[align=center]والله ياخوي أنا أكلمك من واقع خبرة ناس مقربين مني دخلو بزراعة الاعلاف وخسررررروا طبعاً بالقصيم وطلعو منها مطفرين والزراعه عموما فيها نسبة مخاطرة كبيييرة لانه حظك نصيبك ياتطلعك فوووق ولا تحت ,, بأختصار مانصحك فيها وشكراً[/align]

ابن الهيلا بما ان عندك خبره بالزراعه ياليت تفيد اخونا وتفيد الي حاب يستثمر بالزراعه

اخوي احب مكة الله يوفقك هذا من المشاريع سريعة دورة راس المال . ومن احلى المشاريع فى السعودية
انا اشتغلت فى الاعلاف الجاهزة ابيع واشتري بالسيارة وشغلتها ماشية من احسن مايكون . انا ماقد اخذة مزرعه
استثمار . كنت اشتري محصول وابيع فى الاسواق . لكن عندي شوي خبرة فيها . شوف احسن مناطق لزراعة البرسيم . تبوك . حائل . سكاكا . الجوف . طبرجل مناطق الشمال . بالنسبة للائجار الرشاش يكلف حدود 50 الف
بعد ماتزرع ياخذ تقريبا 3 شهور ويجونك شركات حصاد وتلبين . يتقاولون معك بالمزرعه بسعر حلو لك ولهم .
بالنسبة للعمالة المزارعين تلقاهم عند المزرعه ماتتعب فيهم . اهم شي ركز على الموية ماتكون مالحة
واذا تبغى واحد بالاشراف اعرف واحد ماسك مزرعه لمستثمر وعارف كل كبيرة وصغيرة وبيوفر عليك فى كثير من الامور . مااقول الا اعزم وتوكل على الله مشروعك من احسن المشاريع مطلوب فى السعودية . ولاتسمع كلام من فلان وعلان الى يزرع والى يصيد سمك يمكن مايكسب كثير لكن مايخسر لن بضاعتهم بلاش
اتمنى للجميع التوفيق

بسم الله الرحمن الرحيم

السلام عليكم ورحمة الله وبركاته

أخوك من وادي الدواسر

والدي له أكثر من 30 سنه في الزراعه ويعتبر من أكبر المزارعين في الوادي خبرهـ

والزراعه شيء طيب ومربح للشخص الفاهم في هذا المجال

اما من ناحية الايجار فهو يختلف حسب الموقع والمساحه والتربه .

أما طرق الزراعه والرعايه فهي ليست بالسهله وليست بالصعبه أنت من يتحكم في ذالكـ وعلى حسب أمكانياتكـ .

أما من ناحية الاستثمار في جيده والزراعه حظ ونصيب مع كثرة النصابين والمشاكل الزراعيه من مياه والعماله والمعدات .

ونصيحة أخويه أذا لم تكن فاهم في الزراعه أنتبه ثم أنتبه

وللمعلوميه الزراعه ممكن تخسر مرتين وثلاث وتربح في سنه عن 5 سنوات

والله يوفق الجميع

وأذا أي أستفسار انا حاااضر ..

[align=center]
السلام عليكم ورحمة الله وبركاته

شكراً لجميع أخواني المتفاعليين للموضوع


[frame="1 98"]
أخي حارس الشوق

[frame="2 70"]
هلا وغلا

الاسعار تختلف من وقت الى اخر وحسب نظافة المحصول

واسعار ابرسيم من 9 الى العشره والثمانيه في حدود ذالك والذره حول السبعه والرودس كذالك والتبن أقل شي من الاربعه والخمسه وترتفع بعض الفترات أما في الشتاء فيصل البرسيم الى 22 والتبن الى 9

ويوجد من يبع قبل الحصاد والاغلبيه تبيع بعد الحصاد وقبل التلبين ومنهم من يلبنه (( بلكات )) جاهز يعني ثم يذهب للسوق ويعرض العينه ويتم شرائه .

تختلف وعلى حسب نوعية المزروع وفي الشتاء ينخفض الانتاج بسبب البرد وهذا يسبب طلب نفس هذا الوقت ..

وهذا والله أعلم

وأتمنى الجميع يعذرني لقلة الخبرهـ ..
[/frame]

شكراً لك أخي عبدالله ما قصرت كفيت ووفيت , واستفدك منك كثيراً