اول شي الله يوفقك ويرزقك من حيث تحتسب ومن حيث لاتحتسب وييسر لك أمورك

إدارة اعمال تخصص حلو لكن سواء انتظام او انتساب تعيينه بعد اقل شي سنتين

وكلية التقنية (كلية رضا الوالدين )

ما ذكرت تخصصك
لكن التقنية من رايي افضل ------ بشرط معدلك ما ينزل عن 3.75من 5===يعني اذا تخرجت ب3.74 اجلس بالبيت

ورايي اذا انت انسان مجتهد كمل ادارة اعمال إلا اذا تخصصك بالتقنية
1/كهرباء
2/اتصالات
3/محاسبه
غيرها كمل بادارة الاعمل


وقبل هذا كله استخير مرة واثنين وعشر والخيره فيما يختاره الله

هذي معلوماتي والله يوفقك وجميع العطلين

اولا السلام عليكم ورحمة الله وبركاته


ثانيا اخوي يالغالي انت لاتسمع كلام الناس
كلام الناس لايقدم ولا ياخر ولا ياكلك لقمة عيش


حبيبي انا نفس حالتك ضيعت 3 سنوات من عمري بعد الثانويه
وانا الحين مثلك تمام بجامعة الملك فيصل تخصص ادارة اعمال

وهالتخصص هذا قوي ومطلوب كثير بسوق العمل
انت اعمل بقناعاتك افضل
وافضل شي انك تسوي كل امورك بالكتمان

وانت انتسب وتوظف بنفس الوقت ماراح تخسر اي شي
كفايه بعد 4 سنوات بتكون عندك شهاده تدعمك بقووه

وعلى فكره ترى اغلب الكلام اللي يقالك تراهم حساد


وعلى شان تقتنع بس سوي بحث بسيط عن التخصص بقوقل ووظايفها
بتشوف ان الرواتب بتكون من 20 الف الى 30 الف ريال

وللمعلوميه في ناس كثير تجهل ان هالتخصص كمان ممكن تتوظف فيها محاسب


يعني مثلا لو لاقدر الله ماتوفقت بوظيفة ادارة اعمال ممكن تتوظف محاسب
او العكس صحيح



فانا انصحك لاتستهين بالتخصص هذا وانا اخوك

وبالتوفيق لك

لحظه لحظه الانتساب الغوه نهائي هذا من ضمن قرارت وزراة الخدعه والواسطة السنه هذه

شوف حل ثاني الله يعينك

مشكورين حبايب قلبي والله يعطيكم الف الف عافية على ردودكم اللي تشرح الصدر


أبي اشاور الخيرة وعسى الله ييسر الامور

اللي يسمع مصيبة غيره تهون مصيبته انا مثلك تخرجت وبممتاز ودرست ثلاث سنوات بينبع الصناعيه وانفصلت بعد مابقيلي ترم يعني ثلاث سنوات راحت هباء منثور لكن الحمدلله صحيح اللي معنى اتخرجوا لكن الحمدلله
لكن اقولك انت دفعت فلوس صح وانتساب اذا في امكانيه تجيب معدل وتحول كويس اذا مافي حاول تمشي حالك الترم هذا واذا لقيت شي افضل منه بداية السنه الجايه اتركها
تخصص ادارة اعمال ماعندي علم فيه بس دايم اقرا وظايف تتطلب هذا التخصص وترا يفضلون اللي يدرسون بالانجليزي
والتقنيه الكهرباء القوى يمكن احسن شيء والتقنيه تعتبر حظ في ناس اكلت عيش منها وفي ناس اكلت هوى

وقبل كل شيء استخير استخير استخير

وعليكم السلام ورحمة الله وبركاته

تخصصك محترم (ادارة اعمال) ودرجته العلمية كذالك (بكالوريوس) إذا تجد نفسك راغب بهذا التخصص وتستطيع التميز فية والتخرج بمعدل جيدجداً مرتفع إلى ممتاز فـ أنت بالطريق السليم أن شاء الله تعالى ..(مجرد رأي شخصي) للمعلومية انا اتمنى ان تسنح ظروفي وأدرس بكالوريوس إدارة اعمال ..

بالتوفيق لك وربنا يشرح صدرك لمافية خير لك