10-05-2011, 03:55 AM
|
عضو مهم
|
|
تاريخ التسجيل: Nov 2010
المشاركات: 300
معدل تقييم المستوى: 4597
|
|
التقديم في طوارئ القصيم
رحت اليوم يم طوارئ القصيم بين بريدة وعنيزة والمهم وصلت هناك الساعه تقريبا 8 ونص والعدد يفوق 1300 عاطل وكلهم متجمهرين قدام البوابة واللي جالس يتقهوى على الرصيف واللي مشغل الأغاني واللي مشغل شيلات المهم الشارع مسكر نوعا ما قليل من السيارات عكست الاتجاه من زحمة الناس مالكم بالطويلة يالربع نزلت من السيارة وعلى بعيد كيلو من الطواري والمهم مشيت لين وصلت عندهم والله والاقي كلام وسب وشتم من الناس فيه ناس جاية من الميدنة وناس جاية من الرياض والطايف حدث ولا حرج من المدن في اللملكة مشرفين عندنا فالطواري المهم العسكر بيضحكون علينا مرة يقولو فيه تسجيل ومرة يقولو مافيه تسجيل ولا ندري من الصادق من الكاذب المهم جلست على قلوبم لغاية الساعه 11 المهم كلمت اخو نسيبي يشتغل فالطواري وكيل رقيب وقلتله هذا الملف وسنعني انا من اليوم جالس هنا قال خلاص رح بس اغراضك كاملة قلت ايه المهم قام يطالع فيه شوي لقافه بس يمون ههههههه حاجتك عنده ومولازم ترده المهم قال خلاص انا ابروح اجيبلك المعروض وانا ابكتبه عنك قلت خلاص قال سجل رقم جوالك على الملف وتعال بكرى عشان تدخل على القايد قلت اوكي بارك الله فيك ويا شباب والله عالم الله يعينكم على الشمس اليا رحتو وهذا بيتين لزحمة الطواري امس
الا يالطواري اللي جيتي على البال=يومني تعاينت الشباب الطموحي
نشوف الزحايم من على سكة الجال=ولكن دحوم الكرف داوى الجروحي
|