يالله تجمعوا يابنات جامعةاليمامة

جابك الله · #**181** (**permalink**) 21-02-2011, 11:35 PM

الاستاذ
مساء الخير
عندي سؤال .. في حال سحبت اوراقي وطلعت اقدر استفيد من الصندوق بعد ولا هذي تعتبر فرصتي الوحيده بس؟!!

مشاعل الوسام · #**182** (**permalink**) 21-02-2011, 11:48 PM

,’

عفوا" ياأستاذ
لايكون كنت معنا واحنا ماندري ؟
من وين لك هالمعلومات
تنظيم وماتنظيم ومنتشرين مثل الجراد
مااعتقد ان فيه وحده تقبل هذا الكلام..!
انا اقولها لك وبكل مصداقيه (االاغلب كان متعاون وجالس في الكلاس ساعات طويله بعد)
اما عن الاكل والماء الناس موجايين ياكلون
الطالبات جايين يدرسون وفي طلب العلم بعضهم من خارج الرياض
يعني شي ضروري وجود اساسيات يااستاذ..|

,’

ساره سعيد · #**183** (**permalink**) 21-02-2011, 11:50 PM

الاستاذ
نفس استفسار جابك الله ؟؟؟

ReEeM66 · #**184** (**permalink**) 21-02-2011, 11:53 PM

هلااااااا بنااااااااااااات كيفكم ,,,,,

اعلان
........................

بنااااااااات انا اروح مع سائق سعودي شرق الرياض , الروضه ,الاندلس , القدس , الخليج , قرطبه , اشبيليا ,النسيم
فا انا ابى بس 3 او 2 بنات عشان نوصل بسرعه
وقيمته 700 ريالز
لا احد يجي يقول غالى ,, ما ابى 500 ريال وانحشر ولا ارجع الا 10 ولا 10 ونص !!

^^^^^^^^^^
ما اقصد رواكد ابببببببببددددددد
,,,,,,,,,
السائق ثقه وع ضمانتي ان شاء الله
ومعه محرم للى تبي بس اذا صرنا مجموعه اوب لازم
وبس ... وصح لساني

بتوظف ان شالله · #**185** (**permalink**) 22-02-2011, 01:39 AM

اقتباس:

المشاركة الأصلية كتبت بواسطة الاستاذ

مشاء الله .. اول شيء شدراك انه زوج الموظفه ..؟؟
انا سمعتها بأم اذني تقوله

بعدين من قالك الطابعة خربانه ..؟؟
بعد انا اللي سمعتها تقوله
بس هالمره بأم عيني

بعدين الجداول مطبوعة وجاهزه والامور مرتبة ..
مو انت اللي تحكم ياعزيزي الاستاد إحنا اللي رحنا وشفنا..
والجداول ماتعلقت الا اليوم > الاثنين

والمشكلة مو من الجامعة المشكلة من الطالبات . الوحدة ما تنتظم ولا عندها قابلية تقعد في مكانها وتكون هادئة اللين تخلص امورها ..
معليش يعني انا ابي اعرف شي واحد انت وش يدريك عن اللي يحصل في الجامعه ووش يدريك عن البنات اذا هم مو منتظمات ولامايقعدون في اماكنهم اصلاً كيف يعرفون اماكنهم اول يوم والقوائم لسى ماانطبعت والوحده منا ماتدري هي في اي قروب ولا أي قاعه؟؟!!
وحتى لو نفرض ان لك جواسيس في الجامعه

مستحيل يكون من رأى كمن سمع

الحوسة والفوضى من الطالبات .. كل وحده تقعد وتلتزم وكل شيء بيكون حلوو .. مشاء الله الطالبات منتشرات بكل مكان كأنهم جراد
ايه ماشاء الله من كبر الجامعه ننتشر فيها زي الجراد كلها سيب واحد أبشرك

وتحديد المستوى بثاني يوم كويس لعدة اعتبارات والسبب / اغلب المقبولات ما حضروا من اول يوم يعني بتقعد الجامعة كل يوم تسوي اختبار ..!! مو معقول والله

وش رايك انهم لين الحين يسوون تحديد مستوى

وبخصوص المذكرات صدقيني اللي حريص راح يحصل على كل شيء .. وبنشوف النتائج نهاية الدبلوم .

