ذوقي بملابس اطفال ملابس السهره انا ملابسي شخصيا الكل يسالني عنها

المهم رحت اشتريت مجموعه اقمشه على ذوقي واتفقت مع خياط هندي لاني انا ما قدر اخيط ببراعه انا اخب التصميم الفكره واختيار الاقمشه المهم كانت فتره صيف ولعلمك الخاص اخذت مقاسات بنات اخواتي قلت لو فشلت عطيتهم المهم والله الي اقوله الصدق


وفصلت تقريبا بس 5 او 6 فساتين اطفال طبعا مهما كان شوفي الخساره اقمشه ومبلغ للخياط كله عشان اتاكد من موهبتي لاني احبها وريتها اخواتي تدرون وش صار ؟


اول من تجنن على الملابس اخواتي لانها مقاسات بناتهن وشروووها كلها بالمبلغ الي حددته عشان اعوض خساراتي ما اعطوني فرصه اجرب اعرضها برا ولا اعرف اعرضها وين


الملابس الي صممتهن زميلات خواتي سالوهم من فين وطلبوا اني اسوي ويبووون


بس الوالده رفضت وقالت اما عاد تروحين تفصلين لبنات الناس وبصراحه انا امي الشئ الي ما تحبه ما اقربه مو ليه

بس ها الحلم يراودني دائما اني اصمم ملابس اطفال بس بشرط ما اخسر من عندي ماده لاني ما قدر بصراحه اوفق بين حياتي ومتطلبات ها المشروع وفي نفس الوقت مكان العرض هذا شئ صعب

بس مساله مشغل وخياطه غير وعرض الفساتين الخاصه بالاطفال بحمل غير فكره المشغل تقيدك الناس وش يبوون

بس انا ودي اعرض انا الي ابيه

احسها صعبه شوي

بس لو تزوجت احتمال يكون قريب احتمال اذا ما ارتحت في عملي حقيقي راح اتفق مع زوجي على ها المشروع اذا كان تاجررر *_*


اشكرك يالغاليه وكلامك يهبل