السلام عليكم ورحمة الله وبركاته


مثل ماهو واضح انا سجلت في الرخصة الدولية في معهد نيوهرايزن
رحت لهم يوم من الايام ابي احجز اختبار قالوا جانا قرار بايقافه
طبعا الكلام هذا قبل سنه تقريبا يعني لنا فتره وحنا نراجع ونفس الكلام
عطيناهم فلوسنا ودرسنا حتى التعليم عندهم ضعيف جدا جدا بس ابي الشهاده باي شكل

المهم كل مره اروح يقولون والله الاختبارات موقفه من المؤسسة العامه

طيب والحل انا اعطيتهم الفلوس وكل شيء ومو راضين يشوفون لنا حل
والمثل يقول ( لو فيه شمس كان طلعت امس )

رحت المعهد قبل فتره لقيت زول على مكتب ماكل تنباك حسيت انو شاربه بينقطع من التلقيمة الي حاطها
المهم قلته سلام عليكم كيف حالك ان شاء الله تمام
قال الحمدلله

قلتله ياستاذ انا مسجل عندكم في الرخصه الدولية ووقت الاختبارات تفاجءنا بالايقاف والحل الحين
انا شخص ابحث عن عمل والشهادة هذي مهمة بالنسبة لي ليش الاهمال من الادارات هذي

قال شوف لاتبحث عن الاي سي دي ال لانها انتهت خلاص
قلت طيب وفلوسنا الي سلمناها لكم بترجعونها قال لا للحين يدرسونها
قلت ياستاذ لهم سنه وحنا متورطين معاهم وش القصه هم ناوين يعوضونا او لا

قال بكل صراحه ادفع 1200 ريال وتعال راجع 21 يوم بعدين اختبر شهادة جديده اسمها كمردج مدري ايش
صراحه تفاجاءت بالشيء ذا قلت مو لهاالدرجه تستغلون ضعف المواطن انا من وين يجيني 1200
المهم عصبت قلت فيه احد مسؤال هنا من السعوديين اتكلم معه
قال فيه الاستاذ محمد روح ليه بالغرفه الثانية

جلست نص ساعه وانا ادور لاستاذ محمد طبعا الاستاذ محمد هذا الي يقوله عنه الزول
انا مريت من عنده مليون الف مره وبالاخير طلع واحد عنده شهاده ثانويه واصغر مني
شكله يقرب للمسؤل الي بالمعهد وحطوه استاذ عندهم دخلت قلت سلام اخوي اخبارك وش مسوي
قال الحمدلله تمام

قلت ياخوي انا مسجل بالرخصه وللحين ماجانا خبر وقلوسنا عندكم وش القصه نبيها نستفيد منها بدورات ثانية

قال شوف الاختبارات توقف عن طريق المؤسسة وخلاص مافيه
قلت طيب وفلوسي الي سلمتها لكم بترجعونها قال لا
قلت تبي الصدق والله انتم لعبتوا علينا ليش ماتوضحون لنا انكم شركة ضعيفه وماتحفظ حقوقنا

قال شوف حنا مو السبب السبب من المؤسسة قلت طيب والحل ياخوي انا لي تقريبا سنه وانا رايح جاي عليكم
قال شوف والله مو انت بس كل الطلاب المسجلين نفس وضعك

قلت يعني نروح المحكمة تطلع حقوقنا من الشركه قال الحين هو قيد الدراسه وضعكم اما الشهايد خلاص معد معتمده بالسعوديه

المهم والله تضايقت وانقهرت بعد مانعطيهم الفلوس ونكون طيبين معاهم قالوا هات قلنا تفضل
نجيهم حنا نقول نبي نختبر يقولون لا والله انقهرت بيني وبين نفسي

جيته من الاخير وصارحته قلت يامحمد تبي الصدق مابي اتعلم انا ابي شهاده المهم الشهادة انا ابي اتوظف وش اسوي

