السلام عليكم
معاكم خريج تقنية شبكات معدلي ثنين فاصلة ثمنية وثمانين
ياهو انا بكمل بفلوسي بفلووووووووووووووووووووووووووسي
لكن فين يرحم امك ودي القى واحد من التقنية مكمل بكالوريس غير الرياض والباحة معقولة مافي
استفساري
ودي اكمل بكالوريس فين المكان

دام امورك المادية كويسة اطلع بري السعودية افضل لك


رح نيوزلندا او بريطانيا او امريكا


وخذ شهادة عليها الكلام ولغة وتعال


لو انا مكانك رحت لكن معي دبلوم وجالس بلاي اوضاعي المادية ماتسمح



اللغة مهمة جدا صدقني لو معك لغة تتكلم بطلاقة وكتابة يعني لو اخذت دورة من 8 اشهر الي سنة


بدال منت جالس


وتجي تقدمها علي اي وظيفة بتلقي وظائف بالهبل اللغة اصحابها مرغوبين بكل مكان

اذا تقدر روح كمل برا افضل لك .

واذا تبغى داخل شوف الجامعات الاهليه .

فيه جامعه الامير فهد بن سلطان بتبوك سمعنا انها تعادل شهاده التقنيه وتقدر بكالريوس

والسنه الاولى تكون لغه نفس نظام البعثات

لكن غاااليه . و ما ادري عن الشهاده معترف فيها او لا .

هذا اللي عندي من معلومات بالتوفيق

اذا امورك الماديه توووب ولله الحمد اطلع برا ادرس ازين لك منها لغة

واذا انت بالقصيم عند كلية بريده الاهليه التسجيل بشهر 8

جزاكم الله خيرا ورحم الله والديكم . .
بالنسبة للدراسة برا مره مايمديني لظروف مادية ومعنوية ونفسية واخرووووووووووية
ياليت اللي يعرف كمان جامعات يقولي سواء اهلية او حكومية

الظاهر مافي مكان غير الرياض والباحة والله أعلم.