هل اذهب او لا ؟
تخصص الكترونيات - الكلية خارج مدينتي

التخصص حلووو بس ماعندهم حاسب او دعم فني؟؟؟؟!!!!
خارج مدينتك وين يعني بعيد حيل ولا تقدر تطلع كل يوم للمعهد بسياره.....؟؟

شوف بقولك شي وانت حكم نفسك
وش رايك تأخذ دبلوم وتدفع انت فلوس....؟ ولا تأخذ دبلوم وهم يعطونك فلوس..؟؟؟ 1000 ريال شهري
اتوقع الارجح انك تأخذ دبلوم وهم يعطونك
لان حسب مافهمت ان نفسك تكمل بعلوم وتقنية الحاسب وهذي هي جت لعندك

بس لاتترك وظيفتك خلها مسائي
وانت ادرس بالكلية صباحي

وبالنسبه لتخطيطك تعال اقولك متى يتنفذ اخوي

اخوي شفت لاخذت الشهاده؟؟تقدر تطلب منهم قرض 50,000 اللف ريال لمشروع صغير

هالمشروع خله بمجال الحاسب والطباعه والاالكترونيات <<تربح ذهب ذهب



وبهمس لك بشي ::قبل كل شي استخير ربي وربك صل صلاة الاستخاره واذا ارتحت توكل وقدم امورك واذا مارتحت عيد الصلاه مره ثانية واذا برضوا مارتحت خلاص بلاش منها

الله يوفقك

لا الدراسه اهم شي وانا اخوك صدقني حتى لو كانت شهادة الكليه التقنيه تعبانه بس مو مشكله اهم شي تكون معك شهاده تخليها بجيبك والله العضيم انا تخرجت من الثنوي عام 1429 والى الأن جالس بالبيت والله العضيم ميت حسره وهم وغم توظفت وظيفه غير مناسبه لي وسببت لي ضغوط نفسيه وقلق واكتئاب وتركتها

نصيحه لوجه الله لاتترك الدراسه انا الحين ابرجع اكمل وابدرس على حسابي بعد الشكوى لله ثلاث سنوات راحت من عمري بس كذا على الفاضي



ادرس والشغل ييسره الله بعد ماتاخذ الشهاده

تحياتي لك