[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياحسني مبارك عسى عمرك طويـل=(هذي هـي الدنيـا وهـذا حالهـا)
اصبح وجودك فالرئاسـه مستحيـل=لاعــاد تحـلالـك ولا تحلالـهـا

الناس تهتف كل صبـح وكـل ليـل= نسوانهـا ..ورجالهـا .. واطفالهـا

والجيش حايد .. والدمي قامت تسيل= والداخليـه .. قفـلـت باقفالـهـا

والعنف والتخريـب ماتبـرد غليـل=( والبلطجـه) فـال الله ولا فالـهـا

حتى الهنوف اللي على المسرح تميل= من حزنهـا ماعـاد تربـط شالهـا

والعامل الفـلاح والشيـخ الجليـل= احـزاب جـت بالوانهـا واشكالهـا

في ساحة التحريـر مافيهـم ذليـل=خلـت مصالحهـا وكـل اعمالـهـا

تظاهروا بالصوت.. قد حان الرحيـل=ماعـاد باقـي حيـلـةٍ تحتالـهـا
أرحل مع التقدير والشكـر الجزيـل=واترك مصر ترسم طريـق اجيالهـا

فالقاهره لاعاد يومـي لـك شليـل= حتـى الصعيـد وسهلهـا وجبالهـا
ازبن هل العوجـا مزبنـة الدخيـل= اللي ليا ضـاق الزمـن يعنا..لهـا

قدامك الترحيـب والضـل الضليـل=كم شيـخ قـوم ٍ ضلتـه بضلالهـا

اما مصـر تاريخهـا ماهـو قليـل= مايمحـي الحاضـر فعـول ابطالهـا
توارث الامجـاد جيـلٍ بعـد جيـل= حضارة ٍ ( قو قل ) عجـز يشتالهـا
حسني يروح وفيه عن حسني بديـل=ولاّ مصر .. مافيه مصـر ابدالهـا [/poem]