سولفيه /الله يبارك لك بمالك
واكيد من ساعة ماتبدي بكفالة اليتيم راح تتغير كل حياتك للافضل

موضوع الصراحه مررره حلو

بالنسبه لي اروح السوبر ماركت اشتري اشياء لي ولبنتي واذا اهلي ناقصهم اغراض للبيت اشتريها معاي

اعطي امي احيانا

امشي اخواني الصغار واشتريلهم اشياء افرحهم فيها

طبعا هذي غير اني احاول كل مارحت مكان اتصدق لو بمبلغ بسيط

طبعا مااجمع ابدا لانها تطير بسرعه

انا با النسبه لي اشترررري اغرااااض للبيت اساعد ووالدي

وافرررح امي بقليل من المبلغ واتصدق با القليل

ربي يطرح فيها البركه

هل اليعندة حساب بلبنك يقطع عنة الضمان

والله الـ 862 مصروف لي ولولدي ويالله يالله يكفي وانتظر الوظيفه بفارغ الصبر عشان ربي لايحوجني لحد

وبخصوص الراتبين فرحت فيه اهلي وجزء بتسوق فيه اليوم وبتبرع بجزء والجزء الاخر خبيته لليوم الاسود

موضوع جميل بالبدايه خلوني اقولكم كيف كانت حالتي قبل الوظيفه
كنت فقيييييره جداااااا وحتى صغاري اذا طلبو شي بسيط مااقدر اوفره لهم
تعرفون الشخص العاجز كنت كذا
وبس لقيت وظيفه راتبها 3400 تقريبا
من يومها حطيت ببالي اني احقق حلمي ورسمت حلمي الي هو امتلاك بيت صغير يلمني انا وهالصغار
خاصة ان المكان الي عايشه فيه مايأهل للعيش _(الي يبغى يعرف تفاصيله يدخل ملفي الشخصي ويقراه)
وبدت رحلة الكفاح


ورح اقولكم على طرقتي الي اتبعتها من سنه ونص تقريبا
رحت ادور في المحلات على حصاله كبيره ومالقيت كلهم صغار ومايحمسون
رجعت البيت وجبت اولادي الاثنين فديته وجبنا علبه كبيره اكبر علبه في البيت
وكانت على طول ولدي ابو 3 سنوات
وغلفناها من برى بلون يخفي الي داخلها لانها كانت قزاز وتشف
بعدين جبنا الغطا وفتحنا فيه فتحه صغيره ولصقنا كل شي بأحكام ماتنفتح خلاص الا بقص الورق
وصرنا كل مارجعنا من خرجه نرمي الفكه داخلها
واذا استلمت راتبي حق الوظيفه ارميه فيها وابقي 200 لنا
واي مبلغ يجيني حتى لو انصاص ارميه داخلها مع الدعاء والاستغفار والصدقه
خاصة الاطفال احس فرحتهم تبارك الرزق فكنت كل ماشفت طفل عطيته ريال
وتعرضت لمواقف تفشل هههههه مع اهلهم الي كانو يستهجنون تصرفي
ونسو ان الرسول صلى الله عليه وسلم كان يحب الاطفال ويحب يفرحهم
وباب عظيم بالجنه مخصوص للي يفرح الاطفال
المهم مرت شهور وقررت افتح الحصاله عشان ارتب المبلغ واعده
لانها معاد تتحمل انحشرت فلوس
وانصدمت من المبلغ
180 الف ريال ماشاءالله لاقوة الابالله اذكروا الله
ورحت رجعتها بسرعه وقفلت الحصاله ولاعلمت احد
ومن هذاك اليوم لليوم باقي مافتحتها واتوقع المبلغ الي فيها وصل لل230 الف
وانا مخططه ماافتحها الا بعد 4 سنوات اضافيه اذا الله احيانا ومااضطرينا عليها الله لايقوله
لاني ابي اشتري بيت ملك وارتاح فيه انا واطفالي
من تجربه انصحك بالتجميع والصدقه والله ان الفلوس فيها بركه يوم تتجمع
واحيانا افرح امي وابوي بهدايا والله انها ترجعلي خلال الاسبوع من مصادر مااتوقعها
والله على مااقول شهيد اني مره عطيت امي مبلغ شوي كبير يوم العيد
قلت بفرحها فيه والله انه بنفس الاسبوع رجعلي المبلغ نفسسسسسه جاني ولدي
وفي يده نفس المبلغ يوم سألته من وين قال ان ابوه عطاه هديه
ورجعت المبلغ في الحصاله علما ان ابوه ماعمره عطاهم حتى ريال واحد

انا من جهتي ادخر 150 او 250 ريال حسب الظروف بكل شهر والباقي مصاريف لكن عندي فكرة اتمنى انه الضمان يطبقها وهي انه مبلغ الضمان 862 والصرافة ماتعطي الا 850 فيا ليت ال 12 ريال تستثمر بحيث لو ضربنا 12 في 700000 =8400000 وتنحط بمشروع استثماري ولو بالشراكة كان يعم بالفائدة افضل من انها تقعد في حساب الراجحي ويستثمرها لنفسه

ولا رد