السلام عليكم ورحمة الله وبركاته

كيف حالكم جميع..

أنا عاطل مايقارب الـــ3سنوات وتعبت من بطالتي والله ماخليت مكان الا وقدمت فيه

سواء عسكريه والا مدنيه وبدون أي فآئده أملي باللـه كبير بس لآزم الأخذ بالآسبـاب

الوأسطه اهي الي دمرتنا حسبي الله ونعم الوكيل بكل مكان يخطر ببالكم قدمت الا

المنطقه الشمـاليه بصراحه ماوصلتها وربي يشهد على كلامي حتى بقطر قدمت

ورب الكعبه اني صادق بكلامي أنا أنتهيت من دراستي وانا عايش لوحدي والحين

سأكن عند أخوي توهـ متزوج وحاس أني عاله عليه صح اهو ماقالي بس كلن

وطاقته أبوي مو متحمـل يشوفني عاطل وهالحين عايش ومو عايش تعبت وربي

حتى لمن أسمع بأي تقديم ماغير اتسلف واروح اقدم يعني خساير بدون فوائـد

طقت النفس خلآص أنا كل همي وظيفه بسيطه أبي أفرح قلب أمــي ..

ماعندي أي خبره غـير شهادة الثـانوي وبسبـب ظروفي ماقدرت أكمل دراستي

أسعى ياعبدي وأنا أسعى معاك(مع العلم ماعندي سياره أقدم بكل ديره بس بعض

الشباب ربي يعطيهم العافيه يودوني أقدم )

أتمنى الي يقدر يساعدني أنه تكون له دعوه بظهر الغيب مني ومن الوالده

والي يرحم والدينكم الي يقدر يساعدني يكلمني خاص وأقوله كل ظروفي

ربي يسعدكم ويوفقكم دنيـا أخرهـ..

الحال من بعضه

والله يرزقكـ ... من واسع فضله

الله يرزقك الوظيفه الي تتمناها

الله يسعدك على مرورك وربي يرزقك الوظيفه أخوي

يربش تبوك مشكور أخوي لاعدمناك

ماعندك مشكله ان شاء الله
هناك وظائف فورية ويتمنون تتوظف عندهم مثل ( كاشير - بائع - رجل أمن ) ورواتبها جيده تبدأ من 2500 تقريباً عندك مثلاً ( بنده - العثيم - كارفور ) وغيرها من الشركات .

الله يرزقك ويفتح لك ابواب الخير
تابع وظايف منطقتك وقدم فيها والله يكتب لك الخير