[align=center]
انا بين فكرتين ومحتار

فكرة بناء منزل من دورين وتاجيرها كامله بدخل تقريبا 40 الف ريال سنوي

علما ان تمويل البناء عن طريق البنك

وهذي حسبة البنك

يعطيني مبلغ 410000 ريال

ويقصدها علي شهريا بمبلغ 4005 ريال شهريا

على مدى 15 عام

يطلع المبلغ النهائي 720 الف

مقارنة بعد 15 عام بين الدين والدخل

رح يطلع عندي عجز تقريبا 170 الف ريال


غير سعر الارض الي رح ادبرها من عندي بدون دين

الفكرة الثانية وهي الزووووووووووواج

كل الي حولي اهل وقرايب يقولو تزوج ولاحق على التجارة

تزوج اول ولاحق بعدين

وش رايكم

اذا تزوجت رح اضحي بمشروعي

واذا نفذت مشروعي رح اؤخر الزواج 5 سنوات قدام

علما ان عمري الان 25 سنة

انتم اخوان لي ورائيكم يهمني
[/align]

يقول المثل ..
لا وجع مثل وجع الضرس ..
ولا هم مثل هم العرس ..

نصيحه ..

كون نفسك صح ..
و بعدين تزوج ..

الآن عمرك صغير بالنسبه للزواج .. ( ولا هي قصور فيك ) ..
ولكن بعدين بتعرف الزواج كيف مكلف بالوقت الحالي ..

من هنا الى ما بعد 5 الى 7 سنوات فكر فيه ..
راح يتعدل وضعك الوظيفي وتجارتك راح تدهر أكثر ..


وهذي نصيحه أخ .. مريت بنفس الظرف اللي أنت تمر فيه حالياً . . .


تحياتي لك

شف ياخوك تزوج والله يعينك وفكر بمشروع اصغر ويرد راس ماله بسرعه مثل الموصلات وغيرها من المشاريع

انا اقول الثنين تقدر عليهم ..
يعني ليش تروح وتبني بيت دورين ؟ والتكلفه ماتستاهل
ياخي اشتري شقه ولا بيت صغير بالتقسيط وأجره
آولا .. على طول بتأجر موب زي البناء تستنى يخلص واصلا لين
ماتبدا تبني شف كم بتاخذ وقت
ثانيا.. شفت كذا وحده اعرفها اشتروا بيوت صغيره بالتقسيط بأحياء
بعيده ورخيصه .. وماشاء الله تبارك الله تقول الايجار حلو والامور
ماشاء الله ومشت السنين بسرعه وخلصت الاقساط (اتوقع من ١٠ ل ١٥ سنه )
ثالثا .. العرس قراره بيدك مو بيد الآخرين .. هل انت تشوف نفسك مستعد
للزواج ؟ يعني احسب الموضوع صح ولا تستعجل ..


ولا تتدين واجد عشان العرس .. العرس اللي يبدأ بديون مااشوف له سنع
مادري وشوله يزينون بالبيت بأثاث غالي ومهر البنت غااالي وعرس وكل هذا
ديين انا مااعرف العالم وين مخها .. يعني ليش الفشخره الكذابه !!
الواحد يبدا على قده ويكبر موب يبدا بديون مالها لازمه وخلاص تروح حياته
على ذا الديون <<< كني القيت محاضره

الله يوفقك اخوي

يارجال الزواج عوار راس ومشاكل


البيت ابرك ولاحق على الزواج والهم



والله يوفقك

انت الحين عايش برزق واحد فقط ( وهو رزقك اللي الله قسمه لك )

تزوج يصير عندك رزقين ( رزقك + رزق زوجتك )

ايهما اكثر واحد او اثنين


نصيحتي لك تزوج وبيغنيك الله هذا وعد من الله ورسوله صلى الله عليه وسلم

أخي البيت مهم جداً خل تفكيرك الأول والأخير البيت ثم بعد ذلك الزواج

البيت يعطيك والزواج ياخذ منك وإنت تحتاج من يعطيك لا من ياخذ منك

والزواج مصاريفة كثيرة بعد الزواج لن تستطيع توفير شي من راتبك ولايوجد لديك دخل ثاني

وهناك حل لك إمسك العصا بالنصف ابني لك دور مكون من شقتين شقة تزوج بها وشقة للأيجار

ولكن إحذر تتزوج قبل البيت لنك سوفا تندم على هذا القرار