{ فعالية فيديو بطالتنا سرَ سعادتنا /المقاطع المشاركة ترسل على الخاص

وثيقه متلحفه · #1 (**permalink**) 08-01-2011, 10:33 AM

نرحب بكم بفعالية فيديو بطالتنا سرّ سعادتنا

[ALIGN=CENTER][TABLE1="width:95%;"][CELL="filter:;"][ALIGN=center]

السلام عليكم ورحمة الله وبركاته

كيف حال نفسياتكم عساكم مبسوطين ومستانين وأموركم غانمه وربعكم بخير الارض عساكم خيمتوا ورعيتوا بالخضره
تعرفون كل ابوكم انا نطحنا 2011 م والايام تراكض ورا بعض وسمعت واحد يقول 2012م بتكون نهاية العالم ومن بعد هالخبر وانا طريحة بالفراش
واعد أعمالي الصالحه و وفتشت مالقيت شيء يجمل قلت وراني مااسوي فعالية تكون بميزان حسناتي واونس عيالي وبناتي
واخلي الي يقول عنهم قرواه وانهم بدائين يموت والي يقول قسمي مهجور وكان يعاير عيالي بعيال الجن يموت قهر اهم ماعندي مشرفين الواحة بحرقهم ابي اسمائكم تتلألآ باليوتيوب
وان خرجتوا من بيتوتكم الصحافه تلحقكم والشعب يتلزقون وابو الزيود يبكي ويتراجاكم ترجعون الواحة ويخليكم تشتشون وانتم تتطالعونه بنص عين وتقولون الطاعة لله ثم لوثيقه
نبي تحرقون دمه ابي الواحه تنزل الستاره السوداء ابي الكل يطلبون قربكم الي يبي يطق صوره معكم ووهدايا المعجبات تناهل عليكم من كل حدب وصوب اشتراك كونكت لمدة شهر وسنه
ونبيهم يكتبون الاشعار بعيال وبنات محبس الجن نبي نسوي صجه لاصارت ولا استوت نبي قائمة المتواجدين زحمة ونطلب من صاحب السمو فضل توسعه تعادل توسعة ساحة الحرم ونسميها توسعة فضل مطيب قلوب العاطلين ويطلع صيتها بقناة الأخبارية نبي حي السفارات يسحب على معازيمه يوم زواج ويتابعكم نبي جنة الورد تقول بطلت مابتزوج ابعيش
بمحبس الجن بلازواج بلاهم وعشقت محبس الجن

ونبي فجر تتعلق بخشم ابوها يسجلها بالمنتدى صغير والكبير نبي نجيب راس كل من شايف نفسه على قسمي ...

هي فعالية اجوديه فخمه من الطراز الملكي والي يشارك فيها نعرف انهم عيال نعمة فعالية فيديو البطالة فكرة /وزير البطالة اقترح علينا جزاه الله خير وسبق الحر الباكي اشار بعمل مسابقة فيديو وحنين الروح سبق هاوشتني قالت يازنك وراك ماتتسنعين وتنزلين مسابقة فيديو يوم شفتهم يطالبون بمسابقة فيديو قعدت مع نفسي المصون وتصالحنا بعد ماكنا متهاوشين ثمن عزمت طرحها ..ماكان ودي اصرح من تحت هالفكره
ابليس اشغلني الله يشغله بعمره يقول ان مااعترفتي بحرق عينك وقبل كم يوم فقد عين وحده مالقيتها مدري من اخذها كل يوم اقول بكره يردونها إلآ الآن مارجعت
ابي اترزق من ورا هالفعالية واطلع كم فلس واسافر عند الخواجه يركبون لي عين ضفدع
عاد هم ماكملو جميلهم قالوا بس مسابقة فيديو وخلو الموضوع على عاتقي الهزيل

( اتموزح انتم الخير والبركه بس مااترك نذالة العبيد يكفي اشارتكم لي بإقامة الفعالية

)

