السلام عليكم ورحمة الله وبركاته

اخواني انا للأسف توظفت في شركة ادارتها ماراح اوصففها احتراما للأعضاء.
مشاكلي معهم هيا كالتالي:-
1- انا كنت متفق معهم على راتب اساسي وبدل نقل وبدل سكن وماكان فيه عقد موقع بيني وبينهم لاكن كان موجود في كشف الرواتب الي اوقع عليه انه مقسم بدل السكن والنقل وخلافه ولما كملت سنه عندهم وطلبت اجازه قالو لا انت راتبك شامل ومالك راتب اجازه ولانهاية خدمه ولاشي وارسلو لي عقد عمل مبين فقط راتب ولم اوقع عليه حتى الأن.
2- التأمينات الاجتماعيه بعد ماكملت سنه وزياده سجلوني فقط لمدة شهر .
3-الأن تفاجئت ان الفرع الي انا فيه جميع الموظفين نقلو لفرع اخر ولم ابلغ بأي شي وارسلت لهم فاكس عشان يوضحون لي موقفي ومحد رد علي وحسب كلام احد الموظفين في الادارة انه انا مستبعد خلاص مالي شي

افيدوني اخواني وش اسوي معهم الأن

كيف تعمل سنة و تطلب إجازة
و أنت ما وقعت عقد و لا تسجلت في مكتب العمل
و التأمينات بعد سنة
أظن وضعك صعب حتى لو أشتكيت
حاول تتكلم معه شخص يريدك و يريد مساعدتك
غير هذا إنسى

بس انا معي تعريف من عندهم مبين فيه تاريخ تعيين ومعي عقد العمل الي هم مسوينه بتاريخ قديم موقع ليه ومختوم ومكتب العمل مسجل فيه من وقت ماشتغلت عندهم بس التأمينات هي الي ماتسجلت

طيب حتى لو العقد فقط راتب شامل
ما له علاقة بالاجازة و تقسيم الراتب
طيب كم سجلوا راتبك في التامينات
هل كامل او الاساسي فقط

أخوي روح لمكتـب العمل وقلهــم كل القصــة وراح يفيدونك ..

تفضل هنا

حقوق العامل وواجباته

نظام العمل

اشكركم على تفاعل اخواني

طيب مقر شركه الرئيسي في الدمام وانا في رياض ولا لها سجلات في رياض هل اروح مكتب عمل الدمام ام الرياض

الله لا يوفقهم
فيه غيرك موظفين من الرياض
و هل مستمرين و لهم نشاط في الرياض
يمكن خلص مشروعهم او مصلحتهم في الرياض سرحوكم
اخوى ما اعرف
اذا جربت رقم بطاقتك يظهر لك على راس العمل
و المكتب التابع له
و الله يعينك تحضر عند المكتب اللى مسجلك
شف موقع العمل و استفسر عن موظف سعودي
و تعرف اى مكتب و المنطقة اللى تابع لها

تابع لدمام
بس انا خايف اروح ومالي حق ابي اعرف وش الي لي وعلي

ما أعرف وش لك و ش عليك
قالك الاخ روح مكتب العمل و قل لهم القصة
و خبري مكتب العمل لا يهش و لا ينش
و لا ينصفك مع الشركات المهم العودة للعمل لا تفكر فيه بعدها
تعرف النظام عندنا لا يحميك و لا أمان اى وقت يقولون شرفنا و استقنينا
او يعملون لك فيلم حتى انت تطلب ترك العمل كيف و انت بتعمل لهم مشكلة
و قالوا لك خلاص انتهينا منك
المهم الشكوى الان لدى متكب الدمام