السلام عليكم ورحمة الله وبركاته
شباب ابدخل بالموضوع على طول بدون مقدمات
انا سلمكم الله شهادتي دبلوم الكلية التقنية واجيد اللغة الانجليزيه بشكل ممتاز ولله الحمد وموظف باحد البنوك المحلية وراتبي 7460 بالبدلات سكن ونقل وهناك مميزات اذكرها لكم... يوجد لدي بونص مكافاه نهاية كل سنة تتراوح بين 4.5 الى6 رواتب اساسيه طبعا الراتب الاساسي 5500 ويوجد ايضا كل سنة بدل تذاكر 3000 ويوجد نادي رياضي مجاني وتامين صحي والان كملت سنتين بالبنك . هذي المميزات بالتفصيل يا اخوان. بس انا افتقد الامــان الوظيفي والكل عارف .
استفساري ياشباب .......
انا عرض علي رتبة وكيل رقيب في هيئة طيران الحرس الوطني ويقال ان الدورة لمدة سنتين في استراليا . المهم يارجال كم الراتب المتوقع؟؟ والمميزات وماهو التخصص المتوقع ان يحطوني عليه . شهادتي ادارة وتسويق . هل هي تعب وكرف بعد الدوره هل هناك ما يسمى بالحصة الصباحية وميدان .
تكفون اللي يعرف الاجابة الدقيقة لايبخل علين
اسال الله لنا ولكم التوفيق وان يرزقنا الحلال عن الحرام

لا لا الله يعافيك وضيفتك حلوووووه
مشكله الاداري بعض البدلات ما تنزله
مثل الخطريه وطبيعه العمل و تجيك
يعني اذا انت اداري ما انصحك فيها ابداً
خلك راتبك زين ومستقبلك باهر والله يوفقك

نصيحه مني وانا اخوك لوجه الله

خلك بالبنك قسم بالله العسكريه قرف في قرف وما يكفيك راتبها

ياخي لو انت حاطينك وكيل رقيب بالحرس ما تاخذ راتب البنك هذا ما شاء الله

ويكفيك تأمين صحي لك ولعيالك والبونص احمد ربك وخلك بالبنك يكفيك انك مدني

بس شغل مخك صح وسوي لك كم محل وتعيش منها غير راتبك

اعذرني اذا طولت بكلامي عليك لكن ورب البيت ابي لك الخير

هيئة طيران الحرس الوطني تبي فنيين فقط للابتعاث على حسب علمي انها في مجال الصيانه

ما عندكم وضايف في البنك راتبها مثل راتبك

انا اخووي دخل العسكريه من زمان وتزوج وبعدين ندم
قال ان التعب اللى يتعبه مو قد الراتب القليل اللي ياخذه
استلامات تخيل 12\24 وكيل رقيب شرطه عسكريه
ومذله اجازه ما تدري متى تستحقها والبدلات ما تنزلك اللى بعد 3 اشهر

مشكورين عالمرور حبايبي

اخوي عاطل ومواصل حاب اقولك


مافي احد مرتاح

موفق بإذن الله ... لك مني أجمل تحية .

افيدونا يالفنيين وينكم فيه يا اهل الخبرة ولا نقصان بالاخوان اللي ردو.