اخـــوي مشــروعك كويــس ؟؟


اذا انت تبي تـئجرهـا بـ 10000 ريال ( المبلغ قليل في حقها وهذا حلالك ونخوك )

الشي الثاني : اكتب عقـد بينك وبيـن الي يبي يستئجر التريلـه

1- يتحمل الطرف الثاني جميع المخالفات المروريه الناتجه عن المركبه


2- يتحمل الطرف الثاني جميع الاعطال الناتجه عن المركبه ( عند وجود خلل حين تسليمها)


3- (( هاذي صيغه مدري كيف اجيبهـا )) المهـم بفهمك وشي : قبل لا تسلمـه السياره تقــوله شف التريلــه سليمـه مافيها اي عطل ؟؟؟؟


4- يتم فحص المركبه من قبل الطرف الاول وبرفقته الطرف الثاني (( لعدم وجود اي اعطال ناتجه )) وفي حين انتهاء مدة العقـد للطرف الثاني يتحمل فحص المركبه على حسابه الخاص برفقة الطرف الاول (( لتأكد من عدم وجود اعطال ********>>> هاذي من راسي كاتبها



المهـم رح لسوق التريلات واسئل ((المعارض هناك اكيد عندهم عقـد تأجير تريله ))

شف الي لك والي عليك


وابحث بقوقل وبالتوفيـــق لك



ورح لشركات المقاولات والمؤسسات واعرض لهم (( التريلـه ))



ونصيحــه اخيره (( خل العقـد طويل الامد )) يعنـي 10 سنيـــن بـ 12000 بالشهر

و15000 الف (( 5 سنوات )


والله يوفقـك وياحلالاه لو عنـدي تريلـه بس الله يرزقني انشالله ويوفقك

واللـــه يالربـــع واحــد اعرفــــه وصادفتـــه مــره بوزارة التجــاره بالرياض ؟؟؟


المهم : هلا واعلومك واخبارك << مبطي عنه



وش عندك هنـا قال ابد عندي 8 تريلات وبيطلع سجل تجاري


قلـت بالله كم ايجارهـا بالشهــر قال 29000 الف والله على ما اقول شهيد وماتنزل عنها قلــت الله يرزقــك


بس الرجال هذا لــه معارف وكل التريلات مرسيدس ؟؟؟ غير الي توه (( داخل ))



وتنبيــه فيه تريلــه محد يبيهــا ترى تجميــع كوري وكذا


الي يبي يشتري يبحث ويسئل ويأخذ شي طيب وبالتووووفيق

الحين اجار رأس التريلة مايقل عن 10 الاف ريال ؟؟ معقوولة ؟؟

الله يرزقك يارب من فضله ..

الله يوفقك ويرزقك ويبارك لك

للرفع
انا مثلك ادور

السلام عليكم

المشروع مو بطال كويس وفيه خير لكن ترى كثير من الامور تجهلها الآن وتحسب حسبة وتقول 10 الاف او مثل مايقول الاخ 29 الف في الشهر اقولها لك بكل امانه مافيه شيء ثابت ابدا واللي يقول لك دخل صافي ويحدد المبلغ اقول لك ماعنده سالفه لأن فيه عطالات وفيه توقفات وفيه تأخير في التسديد وفيه اشياء كثيره
فيه بعض المقاولين او الشركات يتأخر في التسديد 6 شهور وبعضهم اكثر من سنه وانا الآن اكتب لك وباقي لي عند شركة مبلغ له سنه و4 شهور ماوصلني منهم ولاريال .
انصحك
افضل انواع التريلات هي
1 البي مرسيدس قير عايدي سست خلفي حجم 1835 او 1735 او 1935 سعر الرأس يتراوح من 120 الف ريال إلى 170 الف ريال يفضل موديل من 89 إلى 93

او فلفو F12
اما باقي الانواع انصحك لاتقربها ابدا