بسم الله الرحمن الرحيم

.. السلام عليكم ورحمة الله وبركاته ..

اليــكــمــ القــصــيــــده ونتمنى أن تنال ع اعجابـــكـــمـــ


هيه ياللي غرك الليل واغراك النديم

هيه ياللي هزك الشوق والمسرى ضياع

...............

وقفي بين الخطا والسراط المستقيم

والعبي بين التراحيب وكفوف الوداع
...............

وسولفي مثل المشاريه في صوت الحشيم

واسكتي مثل الشفايف الا طاح القناع
...............

واضحكي مثل النواوير في روضة خريم

واغرقي مثل المزاجات في غرب الرفاع
...............

وابعدي مثل المتاهات في حلم اليتيم

واقربي بين السوالف وكتفي والذراع
..............

وانظري لي نظرة الشوق للشي القديم

واغرقي بالدمع الازرق مظاليلٍ وساع
..............

واصبري مثل المسافات في صبر الحليم

واسمعي صوت الهوا يوم فليت الشراع
..............

يوم صرتي عود ريحان ورضاي النسيم

اصبري يانجمة الصبح مال الصبح داع
..............

قد طلبت الله وانا بين زمزم والحطيم

شوفت يااغلى ثنية الا صرتي رباع
..............

العيون تجوع لك جوع والله العظيم

والعشا في عيونك السود وعيوني جياع
..............

ان عطيتي مايرد الكريم الا اللئيم

وان بخلتي قلت تكفين والدنيا متاع
..............

اقبلي مثل التباشير في وجه الكريم

وارحلي مثل التعازي على موت الشجاع


[motr1]بــنـــدر الــنــداوي[/motr1]

يعيطك الف الف الف عافيهـ ,,

والله قصيده جدـا مواثرهـ ,,,

والله لا يحرمنا من جديدك المميز ,,

راقت لي تلك الابيات ,,

وتقبل اطلالتي

مايسترو الرووووقي

صح لسانك ولسان شاعرهاا

روووعه أخوي بندر النداوي

ربي يعطيك العافيه

رووعه هالآبيآت .. صح لسآنك


دمت بخير خيو ..


تحيتي

ان عطيتي مايرد الكريم الا اللئيم

وان بخلتي قلت تكفين والدنيا متاع
..............

اقبلي مثل التباشير في وجه الكريم

وارحلي مثل التعازي على موت الشجاع


رائعه رائعه ورائعه حتى تفيك حقك!!
صح لسانك والله لايشده بالك ,,
قصيده في قمة الروعه,,
ربي يسلمك ويسلم ابداعك ,,