السلام عليكم ورحمة الله وبركاته
اخواني أخواتي لاعزاء صباح الخير اومساء الخير
انا عندي محل وشغال من مده ولكن الااوضاع مش ولابد وجائني احد العماله الوافده وقالي بتقبل المحل منك وبعطيك مبلغ وقدره ولكن بشرط ان يبقى المحل باسمك وتستأجر المحل المجاور باسمك ونفتحهم على بعض فيكون معرض كبير وهو سيدفع كل شئ وحسبناها حسبه سريعه سيكلفه المشروع مليون ونصف تقريبا .
المهم انا محتار الان هل اوافق على ذلك وهي فرصه كبيره واذا وافقت كم اطلب منه شهريا في مثل هذا المشروع.
وانا شرطت ان اكون مطلع على كل شي من حسابات شهريه وعمل ميزانيه عموميه وفتح حساب في البنك باسم المحل
وهو عنده في بلده اكثر من محل ويقول لي انه بيشتري بضاعه من هناك ويحول قيمتها من هنا وهذه خوفتني شوي
المهم اريد رائيكم في هذا الموضوع وماهي الطلبات او الشروط التي اشرطها عليه لكي لاأقع في مشكله كبيره.
ولكم مني فائق الود والتقدير.

انحش عن هالسالفه بكره يشتغل شهرين ويعطيك وبعدين يقولك هذا محل مافيه شغل كويس لازم نزل مبلغ اتفاق شويه وان ما وافقت تركك وانحاش . فيه اول شيئ ينقل كفالته ثاني شي يجيب كفيله بعد ما تجرد عليه البضاعه كامله وتتفق انت وياه على مبلغ يدفع لك يوميا وتكون زيارتك للمحل يوميا وتجرد بضاعتك عليه قبل لا يباشر اذا استلم البضاعه مثلا 10000 قبل لا يترك يسلمك بضاعه 10000 نس بضاعتك الي سلمتواياها وقبل كل هذا لا يستلم شي الين يجيب كفيله ويظمنه ولا توقعه على شي تقدر تاخذه منه انا اعرف واحد عنده 7 عمال وثلاث محلات سباكه كل محل فيه بحدود 60000 الف ريال لهم معه 10 سنوات على هالحال مبلغ يومي وبضاته الي سلمها لهم ما تنقص شي وهم لهم فايدة الربح بالقطعه وهو مبلغ يومي متفق هو وياهم عليه .
هذا وادعو الله لي ولك بما يرضي الله

هلا اخوي بس انا مالي بضاعه ولاحاجه انا بالاسم فقط هو قال شاركني فيه فرفضت يعطيني حق تقبيل محلي واستأجر المحل الثاني باأسمي ويفتحهم على بعض معرض كبير ارجو ان تكون وصلت لك المعلومه
وشكرا

^^


يمكن يخلي المحل تجاره مخدرات ما تدري عن العمالة

أخي بادي الرجم وإن شاء الله تبقى فوق الرجم ماتنزل ههههههههههههه

انا ماني شايف شي يستدعي الخوف من قبول العرض وخاصة إنك لديك خبرة في المجال الذي سوفا يتم توسعتة من طرف الوافد وهذا سوفا يسهل من مهمتك إنك تعرف اسرار هذا النشاط

اما من حيث خوفك من الحوالات لايوجد خوف منها مادام جميع اوراقك سليمة تفتح سجل إستيراد وتصدير بأسمك ويتم فتح الحساب بأسم المؤسسة حتى تحول الأموال للخارج من دون مسائلة لن معك سجل تجاري وجميع حوالاتك لغرض التجارة مع حفظ صورة من بوليصات الشحن المستورد لديك لرجوع اليها وقت الحاجة حتى تثبت إن هذه الأموال خرجت لغرض التجارة وهذا مايثبت صحتها

اما التعامل الداخلي كذلك لايوجد خوف الا من نقطة واحدة فقط وهذه لابد من التركيز عليها لاينزل بضاعة من مندوبين بنظام الأجل (دين) ثم بعد ذلك انت من سوفا يقوم بسداد المندوبين لان الأوراق بأسمك ولكن قد تجد لك مخرج لهذه النقطة اما إن المحل في مطبوعاتة الرسمية (الفواتير) تذكر ملاحظة المحل غير مسئول عن فواتير الأجل (الدين) تعاملنا كاش

او مخرج ثاني إن فاتورة الأجل لابد من وجود الختم الرسمي للمؤسسة والختم يبقى معك حتى تعرف مقدار فواتير الأجل (الدين)ويكون لك سقف لاتتجاوزه هذه الفواتير حتى يتم سداد الفواتير السابقة

اما من حيث كم تطلب لانعلم عن نوع النشاط ولكن بحكم خبرتك أنت قد تحدد المبلغ الذي تجد إنه مناسب لك

ياهلا يابن الهيلا والله انك كفو ومن رجاجيل كفو
والله وانا اخوك مثل ماقلت عرض مغري وصرت محدود على هذا الامر لانه في وقتنا الحالي مستحيل واكثر من مستحيل انك ياسعودي تدخل السوق لوحدك وتنجح لانه اكثر منافسينك هم الاجانب اللي للاسف مسيطرين على كل شي ويتحكمون فينا على كيفهم وتجدهم في كل شي حتى الدوائر الحكوميه وصلوا لها الله يستر ماباقي الايقلبووون الحكم ههههه .
وفيه مثل يقول اليد اللي ماتقواها صافحها لاني مجرب اكثر من مشروع وخسرت بدايه من الجوالات مرورا بمحل خضروات وفواكه وهذا حكايته حكايه مع الاجانب ثم محل كمبيوترات وبعدها التوبه التوبه من أول مسوي زحمه ومكثر الوطنيه شوي لامايصير الكلام هذا تستر ويضر بالاقتصاد الوطني ووو... وفي الاخير متناااا من الجوع والاجنبي ياأكل الاخضر واليابس.
لااله الاالله اصبحنا واصبح الملك لله يالله على بابك ولاخاب طلابك.
انا وش جاني مع ذا الصبح قر قر زياده هههههههه
استغفرك يالله واتوب اليك.

امسينا وامسى الملك لله ولااله الاالله وحده لاشريك له

اصبحنا واصبح الملك لله
يالله على بابك ولاخاب طلابك

العامل يماني ؟؟؟؟؟؟؟؟
انا من ناحيتي لو مايبقى الا هالجنسيه ماتعاملت معهم
كفايه مايجي منهم ياليت يتم توقيف الاستقدام من هالجنسيه
كما حصل في عهد خادم الحرمين الشريفين ورتاحت البلد منهم
كل يوم نطالع الصحف جرائم وسرقات ونصب وابتزازوفساد والمتخلفين اكثر من المقيمين

هههههههههههه الرحااال مساء الخيييييير وين رايح يابو ولع النوووووور ههههههه والله مالومك