نجي لشرح هالفعالية المطنوخه الفخمة

سلمكم الله ياعويلي ويابنياتي الفعالية تجيبون مقطع من مقاطع اليوتيوب وتحطون عليه ترجمة عن الفقر والبطالة
مثلاً تروحون اليوتيوب وتبحشون بالمقاطع وتلقون مقطع اوبرا وهي تتكلم انتم تترجمونه عن البطالة بطريقه ممتعه ومن سنعكم ومن درركم ولكم الحريه بترجمة بس
ها مانبي تعدي على الاسره الحاكمه ولاكلام لاذع مالي يومين طالعه من قسم الشرطة تكفون نبي نستانس مانبي سجون نبي نوري لناس مستانسين بالبطالة وبطالتنا سر سعادتنا
والشباب كان تبون تسجلون صوتكم على المقطع
بدل الترجمة مسموح لكم غير مسموح للبنات مثل مقطع سعد الحريري يوم ينتع بمجلس البرلمان انتوا تسجلون صوتكم على المقطع وتخلون الحوار عن البطالة
لكم الخيار ياعيال ترجمة وصوت ام البنات مالكم غير الترجمة ومسموح لكم التعاون مع بعضكم مثل المقطع الواحد يتجمع فيه ثلاثه مثل فيصل العامري يجيب المقطع شغب يكتب الحوار
وعلوش ينزل الترجمة على المقطع ومسموح بالعمل الفردي الباب مفتوح لكم يابعد بلاعيم حلقي الملتهب
المقاطع لاتكون مخله بالآداب تجيبون مقطع اسيل وخالد وتحطون عليه ترجمه قسم لو شفت هالمنكر اكسر رقابكم ولا يكون به موسيقى محنا ناقصين ذنوبنا عندنا وعندكم الخيريالله تعفوا عنا وترزقنا الجنة .....
الوشسمه لاتسألوني عن طريقه وضع الترجمة على المقاطع تخبروني اني تنكه ومصديه بعد حدي افتح الجهاز وامصع السلك من الفيش مااعرف لها التكلولو جيا فسويت عقد
وابرمته مع (المهندس علوش) وافق جزاه الله خير وبينزل موضوع كافي وافي طريقة الترجمة على مقاطع اليوتيوب مالكم عذر تشاركون وانتم ماتشوفون طريقكم
وان اي سؤال واي استفسار عن الطريقه لايردك غير اصابيعكم علوش بخدمتكم
والي مايعرف يحط مقطع حتى بعد الشرح مافهم به فداغه مثل فداغة جدي معيض علوش بيساعدكم
ياويلك ان حسيت بتزرق مني ولامني بتحل عليك النعنه النيجيريه القاصمه ترى مالنا غير الله ثم انت

والحين باب التسجيل مفتوح لمدة اسبوع كامل ثمن اقفله وانزل مواعيد وجدول المشاركين وايه صح المقاطع ترسلونها ليه بالخاص انا انزلها حسب الجدول الي بتشوفونه
والتصويت بيكون وليد اللحظه يعني يوم السبت ندفرسان وملك التحديات انزل مقطعهم وكل عضو يرد على مقطعهم يعطيه تصويته من 12 ويقعد يومين ثمن يتقفل التصويت فقط
والرد على الموضوع مفتوح وبعدها انزل المقطع الي بعدهم مثل مقطع كابتشينو جده وتباشير الصباح وهكذا بيكون ان شاء الله فهمتوا على شلامي

والفائز على المركز الاول له وسام فخم من الذهب البحريني اجود انواع الذهب
والمركز الثاني له وسام مطلي بالذهب والمركز الثالث له وسام بالفضة مرصع يبرق برق ..وبه شي ثاني اخليه مفأجاة

انطلقوا بتسجيل ملف اخضر علاق صورة من شهادة الميلاد شهادة حسن سيرة وسلوك من امام المسجد للعيال البنات ارفقوا مع ملفاتكم ارقام طقاقات

................................................... ....................................

