بخور روعة والسعر أرووووع

فهد المحنا · #11 (**permalink**) 22-10-2007, 02:22 PM

عليكم السلام ورحمة الله وبركاته

اختي العزيزة ana_sali

بارك الله لك ووفقك لما يحبه ويرضاه

سؤال
ابي اجرب علبه بس اذا انتي بالرياض بالإمكان التواصل مع الأهل في الاستلام والتسليم
واذا كنتي خارج الرياض ياليت تعطيني الرسوم اللي تكلفني عشان اشحنه للرياض

بانتظارك

الحزن مانساني · #12 (**permalink**) 23-10-2007, 01:42 AM

يعطيك العافيه وان شاء الله راح نطلب منك

الحزن مانساني · #13 (**permalink**) 24-10-2007, 11:50 PM

اختي الغاليه انا بطلب منك تجربه قليله واذا طلع ممتاز راح اخذ نسبه كثير من البضاعه
فا حاولت ارسل لك رساله لا استطيع لقله مشاركاتي فياليت ترسلي لنا العنوان حتى يتم التواصل .

قصيمي محترم · #14 (**permalink**) 25-10-2007, 07:11 AM

طيب اخوي والي يبي له علبة للتجربة مكانك وين..؟

بالتوفيق

ana_sali · #15 (**permalink**) 25-10-2007, 12:53 PM

مرحبا الاخوة الكرام اللي حابين يطلبو بالنسبة للأخ فهد تقريبا انا خارج الرياض الشحن يكلف اقصى شي 30 ريال انشالله وانت تدفعها وقت الاستلام فامستحسن تكون اكثر من علبة عشان تستفيد من قيمة الشحن اكثر استفادة
والحزن ما نساني إذا حاب تطلب سجل طلب اكيد هنا وانا راح ارسلكم عنوان الحساب لتحويل المبلغ وعند التحويل يتم إبلاغي وعندها اقوم بالشحن
وبالنسبة للأخ قصيمي للأسف ماعندي تجربة إذا حابب تجرب لازم تطلب علبة مدفوعة التكاليف وانا في انتظار تسجيل الطلبات الجادة هنا حتى اتمكن من معرفة الكمية والرجاء الجادين فقط مع العدد المطلوب والمدينة المراد تحويل الطلب اليها
وشكرا

قصيمي محترم · #16 (**permalink**) 25-10-2007, 01:15 PM

اقتباس:

إذا حابب تجرب لازم تطلب علبة مدفوعة التكاليف

وعلى بالك اني أباخذ علبة بلى حساب ....؟

لاكن أنا أطلب مكانك لأني من القصيم وأتردد على الرياض فأشوف إذا أنا أمر على ديرتك يكون بيننا لقاء...

ana_sali · #17 (**permalink**) 25-10-2007, 05:10 PM

انا أرسله على أي عنوان تختاره عن طريق شركات الشحن فحدد عنوانك ويوصلك انشالله بس الشحن على المستلم

قصيمي محترم · #18 (**permalink**) 26-10-2007, 02:03 PM

اخوي ماعليش اسلوبك مهب اسلوب تجاري
الموزع او التاجر لازم يكون واضح مع الناس
بكلامك ذا يمكن تفقد مصداقيتك
يعني أنا مغرم بالعود ولا عندي استعداد أدفع عليه فلوس وآخرته يصير مغشوش أو شي من هالقابيل
وتراي ما أوجه لك التهمة بأنك منت صادق لا حاشاك بس الحين أنت بالنسبة لنا مجهول
كيف نبي نثق فيك ونتعامل معك وحنا ماندري من أنت ووين مكانك
ممكن تقول ليش ذا مسوي زحمة وراس مال السلعة 30 ريال أقول لك لو فرضنا انك من الغشاشين وحاشاك هالشي إحتمال انك مثلا كتبت الموضوع بـ 10 منتديات وتعامل معك بكل منتدى 10 أشخاص يكون المجموع 3000 وأنت جالس فبيتك

على العموم أنت أبخص بنفسك وبحالتك والله يرزقك ويوفقك

ana_sali · #19 (**permalink**) 27-10-2007, 11:03 AM

للأسف اخوي انت من الناس اللي تحطم الناس وماتشجعهم واسلوبك مدري كيف وبعدين ياخي بين البايع والمشتري يفتح الله انا بائعة ما اشتغل عندك ترى فحسن اسلوبك
وعلى فكرة انا ما كتبت الا بمنتداكم وهذي اول محاولة لي لبدأ تجارة ولكن اظن ان المسألة صعبة مدام في ناس تتكلم مثلك
وابشرك ترى خلاااص مافي لا بخور ولا بيع بطلنا
والف شكر على التشجيع
والرجاء حذف الموضوع

قصيمي محترم · #20 (**permalink**) 27-10-2007, 03:27 PM

اقتباس:

للأسف اخوي انت من الناس اللي تحطم الناس وماتشجعهم واسلوبك مدري كيف وبعدين ياخي بين البايع والمشتري يفتح الله انا بائعة ما اشتغل عندك ترى فحسن اسلوبك

آسف اختي ماقصدت تحطيمك بس بما اني عميل وأريد أقتني سلعة فأعتقد لي حق أعرف عن السلعة وعن البائع كل شي

اقتباس:

وعلى فكرة انا ما كتبت الا بمنتداكم وهذي اول محاولة لي لبدأ تجارة ولكن اظن ان المسألة صعبة مدام في ناس تتكلم مثلك
وابشرك ترى خلاااص مافي لا بخور ولا بيع بطلنا
والف شكر على التشجيع
والرجاء حذف الموضوع

أول حاجة المنتدى مهب منتداي ومادخلته الا للتأكد من نتايج وظيفة
والشي الثاني قلت بردي اني ما أقصدك بس كله تبرير لسؤالي وين مكانك وأعتقد ان اسلوبك مهب اسلوب تجاري أقل شي ليتك وسعتي صدرك علشان سمعتك
الله يرزقك الرزق الوفير