[align=justify]
السلام عليكم احم مدري كيف ابدا بالموضوع عموما انا قدمت علي وظيفه واليوم مقابلتي بس ان شاء الله خير وحطوني بالكول سنتر قلت حلو نجرب اهم شي وظيفه طبعا اجتزت اغلب المقابلات الشخصيه من مبني الي مبني المهم قالت لي الموظفه لازم تدريب 10 ايام واليوم اللي بعده نعطيك تقيم علي شغلك وبعدها تحت التدريب ثلاث شهور بس مع راتب وبعدها يتم الترسيم بس انا خايفه موعارفه اي شي عن الكول سنتر وطبيعه عملهم والتدريب فياليت اللي عنده خبره بهالشي يفيدني او معلومات عشان اروح وانا فاهمه بالضبط وش المطلوب مني ؟!

[/align]وشكرا علي رحابه صدركم عارفه طولت اسفه

الله يووفقك يجي من يفيدك

القطوه
مساك الله بالخير

الكول سنتر هو الرد على مكالمات العملاء والمراجعين واستفساراتهم عن الاقسام او الاسعار او اسماء الاطباء او اي شئ يخص المجمع الطبي اللى تشتغلين فيه

والان بمان ان التأمين منتشر وكثرت المراجعين لحملهم البطاقه التأمين الطبي اغلب الاتصالات تستفسر عن الموافقات من شركاتهم بخصوص المعالجه لقسم معين او عمليه او صرف ادويه و

ان شاء الله اني اكون افدتك بخصوص عملك بمجمع طبي

ولاتخافين وكلى ربك والامور سهاله جدآآآآآآآآ

قــطوه في الاول ابارك لك على الوظيفه والله يوفقك ان شاءالله ...

بحكم اني عملت سابقا في مستشفى الحبيب في كل الفرعين الي في العليا والي في حي الريان مادري انتي في اي فرع بس بشرح لك عنهم كلهم ...

بلاول انا انصحك في فرع الريان لانه جديد وفرعه مره راقي كانك داخله فندق مو مستشفى اضافة ان مافيه زحمه ووجع راس مثل العليا ..

في العليا راح تاخذين دوره مدتها عشره اشهر عند ليلى المشهوره بأبله ليلى هههههههه وهي مرره محترمه ماشاءالله عليها وهي راح تعطيك دوره عن اقسام المستشفى وبتخليك تطبقين عملي لمدة عشره ايام من ثم تنزلين الى العمل طبعا تجربه الثلاثة شهور شي روتيني في الاخير انتي بتوقعين عقد لمدة سنتين ...

بالنسبة لمستشفى الي في فرع الريان بصراحه عن جد يفرق كثيير عن العليا من ناحيه الاداره والراحه والي راح تعطيك الدوره ريماا الشدادي بنوته توها شباب وماشاءالله عليها محترمه ومبدعه ونفس الطريقه عشره ايام راح تعطيك الدوره من ثم راح تداومين رسمي معهم ان شاءالله ...

بالنسبة لشغلة الكول سنتر اهم شي انك تكوني عارفه وفي الاصل تصير مكتوبه عندك التحويلات الخاصة في المستشفى واغلب شي تستخدميه لما يتصل عليك احد يسال عن شغلة اذا تعرفين الاجابه او تحولينه للقسم الي يستفسر عنه ..

اضافة بان كثير من المرضى او الموظفين في المستشفى علشان يستطيع الاتصال على رقم جوال لازم يكون عن طريق الكول سنتر يتصل عليك ويعطيك الرقم ويقولك تتصلين على الرقم هذا وتتصلين عليه وتحولين المكالمة له ..

وفي كثير اوقات راح يعطونك الاداره ارقام معينه تتصلين عليهم كتحديد موعد او استفسار او خلافه ...

الشغل كله سهل والله يوفقك يارب واي استفسار اطرحيه وانا راح اجاااوبك ...

[align=right]
مشكور اخوي كاتم والاخ مزيون بس مزيون الله يهديك خوفتني من فرع العليا وانا هناك مع ان الريان اقرب لي بس بيني وبينك الدعوه واسطه يمكن اطلب نقل بعدين بس انا قابلتني وحده بنت السناني حقت الكول سنتر بس ليه اوقع عقد سنتين بصراحه عيني عالبنك ودي اخذ خبره ست شهور او سنه وانحاش انت خابر لازم الوحده تطور نفسها
<< صريحه خخخ
[/align]

[align=center]
وصلت المشاهدات 105 ومارد الا ثلاث
[/align]
طيب ابغا وحده تشتغل هناك تعلمن كيف التدريب بيكون والتقيم علي ايش ؟؟

موفقه والله يرزقك ماتتمني

اقول
عصفور باليد ولا عشره ع الشجره لا تكثرين اسئله ولا شي
روحي داومي وتدربي وشدي حيلك ولو لقيتي وظيفه احسن سواء ببنك او غيره روحي بدون اي تفكير
لان كثرة الاسئله هي اللي تجيب الارباك وتجيب التخبطات النفسيه
ولكن نصيحه لك لا اكثر شدي حيلك وروحي سواء فرع العليا او فرع الريان او الامارات كلها مثل بعضها نفس الراتب ونفس الوظيفه مكتب واستقبال مكالمات
مافيها لا تخوف ولا هم يحزنون
كلها مستشفى سليمان الحبيب معك فلانه كيف اقدر اخدمك
وقدامك جهاز تشيكين على كل شي حسب طلبه

ومثل ماقلت لك لو حصلتي بمكان ببنك او غيره بواسطه او بغيره روحي اذا افضل راتب من الحبيب

مع انو ساب قريب راح يطرح شواغر بالهبل

بالتوفيق