ايش رايك في شركة الحلول تبع موبايلي ؟

كلام محايد · #1 (**permalink**) 05-01-2011, 08:35 PM

اللي دقوا عليه يقولون الراتب يوصل 4000 مع البونص الدوام 9 ساعات مع البريك و يومين اجازة تقريبا اللي كلمني واحد يقول ايش رايك
من كلامكم الشركة تخوف
ياليت تعطوني رايكم ؟
الوظيفة اتوقع كول سنتر

12345 · #2 (**permalink**) 05-01-2011, 09:04 PM

بالتوفيق

ღ يربش الباحة ღ · #3 (**permalink**) 05-01-2011, 09:12 PM

انا دقو علي قالوا شركة الحلول وماعرف وش هي واصلن مدري

مين الي قدملي لكن صرفتهم ؟؟؟؟؟

طفشت من كل شي · #4 (**permalink**) 05-01-2011, 09:55 PM

رزق جآك لعندك ولآترده

رح توظف احسن من الجلسه بالبيت

بندرسكرتير · #5 (**permalink**) 06-01-2011, 12:43 AM

ماودي احطمك لكن الحلول شركة مشغلة لموبايلي واذا بالتوضيف ر اح يوضفونك طولي اذا وفقت على شرطهم الي اهي تجيب شرط جزئي تتركهم اقل من سنة تدفع عشرة الف ريال واذا تبي نصيحتي توضف فيها والله يوفقك احسن من الدجة وعلى فكرة اذا اثبت نفسك ممك موبايلي ترسمك بالشركة ويصير راتبك 8000 الف ريال هذا هو الفرق بين الرسمي والمتعقد المتعقد يستلم نص الراتب 4000 الف ريال والرسمي راتبة 8000 الف ريال هذي معلومة من صديقي الي يعمل بموبيالي عالم من اختياري افضل من stc المعفنة الي ضالم موضفينهم وراتبهم زفت

عبدالكريم المسند · #6 (**permalink**) 06-01-2011, 01:08 AM

بالنسبة لشركة الحلول هي شركة مشغلة لعدة جهات من بينها موبايلي وزين وبنك سامبا والفرنسي
طبعاً هي مُختصه بتدريب المتقدم وتهيئته للوظيفة وبعدها ترشحه لإحدى الجهات
ومن خلال يكون العقد مبرم بين الموظف وبين شركة حلول بحيث يكون مرجعه الوظيفي هي شركة الحلول
ويستلم الراتب من نفس الشركة طبعاً الشركة تأخذ بحدود 2000 ريال
ومسألة الشرط الجزائي هو فقط يطرح بالمقابلة الشخصية ولايجبر الموظف على دفعه ولكن فقط لرؤية المتقدم ورغبته بالوظيفه
نصيحة لك تقدم لهم وتستفيد من خبراتهم ومن خلاله قد يُفتح لك مجال اخر بوظيفة أفضل

ღ يربش الباحة ღ · #7 (**permalink**) 06-01-2011, 03:47 AM

والله مدري لحسة مخ من جد

وووسيم وعاطل · #8 (**permalink**) 08-08-2011, 05:25 PM

انا اتكلم عن نفسي انا من الي اقبلوهم في موبايلي والحين فترة تدريب لمدة اسبوعين في فندق المعيبد والله يا شباب انها حلوه وان شاء الله مستقبلها حلووووووو صدقووني لا تفوتكم وش تبي بعد مكيف ومكتب وجهاز خاص فيك وراتب 4000 قابل للزياده وبعد فترة تترسم مثل الي قبلنا ترسموووا صدقووووني ما تتعوض انا الحمدالله اقبلووني وابشرركم الى الان اموري ززينه

قوة الإحلام · #9 (**permalink**) 09-08-2011, 02:45 AM

اقتباس:

المشاركة الأصلية كتبت بواسطة وووسيم وعاطل

انا اتكلم عن نفسي انا من الي اقبلوهم في موبايلي والحين فترة تدريب لمدة اسبوعين في فندق المعيبد والله يا شباب انها حلوه وان شاء الله مستقبلها حلووووووو صدقووني لا تفوتكم وش تبي بعد مكيف ومكتب وجهاز خاص فيك وراتب 4000 قابل للزياده وبعد فترة تترسم مثل الي قبلنا ترسموووا صدقووووني ما تتعوض انا الحمدالله اقبلووني وابشرركم الى الان اموري ززينه

طيب يا الغالي للحين في مفتوح التوظيف ؟

عساء ربي يوفقكـ دنيا واخره