وش رايكم في برنامج التكافل االتعاوني بنك الجزيرة0
وظيفة تسويق بصورة رسمية مع البنك مو مع شركة
مكافاة 1500+ عمولة يقولون مغرية
+ تامين طبي
توقيع العقد بكره او السبت اللي عنده معلومات يفيدنا وينصحنا 0000000000

ياجماعة وينكم ؟؟؟؟؟؟؟؟؟؟؟؟؟؟؟؟؟؟

أخوي ..

الله يوفقك إن شاء الله ..

وعلى البركة ..

بـ النسبة لـ الوظيفة أعرف واحد كان شغال فيها

الوظيفة طبعا فكرتها تتمحور كأنك مندوب ولكن الفرق

أنت تجيب العملاء لـ مكتب لك يبي يكون بـ مقر عملك

عاد وشلون تجيب العملاء هذه شغلتك اما معارف او تطلع

لأماكن عملهم وزي كذا .

الراتب الأساسي 1500 والعمولات حلوة .

وهذا الحد الأدنى .

وفيه أشخاص بـ العمل تبي تلقى رواتبهم تصل إلى 40 ألف ريال

وكلها عمولات .

وحسب ماسمعت كذلك أنه أعلى راتب وصل هو 200 ألف ريال

لـ موظفة من أهل جدة راح تسمعون عنها لأنها أفضل موظفة

في مجال التكافل التعاوني .

الوظيفة أحسن من جلسة البيت وفيها شوية صعوبات

من حيث أنه شهريا يطلب منك حد أدنى تجيبه .

ولو ماتجيب الحد الادنى ممكن الراتب الأساسي يوقفونه عليك .

على العموم انت وقع العقد معهم وجرب نفسك معهم وان شاء الله

راح تنجح .

أتمنى أكون أفدتك بـ الموضوع .

مشكور على هذي المداخلة اللطيفة والمفيدة
ربي يوفق الجميع
تحياتي 00

اسـد ,,

الوظيفه ممتازه جداً والله يوفقك فيهاا صراحه انصحك فيهاا ,,

بس اهم شي تكون عندك الجرئه وطولة البال فيهاا وقوة الشخصية ,, ومهارة الكلام مع العملاء

تعتمد على اشياء عده الوظيفه ,,

وفيها واحد من اخوياي واذا تبي رقمه تستفسر منه ارسل لي رساله خاصه وابشر لاكن انصحك فيهاا والرجال يمدحها ماشاء الله ,,

خل عندك طموح وتحدي مع نفسك لان العمولات توصل بالشهر لمبالغ ماتتخيلهاا بس كل هذا بمجهودك ,, لازم تجيب ارقام تدق عليهم تاخذ ارقام من اخوياك من اي مكان تدق وتشرح ,, إللخ


ع العموم انا حاضر ازودك بأي شي تبيــه ارسل رساله خاصه اذا بغيت والله يوفقك يارب

بتوفيق يالغالي

والله انها كلام فاضي

مشكورررررررررررررين ياجماعة 00
عطتوني امل بالحياة
شكراا لكل حرف كتبتموه
ربي يسعدكم 00000