السلام عليكم ورحمة الله وبركاته

حبيت أستفسر بارك الله فيكم من الي عندهم دراية أو حتى معلومة عن برنامج التعلم عن بعد الي وضعته جامعة الأمام بنظام الإنتساب للطلاب الي ما استطاعو الألتحاق بالجامعة للحصول على البكارليوس مقابل رسوم مالية عن كل ترم يتم دراسته

هل الضمان الإجتماعي يتكفل بدفع الرسوم عن الطلاب المستفيدين من الضمان الراغبين في الألتحاق بالجامعة
لأنه بحسب ماسمعنا ان فيه أمر ملكي يقضي تقديم الضمان الإجتماعي المساعدة للراغبين بالألتحاق بالجامعة من الأسر المحتاجة .

أتمنى حد يفيدنا ياجماعة الخير وينوله دعوة صادقة بظهر الغيب .

عزيزتي :فارسة نجد

أنا سألت الضمان وقالوا لا مانقدم مساعدة للدراسة اما الجامعة الامام انتساب القرار لم ينفذ الا لبعض الحالات ..
وتوكلي على الله وقدمي وادرسي وبعد مضي ترم او ترمين ترفعين خطاب للجامعة مرفق بورقه من الضمان والحيثيه (مطلقة ارمله .. وهكذا ) تطبعينها من الموقع الضمان واي ورقه تثبت حالتك مثل ورقة الطلاق أو صوره من شهادة الوفاة الزوج (ارمله)اواثبات من المستشفى بالاعاقة لاسمح الله يعني حسب الحاله والسبب وترسلينها بالفاكس الجامعة وتتابعين معهم الى ان يجيك الرد وهكذا ويتم بعد النظر ومتابعة الحاله بالموافقه بأعفاء ترم فقط ونادرا مايتم اسقاط الرسوم هذا مااعرفه من بعد السؤال والتحري ..؟ ! الاخوان بالجامعه ...بس لازم يكون عندك امل وعزيمه واراده واذا كنت لا تستطيعين فالتحقي بدبلوم المجاني تبع الصندوق الخيري , الله يمن عليك وعلينا بالتوفيق وتيسير الامور فمن يتوكل على الله فهو حسبه
فالشهاده سلاح في هذا الزمن .... الله يسهل دربك وينولك اللي في بالك آمين