نـبـذة بســيطـه عن معهد الدراسات الفنية للقوات الجوية

دلوع الرياض · #1 (**permalink**) 26-10-2010, 12:13 AM

السسسلام عليكوم ورحمة الله وبركاتة

اسعد الله اوقاتكم بالخير والمسرات

اعزائي رواد هذا المنتدى من مشرفين ومراقبين واعضاء وزوار

احب ان ابين لكم نبذة بسيطه عن معهد الدرسات الجوية

قبل يمكن اسبوع تم تخريج الدورتين 116 و 117

طبعن اخوي من الي تخرجو فحبيت ابين لكم وش صار معاه من اول مادخل الا اليوم

المهم :

المعهد بشكل عام كل شي انقليزي في انقليزي يعني انت بلبل بالانقليزي تمشي امورك

طبعن اول مايقبلونك دروة فرد اساسي 3 شهور وبعدها تبدا تدري انقليزي طبعن الانقليزي كتب

عدة مستويات اتوقع خمس او ست حولها طبعن اذا خلصتها يسون لك اختبار انقليزي بشكل عام ان مشيت بالاختبار زين على زين مامشيت ينزلونك دورة < اكيد بتقولون وشلون ينزلون دورة

يعني تنزل ست شهور الست شهور انت وين تصير ترجع للدورة الي سجلت بعدك وعلى هالحال اتوقع اذا ماجتزت الاختبار الثاني او الثالث على طول يحولونك جندي ويالله مع السلامه

طيب اذا مشيت بالاختبار بعدها تدخل بالتخصص عندهم يمكن 300 تخصص في مجال الطائرات قبل ماتدخل التخصص يخيرونك تختار ثلاث تخصصات ويجيك واحد منها

تدرس التخصص ويالله عاد مدة التخصص سنة ونص او حولها على حسب التخصص فيه تخصصات على ست شهور وفيه اكثر > طبعن اخوي سنة ونص الي هو تخصصة صيانة عامة

المهم خلصت التخصص

يجونك ويخيرونك يقولون اختار مدينتين > التعيين طبعن

اذا اخترت مدينتين ترا مو مضمون انك تجي فيها واحد اعرفه اختار التعين الرياض والخرج

حطوة في تبوك

اخوي اختار الرياض الخرج حطوة بنفس المعهد واحد اختار الرياض الخرج وجاه الخرج واحد اختار الرياض الخرج وجا بالرياض

<< يعني على قولة راشد الماجد
( دنيا حظوظ دنيا حظوظ ’’ والله رمى حظي معه )

طبعن وانت تدرس عندهم يصرفون لك مكأفأة 900 ريال طبعن المفروض راتب اساسي بس لا الراتب الاساي يخصمون منه 900 والباقي لين بعد التخرج اذا تخرجت يعطونك باقي الراتب زي ماتقول يجمعونها لكم

وووش بعد

ايه

ماتطلع الا خميس جمعه باقي الاسبوع محشور يعني الي مافيه صبر لايسجل والي مايعرف انقليزي يغسل يده

ومدة الدورة طبعن سنتين ونص

وبعدها يسون لكم حفل تخريج ويقولون يالله رح اجازة اسبوع وبعدها رح باشر

وبس’

وحبيت انقل لكم يالي يجهلون ماهو معهد الدراسات الفنية للقوات الجوية

والسلام خير ختام

تحياتي واشواقي لكم

اخوكم

شغلك شغلك ’’’

راعي الطِواري · #2 (**permalink**) 26-10-2010, 12:26 AM

موفق بإذن الله ... لك مني أجمل تحية .

ارفع رآسك يسعودي · #3 (**permalink**) 26-10-2010, 12:27 AM

بيض الله وجهك تستاهل . التقييم يا بطل

موضوع رايع يستحق الاشاده والشكر

ههههههههههههههه

انا قدمت في شهر 4 إلي فات . لكن للاسف طلعت النتائج النهائية وكنت احتياط

ايا استفسار انا حاضر