[ALIGN=CENTER][TABLE1="width:95%;background-colorlack;"][CELL="filter:;"][ALIGN=center]

ومن بين كل القصائد التي تتكلم عن الماضي والطفولة
أكاد أجزم أن بركات قال أروعها وأكثرها دقة:


وحنا صغار ..

زرعنا في تراب الحلم ... حلم ويشبه العصفور ..!
لكن طار !!
وكنا صغار ..
ويتفتّح صباح ٍ غارق بغيّه مثل تفتيحة الازهار
ولاندري متى نمنا !؟
وكم نمنا ..!
وش اللي صار !!
وصوت الوالد المرحوم : يالله قوم !
أمان ودمعة استغفار !!
وريحك يارغيف امي ..
سوالف هاااااادئه واشعار !!
وأتريق مع اخواني ..
وتتريّق عيوني وجه ابوي الدافي الحاني ..
واصك ّ زرااار !!
وآخذ ( حُبّه ) من أمي ..
وفي يدي " ربع دينار " !!
وآخذ شنطة أحلامي على اكتافي ..
واصحّي بـخطوتي درب طويل ومظلم وغافي !!
وتصحى اشجار !!
واروح امشي لـ مدرستي ..
واناديها :
يامدرستي ..!
علامك ماتنفستي !؟
سوالف طفل ضحكاته أناشيد وغنا وامطار!
متى نرحل عن اسوارك ..
بعد ماكنّا شطّارك ..
نبي مره ولو مره نحس ّ إنّا غدينا كبار !!
هِنا كانوا لي اصحابي ..
هِنا ضاعوا مع العابي ..!
هِنا ياكم نخبّي من براءة فـ علبة الأسرار !
وصرنا مثل ماكنّا إنتمنّى !!
والغريب اشـ صار !!

رجعنا كبار تنمنى لو إنّا بس بقينا صغار !!

,,
نتمنى لو إنا بس بقينا صغار /ايه والله





في الأحوال الاعتيادية الغياب شئ مأساوي رهيب
ولكن حين يتحدث عنه بركات فالغياب يصبح من قائمة الأشياء التي تطرب:
:

بقّيت لي بغياب روحك ... مساكين !
...... عيني .. وقلبي .. والأمل ... والأماني !!؟


كنّ الثواني ... في غيابك سكاكين !
...... ليتك تذوق شوي .... / طعم الثواني !


القلب ماهو قلب والعين .. مو عين !
...... حتى مكاني ... ماأحسّه ... / مكاني !


شفني على جال السهر أنطرك لين !
...... حسيت بان الجال .. / يصفق عشاني !


مديت قلبي ! قبل لاآمدّ ...... يدّين !
...... وطلبت كلي ! . قلت : جالك .. هذاني !


قلّي دخيلك بس ابلقاه .... من مين !؟
...... من غيبتك .. بلقاه !؟ أو من ... زماني !


والحين شفنا وين !؟ .. واحلامنا وين !
...... ضعنا اندوّر ... للسعادة ....../ مواني !


وش بيننا !؟ إلا التعب واسود البين !؟
...... وشي ٍ لعب في حسبتي .. واحتواني !


كل شي بكاني من غيابك إلى اللحين !
...... حتى عدوي ! .. من غيابك ../ بكاني !!


ماعاد تفرق جرح واحد ! ... وجرحين !
...... الموت واحد .. له عذابك .... / خذاني !


ياصاحبي .. يكفي غيابك .. وبعدين !؟
...... ماخفت ربك بس ... " أنت و زماني " !؟






الرائع عبد المجيد الزهراني قال (طز ياشعب الكلام) ويالروعة وألم ماقال
بعد أن كنا أمة الفعال نحن اليوم فقط للكلام
وبركات قرر أن يجاريه// رائع يجاري رائعا ولكم أن تتخيلوا أي
(دنيا) يمكن أن تنتج عن ذلك:

