السلام عليكم ورحمة الله وبركاته
في البدايه ماحبيت اقولكم ساعدونيتكفونواعيط عندكم ادري انكم ماتقصرون بس عارفه مافي ايدكم شي
المهم ياجماعة الخير انا قاعدة صارلي خمس سنين وانا افحط ادور وظيفه من مكتب لمكتب ومن مدرسه لمدرسه ومن جامعه لجامعه ماحصلت وكل ماجيت مكان قالوا خبره طيب وظفوني علشان يجي معي خبره
قلت لاهلي بسوي لي مشروع وباخذ قرض من المكاتب الي تدعم مشاريع الشباب قالوا لي شدي ارضك بكره بيخسر مشروعك هم والله مانكفلك(اما اهلي شغالين تحطيم فيني)
قلت اجل يا بنت مالك الا تكملين ماجستير وطلع التقديم على الماجستير مثل التقديم على وظيفه وبرضوا ماحصل ماجستير
قلت اجل بدخل على منتداكم ابرضخ لكم بشهاداتي وهي كالتالي:
بكالوريوس داراسات اسلاميه-جيدجدا
دبلوم تقنية برمجة سنتان-جيدجدا
خبره في مدرسه حكومي بدل استثنائي 4اشهر
خبره مراقبه في امتحانات القياس بجامعة سعود 8ايام
الي عندة واسطة ولااش يكلمني على جوالي 050***والباقي ماتغير خخخخ امزح
وعالعموم الله يوفقني ويوفقكم ان شاء الله

ماشاء الله شهادتك حلوه وعندك خبره كويسه
تابعي ياقلبي وظائف الرياض وربي راح يفرجها عليك وييسر لك امرك
الله يوفقك ويرزقك باذن الله
لك مني الدعاء

وعليكم السلام ورحمة الله وبركاته



ربي يكون بعونكـ ان شاء الله اختي



وربي يوفقكـ ويرزقكـ الوظيفه واتمنى لك كل التوفيق



إدعي ربكـ وإستغفريه وربي ما ينسى أحد من عباده

يعطيكم العافيه والله يرزقني ويرزقكم

ماشاء الله تبارك الله مؤهلاتك ممتازه
وليه التحطيم يابطه!!
.غيرك مايوصل اللي وصلتيه واعتبري كم سنة راحت
خيره لك في إنك تتميزي في تعليمك وترتقي في حياتك العلميه
كل شهادة حصلتيها بتجني ثمرها ان شاء الله ولا يروح هدر
ربي يوفقك ومايضيع لك تعب

ضيء قلبي
اله ينور لك دربك ويسعدك في الدنيا والاخره ويرفع من شانك مثل مارفعتي من معنوياتي

ربي يرزقك الوظيفة اللي تتمنيها .. !

موفقة

الله يرزقك ويفتح لك ابواب الخير