وبعد الجامعة الله يعينها عليكن .. كل شووي وحده تشتكي .. تطلب تخصص وترجع تبي تحول
أبسط حقوقنا .. الوحده ماتبي تدرس شي الا هي حابته ومقتنعه فيه 100 %
وشوي تقول ابي مويا
ليه المويه حرام ولاعيب بعد

والثانيه مو عاجبها الكلاس . والثالثه مشفوحه تبي اكل
اتق الله يااستاد ماتبينا ناكل بعد

/ ليه ما تاكل في بيتهم .. والرابعة طفوا المكيف زكمت ياااي يالدلع

.. واللي تبي نجيب لها سرير بالجامعة تتمدد وتريح كأن ركبتها تعورها

....

اتمنى تتعاونون مع الجامعة وشوفوا بالاخير كيف بيكون الوضع
اتمنى والله ان الجامعه هي اللي تتعاون معنا ويلبون لنا طلباتنا > لاتقول وش طلباتكم رح اسأل عزيزه

عطوا الجامعة فرصة الى الاسبوع المقبل
صراحه .. اليوم احس الوضع احسن من أمس وقبله
وان شاء الله كل يوم من احسن للأحسن

.. اللين يتحدد العدد وتمشي الامور بكل هدوء .. مسألة الانتقاد من اول مره ومن اول يوم ما يصير
احنا ماانتقدنا الا على اشياء مفروض تكون جاهزه في اي جامعه كانت .. (قوائم/جدوال .. الخ )
ولاحظ اني قلت في اي جامعه > فما بالك بجامعة اليمامة!
.. وتونا تونا .. << اغنية راشد الفارس .
كل وحدة لا تحكم من البداية ..
اهم شيء الالتزام بالحضور والانصراف .. اللي بتغيب لازم يكون عندها عذر مو تقول تعبانه .. واللي تقول مسافرين .. واللي تقول عندنا زواج .. واللي تقول ما لقيت احد يجيبني .. اعذاركن المعتاده

تحياتي ولا تزعلين من الحق ..

.................

الاستاذ · #**186** (**permalink**) 22-02-2011, 01:39 AM

اقتباس:

المشاركة الأصلية كتبت بواسطة جابك الله

الاستاذ
مساء الخير
عندي سؤال .. في حال سحبت اوراقي وطلعت اقدر استفيد من الصندوق بعد ولا هذي تعتبر فرصتي الوحيده بس؟!!

لا اختي في حالة الانسحاب .. راح ترتفع الاسماء للصندوق الخيري بعد اسبوعين بإذن الله
اللي تبي تنسحب هالاسبوع والاسبوع الجاي فرصة الانسحاب

..

بالتوفيق

الاستاذ · #**187** (**permalink**) 22-02-2011, 01:49 AM

بتوظف ان شاء الله ..

سؤال واحد .. بس

انتي رايحة تدرسين والا تجمعين اخطاء على الجامعة ..!!؟

بعدين انا شفت بعيني انا شفت بركبتي .. حشاا مو عيون شكلك مركبة كامرات ..

اول شيء جامعة اليمامه قديره .. ورائدة في مجالها ومستعده تستضيف دول مو 150 طالبه بسس

ثانيا .. ليه بس البنات يشتكون .. والعيال امورهم تمام .. ببساطة العيال منتظمين ويعرفون واجباتهم .

ارجع واقوول .. كل شخص بالاخير يمثل نفسه .. انا اتكلم بصفة الجمع صح .. لكن ما يمنع ان فيه بنات بقمة الانتظام والرقي والجمال ...>> كثر منها بسس

عتبي على الجامعة في نقطه وحده بسس / مسألة الاحتياجات الخاصة ولكن بإذن الله هالاسبوع تنحل ..

