السلام عليكم
عندي مشكلة وهي انو عليمية لابعد حد
توي خريجة جديدة بكالوريوس حاسب ومعاي دبلوم انجليزي
لقيت وظيفة بمستشفى خاص ,,نوع الوظيفة في المحاسبة حق التأمينات الطبية والراتب 2500
ويالله لقيت وظيفة تقبلني ,,الدوام اسبوع 3 ساعات واسبوع 8 ساعات
المهم توي ما وقعت عقد , سوو لي مقابلة وعرفت انهم قبلوني ,,قالو داومي من بكره وانا قلت لهم ابي ابدا على السبت وافقوا

س1/طيب اذا رحت السبت بيوقعوني عقد؟
س2/وايش يكون مكتوب عاده وايش مفروض انتبه له ؟
س3/وهل اذا وقعت عقد وماعجبتني الشغله بعدين اقدر انحاش بسهوله ؟
س4/نصيحتكم لي اقبل فيها او انتظر ايش بيصير مع وزارة العمل لما تنصرف الاعانات لان اتوقع راح يضطرون يدورون لنا وظايف مناسبة على قولتهم

على العلم انو ادرس حاليا بالعصر يعني راح اواجه ضغوط بس الله يعين

محتاجته آرائكم

هلابك اختي

تبين رايي

انا ضد عمل المراءه بالمستوصفات الخاصه

بحكم الاختلاط وامور كثيره تصير بهذا العمل

ثانياً:

(( من ترك لله شي عوضه الله خير منه ))

اذا فيه اختلاط اتركيه ياختي والله يعوضك

والخير جاي بالطريق وبحكم انك تدرسين العصر

لاتضغطين نفسك اكثر من اللازم

هذا رايي

والقرار قرارك

الله يوفقك ويرزقك بالوظيفه الي تريح قلبك

دمتي بخير

والله يا أختي الراتب مو مغري لدرجة أنك تخافين لوفاتتك ماتلاقين زيها يعني عطوك الحد الأدنى أنت ماشاءالله عندك شهادات ترفع الراس ودامك تشتغلين بالعصر فأنصحك تنتظرين المفاضله الأولى في برنامج جداره باقي لها أسبوعين فقط {هل سجلتي في جداره؟} بعد نتائج جداره راح يبان كل شيئ وأتوقع تلاقين وظيفه وإذا مالقيتي دوري مره ثانيه لأن هالوظيفه أحس مره بخسوك حقك من ناحية الراتب لوكنت يمصري كان عطوه آلاف

وبخصوص العقد عادي جداً قولي مابوقع أي شي إلا بعد ماجرب العمل أسبوع وبعدها أكون كونت فكره كامله ومعتقد برفضون أصلاً وين يلاقون بكالوريوس محاسبه+دبلوم أنجليزي ب2500

يعني لاتخافين ولاتستعجلين والله يوفقك ويقرب لك كل خير

[align=center]
توكلي على الله ..
صح الراتب ماشي حاله بحكم شهادتك ولكن على الاقل خذوي خبره منهم تنفعك بالوظيفه ثانيه
وربي يبارك فيها ويجلعها خير عليك
[/align]

الله يوفقك توكلي ع الله
وعندك الثلاث الشهور الاولى يمديك تسحبين عليهم عادي
اوما اذا ماعجبتك الوضيفه لا توقعي العقد الثاني الي هو بعد 3 شهور لان الانسحاب صعب
تحياااااتي

اختى المستوصفات الخاصه سئة جداً ونصيحه ابعدي عنها وفعلا الراتب مو مغري عشان تغامرين فيه
وهذي نصيحه من ناس مجربه

اختي انا رايي من راي حبايبي الي قبلي

اولا بقولك شي استخيري ربك وشوفي الخيره وين

وثانيا صح انا ضد المستشفيات الخاصه بحكم الاختلاط والراتب زي وجهيم

الله يسعدك شوفي نفسك وين وتوكلي ع الله ربي يسسعدك


واحنا بالخدمه ^_^

يعطيكم العافيه جميعا ,,,,,
المكان مختلط صح لكن فيه مكتب منعزل لنا يوجد فيه موظفات سعوديات وعلى قولة الموظفات انو عالم اخر عن جو المستشفى
بس وظيفتنا المحاسبه بالكمبيوتر وبدون اي تدخلات مع الموظفين ,,هذا حسب ماسمعت منهم والله اعلم عاد
انا مو مهتمه بالراتب بقد الخبره ,,أحس الوقت يضيع ولا لقينا خبره ولا احد بيوظفنا بدونها ,,حتى لو معي شهادات
وين الوظيفة بس ,,,أنا قدمت على كل شي القاه من هالمنتدى بس ماحد اعطاني وجه
أنا اطلب الله الخيره بكل وقت
الله يوفقكم كلكم ,,,,ويرزقكم مثل ما تتمنون ع نصائحكم الجميلة

اقبلي يا اختي دامه منفصل .. ولا تنسين تسجلين في برنامج جدارة

بالتوفيق ان شاء الله
لكن اذا محتاجه الوظييفه الراتب وش تبين تسوين امرك لله وبالتوفيق