السلام عليكم

انا موظفه في شركه

انا من طبيعتي عمليه جدا واحب العمل كثير

الموهيم اجتني دراسه وو ظيفه ف اخترت الوظيفه وشهادتي ثانوي ومعها دبلوم ومعي خبرة اكثر

من كم سنه علاقات عامه

الموهيم وظيفتي كانت تحديث بيانات

وكنا فتره تجربه 3 اشهر ف عملو تنقيه للبنات اختارو اللي فيهم كفاءه ومن ظمنهم انا

الدوام فترته طويله بس تحملت

اجا من فتره صدر قرار بترقيتي الى مشرفه القسم

طبعا مافي مديره عندنا تعاملنا مباشر مع الرجال لكن قسم منفصل

اول شهر ونوص كانو تمام معي

البنات عددنا قليل جدا لانو بعضهم تركو بحكم حصولهم ع شغل اخر

الموهيم عملي مااشي زي التمام والى الان

ومافي اي مشاكل وعملنا ع اتم وجه

ف وظفو زوجة مسؤول قسم اخر

ومن بعدها المشاكل ب ازدياد

لدرجة انو يتهموني ب انحيازيتي للبنات واهي اطنشها وهذا الكلام مافيه اي مصداقيه منها

والمشكله ما يبون احد ينااقشهم او يحكي يبون سمع وطاعه وببس

انا تناقشت وياهم وموب مصدقيني الى ان شهدو البنات معي

وانتصرت عليهم ومع هذا يشكو في مصداقيتنا عشانها !!!


ومع هذا يحبو يختلقو المشاكل ويحبون كثر الحكي والقيل والقال

لدرجه انو يحاولو يعملو خلاف بين بنت وبنت

بس ماقدرو لانو علاقتنا قويه مع بعض متعاونات لدرجه كبيره

وللمعلوميه البنت اغلب وقتها نووم ف كنت انبهها بكل فتره

يوم تستجيب ويوم لا

وبعد مشكلتها وياي خبرت المدير المباشر المصري

والله والله ما علق ولا قال ولا عمل اي شي

تقريره 24 ساعه نقد X نقد


يحاسبون ع الصغيره والكبيره واهي والله كأنها معصومه من الغلط

ع انها ما تعطي انتااجيه كبيره ب المقارنه معنا وبمجهودنا




مكاتبنا احنا ننظفها ب انفسنا

حتى الاكل محاسبين عليه مره ب الشهر نطلب من برا

والايام كلها ع جبن واذا تطورنا جبنا من بيوتنا اكل .. وحتى الميكرويف جبناه من حسابنا

واعترضو ع وجوده لكن وقفنا بوجههم وبعدها وافقو

وهذا غير انو يعاملونا مثل الالات بس تشتغل وماا لها حق تحكي


واذا حكينا شي عملو من الحبه قبه

وللمعلوميه مافي الا المدير سعودي والاستقبال وزوج الموظفه

والباااااااااااااااااااااااااقي اجانب وجنسيات مختلفه

والشركه قديمه لكن مالها اي طاري ف المجتمع

وانا وياهم الحين باقي شهر واكمل سنه
اشتهرت وزادت انتاجيتها عن طريق 4 بنات بس ؟؟؟؟؟؟؟ بغض النظر عن القسم الرجالي اللي كانو فيها من 5 سنوات واللي 6

ولا عملو نص علمنا وجهدنا

والحين والله والله والله ما اشتهرت ونجحت الا فينا احنا ال4 بنات

تدروون عملنا شنو

تحديث بيانات ب الاتصال + ادخال ع الجهاز+ تدقيق البيانات + خدمه عملاء

تتصورون بنت تمسك ادخال ع الجهاز لنظام ماكنتوش القديم بـ 500 داتا وتستقبل مكالمه خارجيه ل عميل ؟؟؟

وتنجح ف الشي هذا

تتصورون وحده تحدث بيانات مع شركه ومؤسسه وبعد ما تخلص نوص الداتا تروح تمسك التدقيق وتراجع الاخطاء الي ادخلت ف الجهاز !!!


احنا الـ 4 بنات نعمل هالشي من 8 صباحا الى 5 مساء


وموووو عااجبهم ويعتبرونا مقصرين جداااااا


وقلت 4 لانو البنت ال5 صار لها شهرين فقط

ولدرجه عملو صفقه ب نوص مليون

ولا اعطونا حوافز او دعم يشجعنا ولا حتى زيادة ف الراتب


اليوم رفعت خطاب للمدير العام لشركه وبجتمع فيه انا والبنات

وبنحكي كل شي

تتوقعون بحصل نتيجه ولا لا


اي شي نعمله معهم ما يعجبهم

طبعا بعد ما ازادت ارباحهم


انا مليت منهم ومابي اترك الشغل الا لما احصل شغل غيره

احس قفلت بوجهي كل الاماكن

اسفه ع الاطاله بس وربي متضاايقه حيل

لاتتضايقين ولاشي

اصلن لاتفكرين باامورر الدوام في البيت

اعملي الي يريحك وماعليك من زوجه مسؤؤل ولا بنت وزير كل واحد ياخذ نصيبه

وحاولي تبحثي عن وظيفه وقبل مااتخرجي افضلك وصدقيني الانسان اذا مو مرتاح نفسيا ماراح ينجز وراح تتعبي على الفاضي والزم ماعليك راحتك

