المشاركة الأصلية كتبت بواسطة صراع

وياك أخوي حمد عادي خذ راحتك مهنا إزعاج .

الدورة التأهيليه مفتوح الأن التسجيل في الإمام يمديك تسجل قبل مايتقفل وشوف التقويم الدراسي تبع الدورة عشان تعرف متى التسجيل ومتى السداد والإختبارات بالتاريخ .

http://www.imamu.edu.sa/support_deanery/e_learn/academic_affairs/study_calender/Pages/academic_calendar.aspx

والدراسه سواء دورة تأهيليه أو تخصص كله على النت ماتجي للجامعه بنوب إلا وقت الإختبارات تجي تختبر بس .

إيه مراكز الإختبار بكل أنحاء المملكة في الرياض لوحده فيها أكثر من مركز وأنت إختيارك وسرعتك في حجز مقعد لك لأن فيه ناس تتأخر في إختيار مركز الإختبار بعدين يتوهق أن المقاعد أكتفت فبكذا يضطر يختار مركز بعيد عليه ..


إذا دخلت للدورة كل اللي عليك تنزل موادك وتذاكرها وإذا قربت الإختبارات ينزلون الجدول على موقع العماده تروح تختبر إذا نجحت بكل المواد كلها مابوه رسوب خلاص تتخصص اللي تبيه ولاهنا معدل يشترطونه إذا أجتزت الدورة أهم شي تنجح وبس .

إيه من السهل تختار القسم اللي تبيه أهم شي أن الشرط الأساسي متوفر فيك اللي هو إجتيازك للدورة بنجاح ..

إيه إدارة الأعمال تتبع كلية العلوم الإدارية والإقتصاد .

عادي أسأل اللي تبيه مهنا كلافه والله يوفقنا وياكم .

المشاركة الأصلية كتبت بواسطة حمد زيد

جزاك الله خير وماقصرت يالغالي ...

من بعد اذنك ,, ايش تقصد بـ أن الاختبارات تصحيح الكتروني ؟

الله يعطيك العافية يالغالي ...

المشاركة الأصلية كتبت بواسطة مخاسير

يعني اسئلة الاختبار تجي بورقه و الاجوبه عباره عن خيارات توجه بورقه ثانيه تستخدم قلم الرصاص و تلون الخيار الصحيح

هالطريقه يسمونها تصحيح الكتروني يعني بالكمبيوتر

غير كذا مراكز الاختبار يخيرونك تبي تخبر في نفس الجامعه او احد المعاهد العلميه وانت تختار اللي قريب من بيتك

مثلاً انا اختبر في المعهد العلمي بالملز لأنه قريب من بيتي

على فكره سمعت ان جامعة الملك سعود هالسنه بدأت بفتح الانتساب المطور
جرب يمكن عندهم تخصصات افضل من جامعة الإمام

بالتوفيق ان شاء الله اخوي

المشاركة الأصلية كتبت بواسطة مخاسير

حبيت اضيف لي شيء ، ترى كل اسئلتك تلقى لها جواب في موقع عمادة التعلم عن بعد في جامعة الامام
وغير كذا تقدر تسجل في منتدى طلاب وطالبات جامعة الامام وهناك يجاوبون على كل اسئلتك

واذا حبيت تقدر تروح لمقر الجامعه وتدخل من البوابه الغربيه وتبي تلقى عمادة التعلم عن بعد وعندهم بروشورات يعطونك اياها توضح كل شيء وفيه موظفين يجاوبون على كل استفساراتك

المشاركة الأصلية كتبت بواسطة حمد زيد

اختي اتمنى لك حياة علمية مليئة بالنجاح والتفوق .... والله يسعدك دنيا وأخره وييسر امورك ..

