[align=center]السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اخواني اتمنى منكم مساعدتي في الامر

ماشاء الله تبارك الله

انا موظف بند بوزارة العمل والحين الترسيم جاي باذن الله متى مادري بس جاي باذن الله والحين جاتني وطيفه بالخطوط السعوديه براتب افضل وتامين طبي وبدل سكن انتوا عارفين مميزات الخطوط والحين محتار ؟؟؟؟

هل استمر سنه او سنتين واترسم ؟؟ امان وظيفي

ولا اروح الخطوط؟؟ راتب افضل وترقيات اسرع


ابغى ارئكم


موفقين بإذن الله ... لكم مني أجمل تحية . [/align]

وعليكم السلام ورحمة الله وبركاته
انا اعرف ناس كثير تركوا وظايفهم واشتغلوا بالخطوط مع العلم انهم موظفين حكوميين بس حسب اللي عرفته انهم مرتاحين مع الخطوط بسبب المميزات والترقيات وان شاء الله بسالك زيين من الي اعرفهم
بس من رايي انك تستخير وان شاء الله تلاقي الي فيه الخير لك واذا تقدر تأخذ اجازه من عملك وتشوف العمل الجديد هذا افضل
موفق باذن الله ولا تنسى الاستخارة وطلب دعاء الوالدين

قبل ما تقدم استقالتك من العمل تأكد من وظيفتك الثانية بحيث تكون متأكد 100 % ولا والله الخطوط السعودية مافي أحسن منها
الله يوفقك يالمتيقن

مشكورين اخواني باراديس ومتفائل انا اقدر باذن الله اخذ اجازة ونجرب ونشوف
اخوي باراديس انا في انتظارك حبيبي اسئل وشوف



الله يفرج همكم

هذا رد واحد من قرايبي يوم سالته يقول اذا فوتها انت غلطان كبير ، الخطوط وظايفها حلوه مره

وش يبغي اكثر بدلات وتأمين طبي له ولعياله وزوجته اذا تزوج

وتذاكر مجانيه وتذاكر مخفضه له ولعياله وزوجته

وبيكسب منها علاقات وواسطات

انصحه ما يفوتها
__________________

وزي ماقلتلك استخير والله يهديك لما فية الخير ولا تنساني من دعائك بالوظيفة
اختك باراديس

اخوي العزيز مايكفي إنها وظيفة بند .. ولولا قرار الملك الله يطول عمره ماتدري يمكن ما تترسم ابد !
رح للخطوط بدون اي تفكير لكن لا تنسى تاخذ برنت للخدمة يمكن تفيدك في الخطوط
وربي يوفقك ..

الله يكون بالعون يارب

اخي الكريم ترى لك الحق انك توقع عقدك
وقبل اتوقع العقد مع الخطوط اعرف شنو مسمى وظيفتك او شنو الوظيفة الي راح تتوظف عليها

وخذ صورة من العقد

واتمنى لك التوفيق