وربك يووفقك ويرزقك بالوظيفه الي تعزك وتغنيك يارب

دمتي بوود

هذا حال كل سعودي و سعودية
يجتهد و ينجز و النتيجة تهميش و عدم مبالاة و الحوافز و التشجيع لمن يسرق مجهودكم
بس تعرفين أفضل شئ بدون احد يقول لكم و لا تنتظرون عطف
مباشرة كتبتي خطاب و تتظرون مقابلة المدير
كفوا عليكم و الله يمكن شباب ما يتفقون و كل واحد يتهرب من قول الحق
الله يوفقكم و إعملوا ما يرضي الله و يرضي ضميركم
و لا يهمكم لا مسؤل و لا مصري أغلبهم يطفشونكم حتى ياتون بمعارفهم
بعد ما إستفادوا من شغلكم و تطويركم

الاجانب صارو واصلين مرررره في بلدنا
لدرجة حقوق العامل الاجنبي صارت توصله وظروفه تتحسن
اقرب مثال نظام الكفيل اللي يبغون يلغونه عشان سيادة العامل الاجنبي ....
لاكن السعودي صوته غير مسموع ولافيه احد يوصله صوته ويجيبله ابسط حقوقه
واذا طلعوله قرار حطو فيه انواع التعقيد والتلاعب ....
مانقول غير املنا بالله سبحانه وتعالى تتحسن ظروفنا
ومأجورين ان شاء الله على صبرنا

[align=center]
نصيحتي لك دامك بها المؤهلات الجيدة والخبرة
قدمي ع وظايف من خلال هذا المنتدى الراقي
وانشاء الله تجدين وظيفة أفضل من هذه الوظيفة
تحياتي
[/align]

عزيزتي اولا اقول مشالله عليك .. تملكين همة عالية و جدية بالعمل و تمكن و هالشي يحسب لصالحك
عزيزتي انتي تشتغلين اولا عشان تحللين راتبك ثم عشان نفسك و تحقيق ذاتك .. مافي عمل بالدنيا الا فيه الشين وفيه الزين له سلبيات و له ايجابيات لا تخلي الاحتكاكات الي تصير بينك و بينهم تأثر ع اداءك و اخلاصك و رضاك عن نفسك
هالامور كثيرررررة في الشركات فلا ترسمي في بالك ان العمل خارج شركة ثانية بيكون مفروش بالورود و لا تخلي من هالمشاكل سبب في كرهك لشغلك الي جديتي و اخلصتي فيه و حبيتيه
انتي استمري بالعمل و طنشي كل شي ثاني
بس ركزي ع اداءك و ع الشي الي لازم تنجزية
اخلصي واخلصي واخلصي
و استمتعي بعملك
تناسي و تجاهلي اي ضغوط ... مالك علاقة باللي يشتغل و اللي مايشتغل لان كل شخص يمثل نفسسسسه و بس
انتي سويتي الي عليك ووصلتي الصورة الحاصلة للمدراء و هنا تنتهي مهمتك
بس مسؤلة عن نفسك

و الشيء الثاني لا تتركي العمل حتى تحصلي افضل منه .. الاشغال هاليوومين ما تحصل الا بعد طلعت الروح
انتي قدمي وقدمي وقدمي و بيني مؤهلاتك و متي ماحصلتي الافضل تقدري تستقيلي

ربي يوفقك و يفتحها عليك ... اهم شي تفاءلي و لا تخلي شيء يضايقك في العمل و في حياتك في البيت *

اختي انا قدمت على شركة خاصة ماسكة مشروع كبير في الغربية
نوع العمل مدخلة بيانات وسويت المقابلة الشخصية وبإنتظار ردهم
وتقريبا وضعي بيكون تقريبا زيك من حيث انه الموظفات قليل يمكن يكونو 4 او 5 في غرفة في شقة مليئة بالموظفين
وانا خايفة جدا جدا لأني اول مرة اتوظف وخاصة المكان كلة رجال وزوجي راح معايا المقابلة
انا مديري لبناني واول انطباع عنه انه خلوق
لكن اخاف من اني اتعرض لمضايقات من بقية الموظفين هل لاحظتي فيه شي من هذا القبيل ؟
وآسفة على الإطالة