الشكر موصول لمدير الجامعة على اهتمامه وربي يوفقه ولا أنسى كل الطاقم .. وبالتوفيق للجميع .

برنسيسة زمآني · #**188** (**permalink**) 22-02-2011, 02:18 AM

[align=right],,

آنتهى آلتسسسجيل ولآ نو هع,,<~ يآربيه مني مآ آجي آلآ في آلآخير,,

ووش آلدبلومآت آلمتآحه للجآمعيآت؟[/align]

بتوظف ان شالله · #**189** (**permalink**) 22-02-2011, 02:21 AM

اقتباس:

المشاركة الأصلية كتبت بواسطة الاستاذ

بتوظف ان شاء الله ..

سؤال واحد .. بس

انتي رايحة تدرسين والا تجمعين اخطاء على الجامعة ..!!؟
ياعزيزي انا انتقد بس بطريقة بناءه وهادفه تهدف إلى توفير احتياجاتنا نحن الطالبات حتى نحقق الهدف المطلوب > يمديك ع الكلام

بعدين انا شفت بعيني انا شفت بركبتي .. حشاا مو عيون شكلك مركبة كامرات ..
اذكر الله

اول شيء جامعة اليمامه قديره .. ورائدة في مجالها ومستعده تستضيف دول مو 150 طالبه بسس

ثانيا .. ليه بس البنات يشتكون .. والعيال امورهم تمام .. ببساطة العيال منتظمين ويعرفون واجباتهم .

ارجع واقوول .. كل شخص بالاخير يمثل نفسه .. انا اتكلم بصفة الجمع صح .. لكن ما يمنع ان فيه بنات بقمة الانتظام والرقي والجمال ...>> كثر منها بسس

عتبي على الجامعة في نقطه وحده بسس / مسألة الاحتياجات الخاصة ولكن بإذن الله هالاسبوع تنحل ..

الشكر موصول لمدير الجامعة على اهتمامه وربي يوفقه ولا أنسى كل الطاقم .. وبالتوفيق للجميع .

...........

أحساس مترف · #**190** (**permalink**) 22-02-2011, 07:15 AM

[align=right]
بنات لا تكلفون نفسكم وتقنعون الأستاذ هو يتفلسف
وعلى باله أن الناس ما تفهم صح محد يفهم إلا هو ،،
عمومااا ترى التصوير خربان عندهم وأي وحده تبي تجي تسجل
تحاول تجيب صور معها ،،
والملازم على أساس تجي من أمس بس خربان التصوير
أقترح دام الأستاذ يتفلسف يروح يصورها لنا ويجبها

اقتباس:

المشاركة الأصلية كتبت بواسطة برنسيسة زمآني

[align=right],,[/align][align=right]

آنتهى آلتسسسجيل ولآ نو هع,,<~ يآربيه مني مآ آجي آلآ في آلآخير,,
ووش آلدبلومآت آلمتآحه للجآمعيآت؟[/align]

لا ما خلص كلميهم اليوم ولا تنسين أنه
لازم تكونين مستفيده من الضمان
التخصصات/ - إدارة أعمال مصرفيه- تتأمين - موارد بشرية
بالتوفيق ،، حاولي قبل الأربعاء تسجلين

[/align]

يالله تجمعوا يابنات جامعةاليمامة

الإستفسارات التدريبية والدراسية

السلام عليكم اعضاء المنتدى الرائع اولا ابارك لكل الي انقبلوا بدبلومات جامعة اليمامة ثانيااا بعد البلبلة الي صارت بخصوص النقل انا ابغى نسوي قروب خاص...

يالله تجمعوا يابنات جامعةاليمامة

تسجيل الدخول

يالله تجمعوا يابنات جامعةاليمامة

الإستفسارات التدريبية والدراسية

السلام عليكم اعضاء المنتدى الرائع اولا ابارك لكل الي انقبلوا بدبلومات جامعة اليمامة ثانيااا بعد البلبلة الي صارت بخصوص النقل انا ابغى نسوي قروب خاص...

يالله تجمعوا يابنات جامعةاليمامة