02-04-2011, 10:14 PM
|
عضو جديد
|
|
تاريخ التسجيل: Feb 2010
المشاركات: 37
معدل تقييم المستوى: 29
|
|
|
مشروع ذهب × ذهب وبسيط ودخل خيالي .. بس تكفون لاتنسون (أمي) من دعوة صادقة !
.
مشروع بسيط
ويحتاج رأس مال قليل
وماتدرون إلا خلال وقت قصير وأنتم من كبار التجار بإذن الله
مشروع الألعاب ( محل ألعاب أطفال )
والله ياهو ذهب
روحوا الى شارع السويلم بالرياض فيه ألعاب بالجملة برخص التراب (أقصد الصغار اللي بريالين وطقتها)
مثلاً تاخذ الدرزن بـ18 والا عشرين تلاقيها بالمحلات تنباع بـ 5 ريال
أنت بعها بثلاثة ريال خلك قنوع والا بعها بـ 5 ريال وش المشكلة
تدري ليش قلت هالكلام ...
لأني أمس بعد صلاة الجمعة بعد ماطلعت من المسجد لقيت واحد يماني (رفع ضغطي) تخيل يبيع كل لعبة بعشرة ريال وربي مكذب عليكم
تخيل أنها طالعه عليها بريال ونص لأني شايفهم عند السويلم الدرزن بـ 18 ريال و 20 ريال وربي
لكن تدرون وش الغريب ؟
الغريب به ناس تشتري زي الهبال تقول أول مرة يشوفون هالألعاب وهي تلاقيها عند أبو ريالين بريالين وثلاثة ريال وهذا يبيع الحبة بعشرة ريال والناس زي النمل عليه
والله ماتصدقون
شي عجيب
أنا تمنيت أني أفتح محل
بس وين اللي يجلس به
وشوي شوي يكبر المحل من الدخل الخيالي
وشوي شوي تنافسون أكبر تجار الألعاب
وشوي شوي ماتدرون إلا وأنتم تجار كبار بإذن الله
اللي مايقدر يفتح محل ياخذله بضاعة بسيطة ويبيعها عند مسجد كبير بعد صلاتي المغرب والعشاء وبعد صلاة الجمعة وعند المطاعم الكبيرة
بس تكفون لاتنسون ((( أمّي ))) من دعوة صادقة من القلب لعل الله يشفيها ويعافيها ويقوّمها بالسلامة لأنها بالمستشفى وحالتها حالة ولاتنساني أنا وزوجتي وولدي من دعوة صادقة
تكفون اللي يفتح محل لاينسانا من الدعوة
التعديل الأخير تم بواسطة مالقيتلي اسم ; 02-04-2011 الساعة 10:17 PM
|
العرض العادي
