اريد شراء اكسنت هواندي جديدة"زيرو" بيضاء اللون..وتحويلها مباشرة الى ليموزين علما بأني في منطقة نائية ""شرورة""وموظف حكومي""السؤال/
كيف الطريقة بالتفصيل ممن يملكون المعلومة الصحيحة مع الخطوات التفصيلية ولكم جزيل الشكروالعرفان اريدخطوات واضحة جدا تكفون الديون أكلت كاهلي ولا من مجيب

ما اعرف واتمنى احد يجي ويفيدكـ


بالتوفيق لكـ

اعتبر نفسك خسران من الحين دامك بتشتغل في شرورة ..

أصلا ما فيه أحد يركب ليموزينات هناك
ولا عمري شفت فيها ليموزين .. والسبب
أصلا كلها 5 كيلو في 2 كيلو

شف لك مشروع ثاني..

اخوي على ما اعرف ان هالدقم مايعطونك عليها تصريح
وبالنسبة للسيارة الي اعرفه انها لازم تكون فوق 2000 سي سي بالنسبة للمكينه


الشروط :



إحضار برنت من الاحوال المدنيه بأكن متسبب او طالب او متقاعد ( للشيبان )
2- الرخصه الخصوصي سارية المفعول مع صوره منها
3- صورة من بطاقة الاحوال
4- يفضل ان يكون معك 8 صور شخصيه 4في6 حديثه
5- ملف علاق وتحطها فيه
بعد ماتودي هاذي الاوراق بيطلبون منك تروح تبصم عند شرطة النطه اللي انت فيها ودوامهم يكون من 8 الصباح حتى 10 الصباح وبيعطونك ورقه صغيره دبسها مع الملف حقك إذا رجعت لهم عشان ميظيع رقمك منهم وتتوهق
بعدها تروح تسوي الفحص الطبي عند المستشفى اللي بيوجهونك له
بعد كذا تدخل التدريب لمدة عشر ايام وإذا عندك واسطه ماتتدرب ولا يوم تجي بعد عشره ايام وتختبر وتآخذ الرخصه في نفس اليوم
بعد مانخلص تروح لوزارة النقل بالنسبه للي في الرياض عند في طريق القصيم عند ماكدونالدز وراه بالظبط
الاوراق المطلوبه منك برنت من الاحوال انك متسبب او طالب ....إلخ طبعا انتبه تطلع من وزراة النقل فبل ماتختم الورقه من مديرهم عشان ماتضطر انك ترجع مره ثانيه زي ماحصل معي
طبعا البرنت ماراح يعطونك اياه إلا لما تآخذ ورقه من ورزارة النقل موجهه للأحوال المدنيه وافضل شي اللي في الدرعيه لأنهم يهشون الذبان في اغلب الاوقات
وبعدها تجيب معك صوره من بطاقة الاحوال وصوره من استمارة السياره وصوره من الرخصه وملف ويعطونك نموذج عشان تعبيه من عندهم وتنتضر لما يجيك الدور واستغل الانتضار بكثر الاستغفار بعدها بيعطيك الموضف ورقه عشان تروح بها لقسم الوارد على ما اعتقد ويوقعها ويختمها لك وتروح بالورقه هاذي للمرور بس قبل ماتروح للمرور تأمن عند التعاونيه إجباري ب 600 ريال بدون الركاب وب 800 ريال مع الركاب إذا ماكنت مسوي حادث عندهم قبل
بعد التأمين تروح للمرور وانصح اي شخص بعد مايخلص من المرور تجهز موتره بشيين الاول الاستكرات الثاني المصباح اما العداد حاول انك تدبر واحد مستعمل او تروح لشركه ثانيه افضل لك من اللي عند المرور لأنهم غالين حبتين و متغلين بعد
بعد ماتخلص تجهيز الموتر تآخذ الوحات القديمه وتروح بها للمرور ويعطيك رقم غير الرقم اللي اللي كان في موترك

بقينا في آخر شي وهو كرت التشغيل وهاذا شغلته تطول شوي لاكن من بغى الدح ماقال اح
بعد ماتخلص من المرور وغثاه تآخذ الورقه اللي عطاك اياها صاحب مؤسسة التجهيز مع صوره من الاستماره وصوره من بطاقة الاحوال وتآخذ رقم وبعد اسبوع بالظبط تراجعهم ويعطونك كرت التشغيل ومبروك عليه الموتر

اقل من 2000 سي سي ما يعطونك

شوف النترا يعطونك تصريح بس انتبه فيه نوعين وحده 1600 و 2000 سي سي

حبيت اضيف على ماذكره الاخوان

لازم (رخصة عمومي)

الله يوفقك

ياغالي اصلا قبل كل الشروط الي ملوها عليك الاخوان الاكسنت ماتصلح تكسي انت عمرك شفت اكسنت تكسي ؟؟؟ لانها اربع ركاب واقل من 2000 سي سي يعني ماتصلح لك خذ لك النترا 2000 سي سي واتكل على الله وباقي الاجرائات كلها اسبوع وانت خالص منها شششددد حيلك ولا تياس

الله يوفقك