13-02-2011, 07:07 AM
|
|
Guest
|
|
تاريخ التسجيل: Aug 2010
المشاركات: 591
معدل تقييم المستوى: 0
|
|
|
مطلوب لاعب كرة لـ «ساهر»!
بقلم أبو العريف
حسب مصادرنا اللي تبي تقول اسمها بس أنا اللي عييت عليها، اجتمعت اللجنة العليا لحملة «خلوه ينام» لدراسة مستجدات تعاملهم في نظام ساهر، وقدم رئيس شعبة «الميدان يا حميدان» تقرير سري قال فيه إن الإيميلات الإرشادية ورسائل البلاك بيري اللي تكشف للناس مواقع الكاميرات ما عاد هي بكافية.. وحتى الكتابة على «الصبات» «ما ني بقايل الحواجز الاسمنتية عشان لا احد يحسبني مثقف لا سمح الله» ما عاد هي بكافية.. قال ايش «انتبه امامك ساهر» على اساس ما يقدرون يغيرون مكانها!
وحسب مصادرنا اللي أصرت انها تقول اسمها وقلت لها معصي يعني معصي.. قرر المجتمعون في الحملة انهم ياخذون السالفة من قاصر، ويرسلون كوماندوز تروح
لـ هالكاميرات راس براس، وتطبق معها قولة المثل حقهم «الكاميرا اللي تجيك منها ريح، كسرها واستريح»، لكن الجمعية انحرجت مرة بعد فشل الشباب الطيبين اللي ما دورا ان في عيون تراقبهم وتشوف عمليتهم المباركة هذي!
بحسب المصادر اللي قالت لي «ياع مي لا تقول اسمي.. نزل رقم حسابي ع الاقل خل العالم تقط معاي نسدد هالمخالفات».. فحملة «خلوه ينام» تبحث الحين عن لاعب محترف عشان ترد الكورة لملعب مدير المرور يوم احرجهم وجابها لهم من الآخر «لا تخالف النظام.. وساهر ما راح يكون دخل فيك» شباب.. حولكم لاعب يشوت بقوة.. بشرط أن الكورة ما تتجاوز السرعة النظامية اذا شاتها؟ ما لها داعي يلقطها ساهر!
منقول من جريدة شمس
|
العرض العادي
