17-05-2011, 03:50 PM
|
عضو متواصل
|
|
تاريخ التسجيل: Apr 2011
المشاركات: 82
معدل تقييم المستوى: 9095
|
|
اقتباس:
المشاركة الأصلية كتبت بواسطة فرونك
|
مساء الخير
اولا: اذا انت جاد ياليت تحط رقم جوال يتم الرد عليه والتفاوض مع المعاق نفسه .
ثانيا: ليش الاعاقه لازم تكون خفيفه ؟ تبون تحطون المعاق معقب تقطعون كبده في شمس الدمام وآخرتها ياحظي راتب ( 3000 ) ريال .
ثالثا: وش يضمن لي انكم ماراح تسجلون اسمي بالتأمينات عشان تستفيدو من الاسم بالسعوده ويحسب لكم كل معاق بأربعة سعوديين لأني حصل معي مثل كذا قبل ثلاثة اشهر ؟
رابعاً : كم الراتب اللي راح تعطونه للمعاق المطلوب توظيفه ؟
خامساً : انصحك نصيحه مايحتاج ضحك على الدقون بمعنى ليش المقابله الشخصية والخريط الفاضي لأن اللعبه معروفه وواضحه مثل الشمس انتوا محتاجين كذا معاق عشان الاستفاده منهم بالسعوده عشان تفتيش لجنة السعودة .
وبعدين انا اللي اتشرط عليكم واحدد الراتب وطبيعة العمل لانك اللي محتاجني مو انا اللي محتاجك وشروطي كالتالي :
1- العمل يكون اداري فقط لاغير .
2- بيئة العمل ( مبنى الشركة ) مكان نظيف ويفتح النفس وذلك لتقديم افضل انتاجية .
3- لن اقبل بالعمل الميداني مهما كان الاغراء المادي وانت اللي محتاجني .
4- المرتب الشهري الأساسي : 5500 ريال
بدل انتقال : 600 ريال
بدل السكن : لايقل عن أربعة رواتب أساسية في السنة .
التأمين الطبي: يكون في أفخم وكبريات المستشفيات بالمملكة وبدون دفع تكاليف أخرى حتى لو كانت 10 ريالات .
يشترط أن يكون التأمين الطبي في شركة تاج للتأمين التابعة لشركة التعاونية للتأمين .
5- شهر إجازة سنوية بواقع 30 يوماً مدفوعة الأجر ويتمتع بها متى شاء بعد مضي سنة على بداية العمل .
6- تذاكر سنوية خارج السعودية لأي بلد يشاء الذهاب إليه .
7- أن لايكون عقد العمل مشروط بأي شروط مالية لصالح الشركة .
8- تلتزم الشركة بدمج المعاق بالدورات التدريبية المنعقده بالشركة أو خارجها .
9- علاوة سنوية لاتقل عن 250 ريال سنوياً .
10- يتم إشراك المعاق في توزيع البونص الذي يتم توزيعه سنوياً .
انت احسبها مادياً ورد لي خبر .
وبعدين انت لو حسبتها ماديا ً خليني اساعدك :
5500 * 4 =22000 ريال شهريا .
وفرت على الشركة مصاريف باهضه صح .
حاجه أخرىانا ريحتكم من ( شبح وزارة العمل ) وعلى فكرة وزير العمل اليوم بجريدة الرياض يصرح بإيقاف الشركات التي لم تلتزم بالسعودة يعني فكر في شروطي وادرسها صح ولاتستعجل بالرد .
تمت،،،،  
|
العرض العادي
