بسم الله الرحمن الرحيم

السلام عليكم جميعاً.. أحب أنوه إن هذا الموضوع كنت حاطه كرد في أحد المواضيع

لكن شفت الموضوع ممكن يكون مفيد و كان موجود بالصفحه الرابعه من الردود فقلت كذا الفائده راح تقل فقررت إني أحطه بموضوع مستقل



طيب.. أنا قدمت على Mtc عن طريق موقعهم الرسمي وقدمت عن طريق موقع بيت للتوظيف

دق علي شخص في أواخر شهر رمضان المبارك و قالي إنه من شركة الحلول الممتازة وقالي أنت مقدم على وظيفة في Mtc قلت نعم و للأسف ما سألته من وين أخذ طلب التوظيف حقي

هل أخذه من موقع الشركة أو من موقع بيت

عموماً قالي فيه وظيفة خدمة عملاء بالهاتف.. تدريب 6 شهور براتب 3000 وعموله 500 يعني 3500 و بعد ما تنتهي فترة التدريب يكون راتبك 4000 و عموله 2000 يعني 6000.. مع العلم إني جامعي

فهمت منه أن العموله ثابته.. مع إني كنت أتوقع إنها على حسب عطائك.

قالي تبي نجهزلك مقابله بعد العيد .. قلت توكل على الله مانيب خسران شي أروح أشوف و ش الموضوع بالضبط.. وسألني كم سؤال مثلاً تعاني من صداع و غيره من هالأسئله الروتينيه... لكن للحين ما دقوا ولكن أتوقع بأي لحظه يدقون

سألته قلت أنتم وش موضوعكم بالضبط.. قالي حنا ماسكين التوظيف يعني عشان نقنن الوظائف وشي زي كذا. قلتله ألف شكر.. سلام

توقعاتي إن هذي الشركة ماسكة خدمة العملاء الهاتفيه فقط للشركة..يعني بدال ما تجي الشركة و تتعب نفسها و تحط لها مكان وزحمة موظفين و أجهزة و نظام إتصالات

تتعاقد مع مثل هذي الشركات و تسلمها المهمه و ترتاح.. بالإضافه إن الشركه(mtc) ماهي مسؤله عنك ولا تدخل تحت مظلتها.

أنا عرفت هذا الشي بعد أن حصلي نفس هذا الموقف.. قدمت على شركة سمارت لنك على أساس وظيفه في خطوط سما

وأتصلوا علي و رحت لمقرهم.. ولقيتهم ماخذين نص دور تقريباً و مقسم إلى عدة أقسام.. كان فيه قسم لخطوط الطيران و قسم للهاتف السياحي و قسم لكليات خدمة المجتمع وهكذا

وكلها موظفين لابسين سماعات و قدامهم أجهزه ببارتشنز ... ففهمت السالفه و سألت و جاني الخبر

وطبعاً سمارت لنك قالولي وظيفة خدمة عملاء بالهاتف تبع الخطوط السعوديه مو سما

وكان راتبهم تقريبا 3500 و 500 عموله شي زي كذا المهم بحدود ال4000 آلاف ريال.


طبعاً راتبك تستلمه من الشركة المشغله موب الشركة الأم.. و أوراقك و عدتك كلها عند الشركة المشغله.. وطبعا الشركة المشغله أصلاً موقعين عقود ضخمه و الرواتب مهيب قضيه كبيره. يعني شيكك بأسم الحلول الممتازة وأنت موظف عند الحلول الممتازة

رقم شركة الحلول الممتازة الي دقوا علي منه: 014198493
الرقم هذا ما شفته من ضمن الأرقام المطروحه بالردود السابقة لعله يكون فيه الجواب

على فكره أنا دقيت على شركة Mtc والي اللحين تغير إسم الشركة إلى زين Zain

وسألت عن مقرهم بالرياض.. قالي على طريق الملك فهد قدام الصندوق الأسود الدور الثاني أو الثالث والله ناسي.. يقول فيه لوحه صغيره مكتوب عليها (زين) عاد ماأدري بالضبط المدخل على الشارع وإلا من ورى و إلا على الشارع الجانبي عاد أنتم دبروها..

يعني و أنت متجه جنوب على طريق الملك فهد قبل شارع التحليه بيجيك على اليمن بنك الإمارات و الجوال و كم محل أتوقع هو في هالمنطقه.. روحوا و أسألوا يمكن يستلمون أوراقكم مباشره و إلا إسألهم إن كانوا متعاقدين مع شركة توظيف أو شركات مشغله.. والله يكتب الي فيه خير للجميع طبعا الكلام للجنسين ولادي بناتي

ملاحظه: سالفة إن ما عندهم سجل تجاري هذي ما تنبلع.. الشركة سهمها بينزل بالسوق قريب و لهم مقر بالسعودية و حالتهم حاله و تقولي مالهم سجل!! ( الكلام عدم موجه لصاحب الموضوع)

أتمنى لكم التوفيق جميعاً.. وننتظر منكم ما يستجد وأنا حاضر لإستفساراتكم

الله يوفقكم

يعطيك العافية بس لو تجيب الوصف صح
والاوراق المطلوبة صور الشهادات ولا السيفي

طيب اخوي ايش تنصحنه نصيحه عن شركة الحلول الممتازة
انا ارسلت لهم السيرة الذاتية وقالو لي انشاء الله ندق عليك وانا الصراحه خايف من ها الشركة.... لانه اكثر الناس يشتكون من الشركة ويتمنون الفكه منها اللى سمعته انها تاكل نص راتبك وفي شرووط جزائية اخرى؟؟
وتقبل مروري

شكرا على التوضيح أخوي
بالنسبه لموقع شركة Mtc أنا مريت عليه من فتره علشان أقدم طلب لكن السكورتي اللي بالإستقبال منعني من الدخول وقال التقديم عن طريق الموقع بالنسبه لموقع الشركة قريب من المكان لكن ناسي بالظبط وين وان شاء الله اول ما اتأكد منه راح اعطيكم خبر

الله يوفقك ويرزقك
وانا دقيت ع كذا رقم وماألقى رد للأسف

عزيزي صدى الصمت
بالنسبة لموضوعك أبشرك صارت معي بالتفاصيل اللي قلتها, دقوا علي في أواخر رمضان بخصوص وظيفة في شركة Mtc وأخذو شوية مقابلة على الطاير مثل ماذكرت.وقالي أنتظر إتصال بعد العيد يوجد مقابلة مع أشخاص من الشركة بيحضرون من الإمارات والكويت...
وهاأنا أنتظر الإتصاااال منهم....والله يكتب بما فية الخير

اخوي صمت حياك الله والله يوفقك يارب دنيا واخره قول امين والجميع

انا دقوا علي اس الثلاثاء

شركه الحلول الممتازه وقالوا لي عندي مقابله يوم السبت القادم الساعه الثامنه صباحا

بخصوص الكول سنتر تبع ام تي سي

وبروح والله يوفقنا يارب

انا اتوقع ماراح تبقى طول عمرك على شركه الحلول

لابد تنقل على الشركه الام بعد سنه

لان اغلب الشركات اللي ماسكتها الحلول الممتازه هي بنوك طبعا

انا لي ولد عمي كان شغال في شركه مثل الحلول
وماسك الكول سنتر تبع بنك الرياض

قعد معه اتوقع ثلاث سنوات وجايه ترسيم على البنك نفسه

راح نروح ونشوف ونقابل المسؤالين والله يعين يارب

واذا صار شي ياليت تبلغنا فديتك

عاطل وراقد

جزاك الله خيرا