وبتسجيلكم تتحول كشرتي

[/ALIGN][/CELL][/TABLE1][/ALIGN]

راعي العليا20 · #2 (**permalink**) 08-01-2011, 10:37 AM

الله يعطيك العافيه ياجدتي وثيقه

انا بكون بالخدمه في اي شي يصعب عليكم لاتستحون لايردكم الا الكيبورد

راح اشرح لكم الطريقه بالصور بس اتصالي الان زفت

ان شاء الله في الليل راح انزل الشرح

تحياتي

يـرِبــِشٌ · #3 (**permalink**) 08-01-2011, 11:38 AM

مشكوره مشرفتنا على الفعالية واالشكر موصول للمساهمين معك

ونتمنى المشاركة من الجميع

وقواكم الله

faisSsal · #4 (**permalink**) 08-01-2011, 02:53 PM

ياهوووووووووووووووووووووه وناصه

أخيرآ أشتغل مخ هالعجوز .. وصارت تفكر وتنزل فعاليات

وأنا أقول وش وراها مطفيه اللمبه ونادرآ مانشوفها فيذأ .. طلعت تمرن مخها وتسوي هالمقدمه القصيره جدآ

أقول وش سر طول هالمقدمه .. والله لونه حفل أعتزال أوباما من تربية الابل ورعي الماعز ماشطحتي هالمقدمه خخخخخخخخ

عيوني تزغللت وصابها أنسداد بالامعاء وصداع بالركبه من مقدمتكـِ

بعدين اللي يشوفكـِ .. يقول هالفكرة من بنات أفكاركـِ .. مايدرون أنكـِ متسلفه مخ وزير البطاله وأكله كم هوشه من الحر الباكي وكم كف من حنين الرووح

ومن حظكـِ الجيد أني بينكم .. وراح أشاركـ غصبن عليكـِ .. لاني مخرج لأهم أحداث العالم
ومن ضمنها
أعتزال جورج طوش من الرئاسه الصينيه

<~ وش يحس فيه

.. والله أني ما أدري عنها هي فوق ولا تحت .. الله يستر

ماعلينا ..

نكتفي بهذا القدر من الحش والتقطيع

وإن شاء الله أبناكـِ البرره راح يحولو كشرتكـِ من هذي

~ إلى هذي ~>

وينتفخ راسكـِ .. ومن كبره تسويلنا زحمه .. ويعلق المنتدى وتخرب الفعاليات خخخخخخ

اقتباس:

المشاركة الأصلية كتبت بواسطة وثيقه متلحفه

انطلقوا بتسجيل ملف اخضر علاق صورة من شهادة الميلاد شهادة حسن سيرة وسلوك من امام المسجد للعيال البنات ارفقوا مع ملفاتكم ارقام طقاقات

أكيد هالشرط .. ماينوبني ~> لاني الابن البار لهالقسم

ع فكرة .......................
مادري ليش أغلب الفعاليت لازم يشاركـِ أحد فيها
لدرجة أني أشكـ أن عندكـِ مخ مثل خلق الله

منّو · #5 (**permalink**) 08-01-2011, 03:03 PM

اقتباس:

المشاركة الأصلية كتبت بواسطة وثيقه متلحفه

كابتشينو جده

كابتشينو جامعي قصدتس

وإنتي أي شيء تنزلينه لازم تحشّين مشرفين الواحة المساكين

,, مدري وش سر هالعداوة

طيب ياجميلتي ,, أنا معآكم رح أسجلّ ..ورح أشارك

,,
ومايكون خاطرك إلا طيبّ ,, آمري بعد وش تبين

شفتي ان حنّا أمامير ولا عندنا ضدتس شيء

سطل كوسه · #6 (**permalink**) 08-01-2011, 04:09 PM

هههههههههههههههههههههههههههههههههههههه

كوووش عليـش خخخ
ياسسسلام ياسسسسلام
وش هالحررركـات ..
بيـجي خبــااال خخخ
لاهنتي وثيقــه من هنا لين 2013 راح ارد لك اذا بشارك ولا لا ههههههه
موضوع خيالــي
راح يجي فآنتاســتك
سجليني متابـع