بخصوص الإستفسارات حالياً عندي استفسار ,, انا دخلت الموقع وشفت التقويم لقيت مكتوب بداية التسجيل للدورة التأهيلية من ( بداية العملية 19 /9 / 1431 ) و ( نهاية العملية 16 / 1 / 1431 ) هل معنى ذلك ان الدورة التأهيلية تعقد مرة واحد كل سنة ؟ هل يمكن دخول الدورة التأهيلية في الفصل الثاني ؟ اذا كان بالإمكان الدخول للدورة التأهيلية بالفصل الثاني , متى يتم التسجيل؟؟ لأني انوي ادخل بالفصل الثاني ,,,

وترا ان حصل وطرأ علي استفسار برجع وبسألك ياختي واكيد ماراح تقصرين معي ومع الأخوان اللي بيستفيدون ,, ادري اني نشبة بس ماتقصرين ...

شاكر ومقدر والله يقدرني على رد جمايلك ...

المشاركة الأصلية كتبت بواسطة صراع

حياك الله أخوي مخاسير

الشهادة تكون مختومة بــ التعليم عن بعد وهذا قريته في منتدى تدارس إذا أنت مطور بتلقاه هناك لائحه التعليم عن بعد منزله أحد الطلبه هناك وكان من ضمن اللائحه أنه الشهاده بتكون بمسمى التعليم عن بعد .

أخوي حمد المقصود بالتصحيح الإلكتروني أن نظام الإختبار بيكون إختياري فقط و راح تظلل الإجابات بالرصاص على ورقة الإجابه وهذا مايعرف بالنظام الأمريكي والتصحيح يكون آلي .

صحيح كلامك من ناحية التعيين يقبلون فقط من هم تخصصهم لغة إنجليزية أما غيرهم لا يبون إنتظام .

بالتوفيق .

المشاركة الأصلية كتبت بواسطة مخاسير

الانتساب التقليدي تم إلغائه في جامعة الامام والملك عبدالعزيز والملك فيصل

يعني جميع الجامعات اللي كان عندها انتساب تقليدي " مجاناً " تحولت الى إنتساب مطور بمقابل مادي

الانتساب التقليدي مثل الانتساب المطور ، كلها الطلاب مايحضرون الا عند اداء الاختبارات في نهاية كل مستوى

الفرق بينهما ان الانتساب التقليدي تشتري الملازم من مكتبة الجامعه او احدى مراكز خدمات الطالب التي بجوار الجامعه
والمطور بامكانك تنزيل المقررات من الانترنت وبامكانك تنزيل المحاضرات المرئيه والمسموعه من الانترنت واختيار مقرراتك عن طريق الدخول لموقع الجامعه بيوزرك المسجل لديهم

انا سألت عمادة التعليم عن بعد وافادوني بأن الشهاده يسجل فيها " إنتســـاب"

ومثل ماوضحت لك مافيه فرق بين التقليدي والمطور الا ان المطور تستخدم الانترنت لمشاهدة المحاضرات او الاستماع اليها وتنزيل المقررات لديك واختيار المقررات التي تنزلها بجدولك في كل ترم ودفع رسوم
والتقليدي لازم تروح ادارة الجامعه ولازم تشتري الملازم ولايمكنك مشاهدة المحاضرات او الاستماع اليها

والانتساب التقليدي تم الغائه في كل الجامعات ولا يوجد الآن الا الانتساب المطور فقـط

المشاركة الأصلية كتبت بواسطة صراع

وياك أخوي حمد وأعتذر على التأخير معليش .

الدورة التأهيليه كل ترم يفتحونه يعني فيه الترم الثاني بحول الله وإن ماخاب ظني حتى الترم الصيفي مثل الصيف اللي راح كان فيه دورة تأهيليه .

تابع موقع العمادة بعد الإختبارات بإذن الله ينزلون جدول المتقدمين للدورة التأهيليه فيها كل شي موعد التسجيل والإختبار والسداد .

مهنا إزعاج وأنا أختك أسأل وأنا أجيب اللي أقدر عليه بإذن الله ..

وأعذرون على القصور .