تقرير:: المقابلة الشخصية || القصيم ||

ظرف طارئ · #1 (**permalink**) 19-03-2011, 03:33 PM

السلام عليكم ورحمة الله وبركاته .!

اليوم ولله الحمد رحت للمقابلة الشخصية بالامن العام القصيم
وحنا اول مجموعه بتآريخ 14-4

طبعا بغيت اتوهق وماروح بسبب الاجازة .. لولا اللي نصحوني انهم مداومين
مشيت 7 وصلت وقعدنا عند البوابة الى 7 ونص
ودخلنا القاعه.. كان فيه ناس يسلمون ملفات حطوهم يسار واللي بيقابلون حطوهم يمين

بس آحسبوآ حسابكم ترا بتنلطعون انتظار انا من 7ونص وماخلصت الا 1 وربع الظهر
يعني افطروآ وعينوآ من الله خير قبل ماتجون..

جا دوري ودخلت قالو لي ارفع بنطلونك لحد الركبة وخذ لفة .. وخذو طولي
وخلوني اقرا الفاتحه .. واقرا قطعه .. واكتب جملة .. وعطوني ورقة الطلبات
وقالو لي موفق

طبعا اللي مرتبكين .. رآح يجيهم اسأله زياده مثل ماعصمة المانيا او عاصمة فرنسا
ماهي الاركان الخمسة من هم الخلفاء الراشدي .. ماهي دول مجلس التعاون ...الخ

نصيحتي ادخلوآ واثقين وشادين نفسكم .. وتكلمو بصوووت عالي..!
ولاتنسون التحليق والتكميلة تكون منسقة..ﻷنه فيه تقييم على الشكل

وهذا كل شي... ادعوآ لي

وأتمنى للجميع التوفيق

سؤال الله لايهينكم:
الفرز النهائي على اي اساس.؟
النسبة,الشهادات,الدورات,المقابلة.؟

أبٌو لَيْآنَ · #2 (**permalink**) 19-03-2011, 03:36 PM

بالتوفيق لكــ

وفالك القبول النهائي !

جريح السنين · #3 (**permalink**) 19-03-2011, 03:39 PM

أسأل الله لك التوفيق يآرب
وفآلكَ القبول النهائي ،

الله يوفق الجميع،

بروفسيور عاطل · #4 (**permalink**) 19-03-2011, 03:45 PM

يقيسون الطول مره ثانيه طيب ليش؟؟؟؟

آساس الغلآ · #5 (**permalink**) 19-03-2011, 03:49 PM

اخوي

الجمله يعني كيف بالله قلي مافهمتها ؟

والظباط ماتعرفهم ؟

بندر ب · #6 (**permalink**) 19-03-2011, 04:05 PM

طيب هل اعطوك اوراق طلبات الدوره
او ايش الطلبات إللي اعطوك

ظرف طارئ · #7 (**permalink**) 19-03-2011, 04:08 PM

واياكم يارب..

اخوي بروفيسور..!
اي يقيسون مره ثالثة قصدك..مدري ليش : (

أخوي ساس الغلا..!
الجملة يعطيك ورقة يقولك اكتب .. مديرية شرطة منطقة القصيم
والظباط ماعرفهم والله

أخوي بندر ب..!
اي عطوني ورقة الطلبات..بس قالو لا تبدا فيها لين
يطلع الفرز النهائي.