•● هدُوء ~ · #7 (**permalink**) 08-01-2011, 09:49 PM

مسابقة وفعالية حلوة

ويارب تلقى رواج في الشبكة العنكبوتية مو بس

بالبطالة

وحنا بإنتظار إبداعات الأعضاء

أنتي بس غيري أسمه مسميته محبس الجن

وتبينا نزورتس

بالتوفيق ياسندريلا البطالة

وثيقه متلحفه · #8 (**permalink**) 08-01-2011, 10:27 PM

علوش
حيا الله مهندسنا من اولها يعتذر يالله سترك خخخخخخخخخخخخخ
يعطيك العافيه ياوليدي وان شاء الله اتصالك يزين وننتظرك

مراقبنا يربش

حياك الله مراقبنا وحضورك ابهجنا يالله تحيك وان شاء الله تشاركنا قول تم

فيصل العامري
حياك الله هلا بالتنك المصدي يالله تحيهم
ياتنكه هالشرح كله وتقول ماعندي افكار الشروط تمشي على الكل ابن بار وابن عاق
وجاري تسجيلك لين تكمل ملفك ماقلت لنا تبغى العمل فردي او معك احد بيشارك

منّو
هلا والله وحي من لفانا يالله تحي مشرفتنا الطخمه
وش اسوي يقول من حبك حشك سرهالعدواه محبتكم احبكم ياشيخه وش اسوي خخخخخخخخخخ
انت اطلق مشرفين وجود على كوكب قوقل مو بس أمامير الا امامير < عسى ماتكلفتي
تم تسجيلك يابعد بلاعيمي

سطل كوسه

وعليك الكش وكش يتبع كش ياهلا ومرحبا حياك الله .. ايه صدقت انه موضوع وفعالية فخمه وخياليه
ومبدعه ابصم بالعشرة اهل القنوات بيناهلون علينا وكلن بي يبرم عقود معنا تراني بسجلك مشارك
لامتابع

يالله تحي المشاركين .. ياجماعة الخير اي استفسار اي سؤال اي معلومة مافمهتوها علموني
واذا ودكم تشاركون وتبغون احد معاكم يكتب هنا وانا ادبر لكم والي يبي يشارك وناقصه الحوار
ترونا حاضرين

هدوووء
حي الله مشرفتنا المطنوخه حي الله اهل الادب يالله تحيها
بيتغير اسمه وبيتغير موقع القسم بتشوفينه مكان القسم الاعلامي وعلى الام بي سي ض1
تراني بسجلك لاتقولين لأ ض1
وثيقه ترحب بكم

سطل كوسه · #9 (**permalink**) 08-01-2011, 10:29 PM

تم وثيقـه ههههههههههه
سجليني مشاررك ..

عساني بفـوز بس
بيني وبينك التقييم علميني خخخ

وزير البطالة · #10 (**permalink**) 08-01-2011, 11:05 PM

ههههههههههه
وأنا أشوف جاييتني رسالة من واحد يقول نصها ( وش عندك أنت .. بالواحه منزل قصص وبالشعر منزل موضوع مثبت والرياضة جايب فكرة موضوع واليوم بالكاركتير إهب يامخك اللي مايطفي ) وأنا سويت كذا --> مادري وش السالفة ..

على فكرة أنت اللي ابدعتي بهذي الفكرة ..
لأني انا جبتها بفكرة معينة وأنت جبتي فكرة افضل وشيقة ..

راح يكون موضوع راااائع ومضحك ..
يعطيك العافية ياوثيقة منتهية ...

تسجيل الدخول

{ فعالية فيديو بطالتنا سرَ سعادتنا /المقاطع المشاركة ترسل على الخاص

البلوتوث والصور والكاريكاتير

{ فعالية فيديو بطالتنا سرَ سعادتنا /المقاطع المشاركة ترسل على الخاص