السلام عليكم ورحمة الله وبركاته
والله يشباب كل مافرح يوقف بطريقي حاجز انا بقولك سالفتي ابي رايكم الحين ضروري رايكم مهم لي . . .
انا اقبلوني كلية التقنية بدمام اول احسب فيها سكن طلع مافيها سكن ثاني شي ظروف يعني صعبه انا طبعا مو من اهل دمام من الخفجي موعدي يوم الاربعاء وشرايكم اروح او لا والله محتاررررر جدا احس مخي ضرب ناس تمدحها ناس تقول الي تخرجو عاطلين مانفعتهم ابي حل تكفوووووووون الي عنده خبره

وش التخصص اللي تبي تسجل فيه؟؟؟

عموماً هم يصرفون لك شهرياً 1000 ريال
من غير المكافات من المحافظ اذا كنت ممتاز توصل احيان 4000
وتقدر تطالبهم بقرض يوصل 50,000 ريال عشان مشروع صغير لك
ويعتبر دبلوم بعد الثانوي /تتوظف بالخاص بسرعه وبالعام تقدر بالجامعات تتوظف منسق بيانات غالبا (بحال انك تخصص حاسب ...)

هذي مميزاته

اذا عندهم تخصص دعم فني توكل وسجل لانه مطلوووووووب بشكل فضيع

اما بالنسبه لديرتك تقدر تعيش مع شباب بالجامعه يدرسون وتسوي معهم قطه يعني تدفع 200 ريال بس و100 للسواق


اخوي بالاخير احب اهمس لك لاتسأل العالم اللي هنأ

اسال رب العباد صل الحين صلاة استخاره وشوف نفسك ارتحت روح وتوكل واذا مارتحت عيدها مره ثانية الصلاه واذا بعد مارتحت خلاص بطل منها

والله يوفقك يارب

بعدين اخوي
نسيت اقولك فيه وظايف بوزارة الداخليه راح يعلنون عنها قريب اذا تحب تكون عسكري او بالدفاع المدني
والله لاتربح شوف ماشاء الله رواتب العسكر كل نص سنه تجيهم زيادة بالالوف


قدم واسعى بأمرك عسى ربي يسهل دربك

والله ماقصرت يالغالي يامندبله تسبدي يســــــــــــــــــــــــــــعدك ربيًٍ

[align=center]
موفق بإذن الله ... لك مني أجمل تحية .
[/align]

شوف اخوي نصيحة روح وانت تبي تلاقي ناس مثلك من خارج المدينة شوف منهم الشباب الطيبين وخذولكم غرفتين وعيشو احلى فلة ودراسة وعندك مكافئة1000قول تروح منها 500ريال قطات سكن ومصاريف يبقى معك 500ريال تكفيك بالراحة واما مناحية الكلية تأكد ان الشهادة اذا مافادتك مارح تضرك صدقني الشهادة حلوة بس اغلب المتخرجين منها جاين بتقدير مقبول اهمال زايد انت جيب معدل حلو وصدقني الافضلية لك في القبول سوا حكومية او عسكرية او قطاع خاص ودليل كلامي شف ديوان الخدمة المدنية اللحين فاك تسجيل ورافض اصحاب الثانوية لازم اقل خانة ثانوية+دبلوم يعني الثانوية اللحين ماتصلح لك شي والوظائف الي نزلها القطاع الخاص لاصحاب الثانوية كلها في قطاع البيع بالتجزئة وكاشير يعني مثل بنده والاسواق بائع غيرها مافي في القطاع الخاص اما الحكومي لو حصلت على دبلوم تقدر تاخذ المرتبة السادسة في ديوان الخدمة المدنية او اي قطاع حكومي اما لو حبيت تسجل في العسكرية بالكلية رح يكون افضلية القبول لك ورح تكون برتبة عريف لو انت بالداخلية (بعض قطاعات الداخلية مو كلها) اما القوات المسلحة رح تكون وكيل رقيب البحرية+القوات الجوية+الدفاع الجوي+ القوات البرية+قوات الصواريخ الاستراتيجية+الحرس الوطني +الحرس الملكي
واخير انت فكر وش تبي واذا انت خايف المكافئة ماتكفيك عادي رح تلاقي شغلة بدوام جزئي عندك بنده توظف طلاب +العبيكان+جرير
واهم شي شوف لك تخصص حلو ومجاله ماشي في كل قطاع وانصحك في التخصصات الادارية ادراة مكتبية او محاسبة او حاسب الي ودعم فني نسيت اقولك ان البنك الراجحي كل وظائفه الي اعلن عنها كان يبي دبلوم تقنية وانت راجع اعلانات توضيف البنك وتعرف كلامي
المهم اتمنى لك التوفيق وانا حبيت افيدك ودعواتك لي بالتوفيق

ماقصروا الاخواان

والله يوفقك ياارب ويعينك ع الاختيااار الصحيح

يسعدكم ربــــــــــــــــــــــــــــــــــــــــــــــــ ـــــي ماقصرتو بس معوكسه الحين اليوم طلع شي ثاني شهادة الحسن سيره وسلوك الاصليه ضايعه من وين اجيبها