"صه " ! ياشعب الكلام !
" صه " !
ياباغي الـ سلام !
" صه " ! ياشعب ٍ على الأنغام ..
يسهر ! ماينام !
" أووووف أووووف " !
" ميجنا " !
وإلا " عتابا " ..
ياسلااااااااااااااام !!
لاجديد !
إنشوف ذل ...
وحضرتك ( باقي ) نعام !!
" صه " !
ياشعب ٍ نسى ( الدرّه ) على الهامش ..
وراح ..!
" صه " !
ياشعب ٍ ( تمرغ ) .. بالجراح !
" صه " !
ياشعب ٍ قدر يمسك .. قناعه ..
وماقدر .. يمسك " سلاح " !
ياشعب ..
ماهز فيه ( الذل ) ... ساكن !
وشوف هزه ! بالمراقص !
لاتغنّوا بالـ أماكن !!
ياشعب .. ( عفوا ً ............ ولكن ) !
ياشعب ( نجوى ) و ( هيفا ) ..
هي تجيك أخبار...
( حيفا ) ..!؟
ياشعب ( دن دن ) و ( طبّل ) !!
فيك هذا ( الذل ) ..
يهبّل !
مابقى إلا شي واحد ...!
دنق لـ .!!!!!!!!!
وقبّل !!
ياشعب ..
يشجب كثير !
ياشعب ..
يبكي كثير !
ياشعب شاف الكرامة
( مطلب ) ! ومره كبير !!!
ياشعب تافه حقير ! عيش ( تهويد ) المصير !!
ياشعب ( بلتث ) ..! ورقّم !!
ألبس ..!
وأكشخ ..!
وطقّم !!
ياشعب .. ( يهوى ) الفضايح ..!
طاح ( واصلا ً ) .. كان طايح !
ياشعب ..
( غنّي ... و ... اغنّي ) !
و ( اسأل التاريخ .. عني ) !!
ياشعب ..
يربط مصيره .. دائما ً ..
بيـد التمني ..!
" صه " ياشعب الكرامه !
" صه " !
ياشعب الإبـاء ..!
" صه " ياشعب ٍ نسى لايقول في وجه الحثاله !
1000 ( لاء )
ياشعب ..
( قومي ياحلوة / وارقصي لي / والعبي )
ياشعب ..
جدا ً مفغل ...!
ياشعب ..
جدا ً غبي ...!
وين تبغى توصل أكثر ..!؟
يوم وصلت لـ ( النبي ) .......!!؟
" صه " ياشعب الكلام !
أدري ماعندك ...... كلام ..!
روح غنّي .. وإلا تدري ! ... الأجر / إنك تنام !

ماذا فعلت بنا يابركات : (

[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-colorlack;"][CELL="filter:;"][ALIGN=center]


[/ALIGN][/CELL][/TABLE1][/ALIGN][ALIGN=CENTER][TABLE1="width:95%;background-colorlack;"][CELL="filter:;"][ALIGN=center]

دمعة التوبة ,, ليست كأي دمعة في الوجود
لذتها تنبع من كونها لله ,,

تذكـر ذنبـة الغافـي .. وعثراتـه .. وزلاتــه
............... تلفّت مالقـى .. غيـر الظـلام .. وسكـة ٍ قفـرا



تنهـد مالقـى .. هبـة نسيـم .. تريـح سكاتـه
............... تعذب .. حالته حالـة عـدوك .. شينـه وقشـرا



ينادي !! من ينادي ؟؟ والظـلام يكسّـر اصواتـه
............... يناظر للطريق اللي .. توارى .. وينـدب الحسـرا



يعرف إن الذنوب أقسى مـن همومـه .. وأهاتـه
............... وعرف إن الممات أقرب .. من الأهـداب للنظـرا !



يسافر به عزا الذكرى .. على الماضـي ولعناتـه
............... وجع من وين .. ماسافر .. إذا سافر .. مع الذكرا !



قصر حبل الهروب اللي يشدة .. عـن ألـم ذاتـه
............... تعب .. من كثر ماينفض همـوم ٍ باالحشـا غبـرا



يحاول يبتعد أكثر عـن اللـي كـان .. قـد فاتـه
............... يحاول يطوي الصفحة ويفتـح .. صفحـة ٍ عـذرا


رجف قلبة على مـاراح مـن ذنبـة .. وميلاتـه
............... بكى .. ياطيب هالدمعة .. أخيراً .. طفّـت الجمـرا


أخيييييييييرا طفت الجمرة/ أعتقد أنها تستحق أن نقرأها مرارا

تعبت انا أنثر هم قلبي علـى النـاس ..
وتعبت ادور للحقيقة ....../ حقيقـة !

يلعن ابوه .. شعور .... لابوه إحساس ..
لاجيت أسوي من جراحي / حديقـة !!

شف لي طريقة لاغدى دربنا.. يـاس ..!
تعبت انا ترديد ..( شف لي طريقـة ) !!

ماعاد ياسع للحزن أي ....... كرّاس .!
وماعاد قلبـي يحتمـل ... أي ضيقـة !

شفني رشفت من الغرابيل كـم كـاس !
والصبر مابلّت أمانيه .... / .. ريقـه !!

أكبر مصيبة طيحة إنسان .. حسّـاس !
تسوى بعيني .. موت كـل الخليقـة !!

أكذب على نفسى إذا قلت " لاباس " !
و" الباس " أصلا ً من زهوري رحيقـة !

ياما تعبت أشحذ من عيوني .. انعـاس !
مامر ( ........ ) .. عيني .. دقيقـة !

صعبه تشوف بعينك الحلم / ينـداس ..!
كنّك اتطفي .. من دموعك / حريقـة !

الموت ماهو لاانحنـي .. للتعـب/ راس !
الموت نفسك ... لانحنت / للخليقـة !

كل الدروب أشوفها / ياس فـي يـاس !
سايق عليك الله ( شف لـي طريقـة ) !


