الله يبارك لك فيه
ويجلب لك القوي الامين
ويبعد عنك الضعيف الخوان
فيه معلومات ضرورية عشان تكتمل الصوره منها مثلا:
هل هذا المبلغ هو ماتملك واللي فهمته انه جزء ناوي تشغله
لايمكن تحديد التوجه المطلوب الا بالمعطيات اللي تملكها من معلومات وتقديرات وماتهواه نفسك
يعني : نظامك نظام شيبان وتحب الامان والربح القليل المقنع او تحب مخاطرة الشباب لان الارباح العاليه مقرونه بالمخاطره العاليه
-----
واضح من ردودك انك انسان مطلع واعجبني انك ماتحب الانقياد والتوجه للمشاريع التقليديه
يبقى الحل بيدك وهو ماتفضله :
شغلات استيراد وتصدير
وساطه
عقود مع شركات
خط انتاج مباع لشهور او سنه قدام
طبعا الكل يطمع بربح عالي مقابل مجهود بسيط وهذا ولله الحمد مازال متوفر بقوه بمحيطنا وبمنطقة الخليج اجمالا
اختصر لك
1- الصناعة تأتي بالمقام الاول لعدة اسباب
ارض وقرض وأولوية تكتسب سمعة ومكانة بالسوق
وكثير من الاحتياجات الاستهلاكية لاتصنع هنا
تحتاج معرفةالاشياء المطلوبه وتحديد شيء معين طلبه اقوى من عرضه
وتتوجه لدولة معروفة بجودتها لصناعة ماتريد وكلها جهاز او آلة كبيره تستوردها من عندهم ويعطونك عليها وكالة
وانصحك بالمعدات الطبيه بوجه الخصوص
2- waste managment
بحر للاموال
3- ركز على العالم الجديد (nanotechnology ) تقنية النانو ومنتجاتها لانها تعتبر الثوب الجديد لكل ماعلى الكرة الارضيه .. وهذي يبغى لها رواقة وطول بال بمتابعة اقوى الاسواق والاختراعات الجديده في هذا المجال
والتقاط منتج جديد من بداية نشأته
والخير واجد
اذا تحب توزعها على كذا مشروع
باقي الاشياء تنفع مثل اللي قالك محطة المحطات دخلها ممتاز جدا وتستطيع استأجارها ولايشترط تملك الارض
لكن تحتاج موقع قوي وعندك قدره على فتح اكثر من 3 محطات خلال سنه وامتلاك صهريج خاص ووو
ومعدل صافي الربح لمحطة حليوه يبلغ 700 الف سنوي وانت مستأجرها ب 300 تقريبا
-الجت بوت في جده دخله يعادل دخل عماره ولكنه شغلانه
foot massage center in airports
مراكز لتدليك الارجل والراحه في المطارات << تحتاج تصريح
- ابحث عن مجال واعرف تفاصيله وادخل اي مناقصه تطرح
- التعليم والتدريب والصحه البدنية عليها اقبال هاليومين
وما اقولك مدارس خاصه الا كليه ويجيك عليها دعم وتكلفتها ماتتعدى 500 الف والتعويض سريع
اسف كثرت عليكم بربره
عسى الله يكتب لك الخير بمالك ويبارك لك فيه ويكون لك معين وشاهد لك لا شاهد عليك
25-03-2011, 05:12 AM
العرض العادي