قال خلاص ادفع رسوم 250 ريال وابداء احجز اختبارات

يعني لاحسيب ولارقيب حسبي الله عليهم

ابي افهم شغله الزياده الي يبونها بناء على ايش وش سبب طلبها ؟؟ انا موقع عقد يوم دخلت اسجل ومبصم عليه
اني ا درس شهرين والشهادة تعادل سته اشهر والرسم 2000 ريال فقط وتم تسليمها
يجون الحين يطلبون زيادات ليه ينقظون العهد الي اتفقنا عليه عند التسجيل
والمؤسسة بهذلتنا ولاحلت مشكلتنا مع المعهد



الحين ياناس انا مابي الشهاده حرام ابي اختبر وانجح وبدون ماعطيهم فلوس زياده وش الحل
احد منكم عنده خلفيه

اممم مشكله
صحيح المؤسسه وقفت شهادة الاي سي دي ال بس المفروض المعهد يرجعون لك الفلوس لانك مادخلت الامتحان !
طيب حاول ترسل او تكلم المؤسسه العامه و علمهم بمشكلتك او رح للمعهد وقل ابدرس شهادة كامبوردج بس الفلوس نفسها فلوس ICDL يعني ماراح ادفع من جديد لانك مااخذت الشهاده ولا دخلت الامتحان .

الله يكون في عونك

حول دايريكت للكامبردج شهادة معتمدة جديدة تدخل بمفاضلة للوزراة الخدمة ومعتمدة من المؤسسة
وطبعاً راح تحوَل بدون رسوم لإنك دفعت سابقا

معهد نيوهورايزن قسم الطلاب ال سي دل ,, لإدخال بيانات ومعالجة نصوص وبعض الطلاب اختار كامبردج

انا توقفت ب الآي سي دل والآن ادرس كامبردج بالتوفيق

واسلوب الهادي والحنية ما ينفع معهم انشب بحلوقهم اتوعدهم انك راح تشتكي راح يحولكـ على طول

نفس الحالة .. انا دفعت 2700 ودرست icdl وتوقفت فجأة وراحت فلوسي..
المعهد يقولي ما يخالف تختبرين شهادة كامبرج بس بشرط تدفعين 800 ريااال ..
حرام عليهم ما كفتهم 2700 الي اخذوها ولا اعطون شهادة
حسبي الله ونعم الوكيل

اما انا المعهد يقول لي بنعوضك بشهادة كامبردج بس ماتكلموا ان فيه زيادة فلوس ندفعها بس والله مايخذون مني ولا فلس حمر

نفس المشكلة يالغلا .. بس كان باقي لي 3 اخبتارات واختبرت .. المهم

تأخذ الورقة الزرقاء واللى فيها صورتك وفية ورقة زيادة للمواد اللى اختبرتها
.. وتروح نادي الحاسب الالي في التخصصي .. او تروح كلية المعلمين

وتقول ابغى اختبر عندكم .. وتعطيهم الورقة وكل اختبار يقول بـ 100 ريال ..

والحمدلله خلصت اختباري والحين انتظر الشهادة يسلموني اياها

وحتى قلت له طيب لو طلبو مني معتمدة ولالا .. قول هذي الشهادة معتمدة من وزارة التربية والتعليم
وانا راح اعطيك ورقة ومختمه من وزارة التربية والتعليم

والله يوفقكم جميعااا

[align=center]الله يووفقك ياصاحبي..
اذا قدرت تأخذ فلوسك بأي طريقة وتهج من المعهد الخاايس هذا أصرف لك[/align]

[align=center]أنا نفس حالتك .. رحت للمعهد قالوا لي بنعطيك شهادة بديله لها والى الآن ما استلمتها

واشتكيت للمؤسسة العامة للتدريب المهني ردوا علي بكل بروده " احنا ندري أن ما لكم ذنب في اللي صار وحتى المعاهد "

وقعد يبرر سبب الالغاء المهم في الأخير ما اعطوني جواب شافي .. حسبي الله عليهم

بس نصيحتي لك تأخذ فلوسك وتهج لمعهد ثاني لأن ذولي مو مضمونيين يمكن اذا غيرت الدورة ما يعطونك الشهادة الا اذا دفعت زيادة

الله يفرجها علينا أجمعين[/align]

انا نفس المشكله درست عند المعهد واختبرت اختبارين وبعدين توقفت وش الحل معاهم