ياالله يابركات // يااااااالله
أكنت تعرفنا وأنت تكتب هذه القصيدة؟؟

]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-colorlack;"][CELL="filter:;"][ALIGN=center]

للحلـم ابرقـا ! دام حلمـي رقـانـي !
.......... وللمجد ابصعد سلّم الصبـر ... وارقـاه

ماهمنـي لـو قيـل : شاعـر أنـانـي
.......... أو قالوا إن اغروره .. اليـوم .. أعمـاه

الله عطانـي .. واحمـد اللـي عطانـي
.......... وكل ٍ يحمد اللي من الجود .... اعطـاه

لا ماكتبت الشعـر .. قصـدي الغوانـي
.......... لا ماكتبته .. قصدي المال .... والجاه !

ولاجيـت ادور للحقيقـه .... معانـي !
.......... جيت اكتم بصمتي ... سخافات الافـواه

وإلا عليه اليوم ! .. مـا الله حدانـي !
.......... هو ابتلاني لين ماصرت ...... بلـواه !

حشّمت راسه عن حديـث ... الطمانـي
.......... وعزيت شانه يوم غيـري .... تبـلاّاااه

مرات احس الشعـر .. غلطـة زمانـي
.......... وإن غاب لجّت هالحنايا ... تبي مـاه !

لولاه قلّي ويـن ..... ابلقـى الأمانـي
.......... بالله .. قلّي .. ويش أنا اليوم لولاااه !؟

بي جرح .. لامنه برانـي ... برانـي !
.......... يحطب أمل صبري .. من اقصاه لاقصـاه

وشلون ابلقى للسعـاده ...... موانـي ؟
.......... وانا مثل م تشوف .. مخلوق .. لـلآآآآه

الموت وينه ؟ ليت موتي ... خذانـي !
.......... تعبت انا اسأل .. وين هالوقت ... وداه !

تعال فتّش عن سجيـن .... المحانـي !
.......... واليا لقيته ذكّره بس ............. بالله !

إني عطيته .. دمعتينـي ../.. حنانـي !
.......... واني وهبته ... من جنوني .... معانـاه

وقله مدامـه راح عنـي ... ونسانـي !
.......... مثله بسوي ! ... ببتعد عنه ... وانساه

وخله يعد اليـا رحلـت ..... الثوانـي
.......... وخلّه يموّل صح .. لاغبت / .. ويلاااه !

واذا يبي موتـي .... دخيلـك ترانـي !
.......... مثله أبيه ! ... وعلّني بس ... ألقـاه !

وقلّه غديت اليـوم .. إنسـان ثانـي !
.......... شاعر جريح ... وكل هالناس ... تقـراه

وما كل شخص ٍ .. لاقراني .. قرانـي !
.......... ولاكل حلم ٍ مرني ..... أطلب رضـاه !

ولاجيـت ادور للحقيقـه ... معانـي !
.......... جيت اكتم بصمتي ... سخافات الافواه !




تدرون اش اللي يقهر؟؟
إن بركات رغم كل هذا الإبداع اختار لقب:
(العادي جداً)
!!!

إذا كان هذي الكميه الهائلة من الشئ اللي
مايمكن وصف روعته هو (عادي جدا)
أجل كيف اللي أقل من عادي وكيف اللي أكثر من
العادي
؟؟
!


أتمنى أن تكونوا قد استمتعتم
وموعدنا القادم هو مفاجأة جميلة جدا
لاتفوتوا حضورها أبداَ

[/ALIGN][/CELL][/TABLE1][/ALIGN]

ابداع هالمرهـ في الاختيار ..
لأنه (البركات)..

بركاات مبدع بكل ماتعنيه هالكلمة ..
حروفه وكلماته فيها سلاسة غير طبيعية ..
مايجيدها الا بركات وبس ..


صح لسان بركات وصح ذوقك ياوااو على الاختيار ..
دمت دوماً بهذا الرقي في الاختيار ..

هالابيات ماتصدر من شاعر عادي
لكن اكيد ان التواضع من شيم الكبار امثال بركات
استمتع بقصائده كل ماقريتها وحفظت اغلبها من كثر هالقراءه ..
وأي عباره مدح بـحقه راح تكون قليله اكيد ..



وانتٍ يا واو تملكين ذائقه غير عاديه
جداً تبهرينا وتمتعينا بإختياراتك
لك كل الشكر وبإنتظار الأجمل يا جميله

بركات شاعر عادي جداً لكن فرقه عن الشعراء الآخرين بهذا المفهوم ،
انه يسلك طريقاً لا يسلكه احد سواه .. لذا اصبح عادي جداً بمفهوم شاعر

احببت ان تكون القصائد غير مُستهلكة لدى المتذوّق فأكثرها اصبحت :
موشومة بالقلب لدى أكثر المتذوقيّن الذين يجيدون معنى التذوّق ..

ابدعتي ياواو

وحنى صغار زرعنا في تراب الحلم
حلم ويشبه العصفور , لكن طار وكنى صغار

جميل هالمقطع

من أجمل أبياته

أنا ما طحت من عين المواجع يوم أنا مكسور
أنا من كثر فيني مواجع طحت من عيني



كل التحايا يّ عذبه ل طرحك العذب