أول شي قولوا ماشاء الله
والله ياشباب ويا بنات اللي تدورون على وظيفة أبعلمكم طريقة بإذن الله راح تتوظفون إذا سويتوها

والله العظيم رح أحكيلكم قصتي بتفاصيلها

طريقة التوظيف:-

أنا مليت وأنا أقدم وأدور على وظايف من إرسال فاكسات إيميلات وحتى الذهاب لأماكن بعض الشركات المهم ما خليت شي ما سويته حتى دخل اليأس فيني وتوقفت عن البحث قبل شهر ونص

وش اللي صار ؟؟؟

كان لي صديق نفس حالتي له سنة وستة شهور مالقى وظيفة وماشاء الله جاه تعيين بشركة سبكيم بالجبيل وراتب ممتاز جلست أنا وإياه وطبعا سألته كيف توظفت ووشلون قال والله شوف يا عبدالعزيز >> هذا اسمي طبعا هه أبسألك سؤال ؟ قلت وشو
قال : أنت تصلي
قلت الحمد لله
قال: تحافظ على الصلاة
قلت يعني مثلا صلاة الفجر أصليها إذا قمت
قال تصلي مع الجماعة
قلت إيه بس مو دايم

المهم قال شف يا عبدالعزيز والله إني لي شهر وأنا ما أفوت صلاة ومع الجماعة بعد والحمد لله تسهلت أموري وتوظفت

******** ركزوا على الكلام الجاي <<<<
والله العظيم إن هذا اللي صار لي

يا شباب ويا بنات
والله إني بديت أسوي اللي قاله لي كل الصلاوات أصليها بالمسجد ومع الجماعة ولا أفوت ولا صلاة
والحمد لله أولا حسيت براحة نفسية غير طبيعية ثانيا حسيت إني مبسوط ثالثا بدت تتسهل أموري من جميع النواحي

الأهم الحمد لله ( قولوا ماشاء الله عليك والله يوفقك ولا يضرك )
قبل اسبوع ونص جتني أربع وظايف في يومين
وكل وحدة أحسن من الثانية لا من ناحية راتب أو مركز أو من قوة الشركة ووالله العظيم إنه بعض الوظايف ما أدري متى مقدم عليهم أو وين يمكن من الإيميلات اللي أرسلها

أقل الوظايف راتب كان راتبها 6700 ريال شهريا

حمدت ربي وشكرته وإستخرت وإخترت أحد الوظايف
وبإذن الله سأظل أحافظ على الصلاوات بأوقاتها ومع الجماعة

والله يا شباب ويابنات حطو ببالكم هالشي إن الرزق على الله بس أنتم توكلوا عليه وإطلبوه بالليل والنهار أحسن لكم من تطلبون وتطيحوون وجيهكم عند اللي يسوى واللي ما يسوى

حبيت أنقل لكم قصتي أتمنى إنكم تستفيدون منها
تاريخ توقيع العقد 7/7/2007 تاريخ مميز حتى ههههههههههه

اللهم وفقني وجميع المسلمين والشباب والبنات الباحثين عن الوظائف وسهل أمورهم وارزقهم ما يتمنون>>>

منقووووووووووووووووووووووووووووووووووووووووووووووو وووووووووووووووووووووول