بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

مادري من وين ابداء ووين انتهي
مهزله واقسم بالله انها لمهزله
نعم انهم قوات الواسطه الخاصه ( الطوارى الخاصه )

قاعديين ننتظر من الساعه 4 عند البوابه
وتم ادخالنا على الساعه 6 وجلسونا على الارض ننتظر المهزله الي بتصير
وانواع الهياط على روسنا كلكم ان شاء الله مقبولين والضحكه ماليه وجوهم
وحنا ياغافل لك الله ماغير ندردب روسنا وياهم
وبعد لطعه دامت الى الساعه 8 تم تمرير تقريبآ 20 واحد هذي بالكثير على شان مانقول ظلمنا احد
اشوي ولا يجي رئيس رقبا وفي يده ورقه 4 * 4 وقاعد يزهم على اسامي كاننا في حراج
وطلع تقريبى 4 قلنا يارجال اربع مابتاثر الله كريم وبنتعوض خير ان شاء الله
اشويه وتعم فوضه بسيطه كل واحد يبي يطمر قدام من المقدمين
ويجي الريس نفسه يهايط يقول للجندي محد من ذولي يعدي الا بامري او بامر العقيد

اشوي ويجي بالطامه الكبرى وتليها الاكبر منها
جاي معاه اكثر من ورقه كبر راسه
وقاعد حرج على الاسامي
وبعد ما حرج على الاسامي جا المقدم ومعاه المكرفون وقال للريس ودهم للطول
والمقدم يقول يلله ياشباب الكل يتوكل على الله الارقام خلصت حسبي الله ونعم الوكيل
وشد واخذ وطلع من شباك القياس ويقول تطلعون ولا نستخدم القوه
ونوعدكم السبت في ارقام جديده
وبعد ماطلعنا جانا الريس صاحب الورقه وقال مافيه شي السبت
لا اله الا الله وحسبنا به ونعم الوكيل
فا يشباب كيف نوصل صوتنا لولاة الامر كيف نوصل الفضيحه ذي لهم
الي عنده طريقه ياريت يفدينا
واسفين على الاطاله
والسلام عليكم ورحمة الله وبركاته

هذي شي بسيط

شكلك اول مره تقدم وتشوف هالمهزله

مليووووون مره اشوف هالمهزله تصير قدامي لكن وش نسوي

الصبر .......... وانا اخوك
وصراحة شي يجيب الغبن لكن عليك بالصبر وش نسوي كلنا مثلك والله يعين لا تخاف الله موجود حسبي الله ونعم الوكيل فيهم.......

حتى انا صار معي هذا الشي اليوم
والله قهروني الي تمنيت اني ما جيت
طبعآ هذا الكلام في جدهـ

الكلام في المدينة صح