بسم الله الرحمن الرحيم

السلام عليكم ورحمة الله وبركاته

يا جماعة الخير .. ماابي اطول عليكم واكثر كلامي
بس انا بإختصار مليت من الدبلومات ودورت لي جامعة تعادل شهاداتي وتعطيني بكالوريوس

ما لقيت غير الجامعة العربية المفتوحة ( وبصراحة غالية وتعادل لي دبلوم واحد بس والباقي لا)

ولقيت الجامعة اليمينة في الرياض بس دراستها غي رمنتظمة وتخصصتها غير إدارة اعمال مافي

وانا ابي اتخصص يا تقنية معلومات يا سكرتارية تنفيذية على الدبلومات الي معاي

وش تنصحوني فيه

تعرفون لي جامعة ولا ادرس عن بعد ويا دار ما دخل شر

انا ضعت وتفكيري تشتت وابي احد بس ينصحني على الاقل

عشان اجمع افكاري واكمل طريقي

اتمنـى الاقي اجابة

اخوي
الله يوفقك واحيي فيك الرغبة في العلم بالنسبة للجامعة العربية شهادتها معتمدة في التعليم العالي وهذا هو المقياس الاول الذي يجب ان تعتمد عليه اذا قررت الاختيار بين عدة خيارات الجامعة اليمنية سمعت انها معترف فيها بس ماني متاكدة التعليم عن بعد غير معترف فيه عندنا لذلك ماانصحك فيه ليش ماتسافر اليمن تدرس هناك الدراسة هناك رخيصة اوشوف الهند اذا تبي شيء عن تقنية المعلومات الدراسة فيها رخيصة وتكسب حاجتين اللغة الانجليزية وشهادة تقنية المعلومات اما السكرتارية التنفيذية ما انصحك فيها الا اذا كانت لغتك قوية لان كل الشركات والبنوك يبون في السكرتير اجادة اعمال السكرتارية والحاسب والانجليزي ان شاء الله اكون افدتك

مشرفتنا الغالية كلامك سليم الجامعة العربية معترف فيها

من التعليم العالي السعودي

ووخروا عن الطريق بس مثل ما قلت سلخ فلوس والحين زايدين الاسعاد في كل شي

واليمينة عن بعد مو معترف فيها

والملك عبدالعزيز بجده انتساب يعني دراستها خرابيط بصراحة

وبعدين لو انا ولد كان طقيتها البحرين ولا الشرقية

وفكيت نفسي

بس انا بنت وانت تعرفين اكثر في الظروف

لكن حتى في الابتعاث الداخلي لو يكملون على الدبلوم ويخلوني ادرس في الامام محمد ولا الملك سعود

ولا حتى يعادلون شهاداتنا ويخلونها بفلوس بأسعار رمزية

بصراحة ما ادري

؟؟؟

[quote=MaRaM;274557]

ما لقيت غير الجامعة العربية المفتوحة ( وبصراحة غالية وتعادل لي دبلوم واحد بس والباقي لا)

نصيحة منى لك لاتعادلين في العربية لانها تعادل 14ساعة بس .... واغلب البنات الي دخلوها طلعو منها