السلام عليكم

يا شباب أنا جتني رسالة من الموارد البشرية بأني على رأس العمل و اسمي مسجل بالتأمينات
والكلام هذا موب صحيح

دخلت على موقع التأمينات و شيكت برقم الهوية و فعلا طلع اسمي مسجل على رأس العمل وأنا متخرج لي سنتين و لم يسبق لي العمل أبدا

أرجو منكم افادتي وش الاجراءات اللي اتبعها عشاان اعرف مين اللي استغل اسمي و كيف احذفه من التأمينات و احفظ حقوقي؟؟

وجزاكم الله ألف خير

اخي فتى روح لمكتب التامينات وستفسر منهم اذا على كلامك انت بتامينات لك راتب ينزل لا تجلس تسذا روح لهم ونشب بحلقهم

اخوي رح لتأمينات واطلبهم برنت برقم بطاقتك وبعد ما تاخذ البرنت وقعه من المدير وبعدين صوره وخذ صوره منة وراح تشوف كم شهر وانت مسجل كذا تمااام تاخذ الصوره وترح لمدير الشركه او المؤسسة تقوله وش الكلام هذا انا ما عرفكم ولا تعرفوني يا انكم تعطوني راوتبي الي عندكم يا انا رجال ابي اشتكيكم لمكتب العمل
وسلامتك وحاول بعد تاخذ تعويض

يا اخوي خذ برنت ولا يردك غير المباحث الإدارية ترى مكتب العمل ماراح يفيدك

حتى انا اسمي على راس العمل مع اني كنت مشتغل في شركة ثلاث شهور وقدمت استقالتي تكفون وش الحل وش اسوي هل يحق اطلب تعويض

الله لايهينك اسدح الرابط عشان نشيك...........

ياخوي التأمينات حلوه لك تقدر تاخذ المبلغ لك اما بالنسبه لأنك على العمل تروح لمكتب العمل ويعطوك ورقه مخالصه وتوقعها من الشركة هذا إذا حاب تنهي المشكله اما إذا تبغى تتطالب بالرواتب حقك فهذا من حقك تطلبها من مكتب العمل وهم يسون لك الإجراءات الازمه .

آخوي انا لي سنتين تاركهم وقال حق آلتوظيف حنآ رآح نزلك من آلتآمينآت

آنآ آبي آطآلبهم خصوصآ بعد مآعقدوني في نفسي بآلشركه آبي آشتكي آروح لمين سآعدوني تكفون

انا نفس الشي استقلت من العمل من 3 سنوات وسجلت في موقع صندوق الموارد البشرية..
وجات لي رساله يقولون لي ان طلبي مرفوض لان اسمي موجود على راس العمل..