ياشباب تراكم طيبين الحياة والمستقبل تبي وش فيكم عائله طيبه كل العوائل طيبه بس ظروف الرجال ماتساعده يتزوج وش فيكم

خلوه يفكر بمشروع يدخل عليه فلوس مو مشروع يفتح له حلوق

الله يوفقك ويفرج امرك خلي عند ك أمل بالله وأستغفرالله كثير ولاتشكوالا لله وحده ومن دعا الله ماخاب الله يفتحها بوجهك أمييين

ادع ربك اخرالليل وخل امك تدعى ويرزق ربك من حيث لاتدري ومولازم خليجيه اوعربيه ياكثرالبنات لاتستعجل قال تعالى (امن يجيب المظطراذا دعاه ) بذمتك من الملك فلان ولا لمسؤول الفلانى لا الله يجيبك ويسخرلك تحياتي

[align=center]والله ياخوي حلها بسيط ..
بس انت خل نفسيتك [ لا تقهـــر ] وبس ، خلك محارب اذا الي ببالك صار صار و اذا ما صار عن ابوه لا صار
لا تخلي شيئ ينكد عليك أبد ، شوف امك و اختك ترى مالهم إلا أنت , و موضوع انك تتركهم و تستقر هذه انساها
الحل ياخوي الصبر و الصلاة و الإستغفار ، والله مالك الا هي !
بعدين بخصوص الدخل لا تعتمد على مرتب ، تاجر و لو بمبلغ 100 ريال والله انه يرد لك الأضعاف
اعطيك مثال / 70 ريال اشتريت بهم 30 غطا جوال بلاك بيري من شارع فلسطين (محلات جملة) بعتها في الشمال
بـ500 ريال ! ولا بعت الواحد بحول 16 ولا الأسعار الأساسية 25-30 يعني متخيل كيف الموضوع سهل ؟
بالأسعار الرخيصة بالبيع هذه و يمديك تطلع 1000 ريال من اصل 140 ريال راس مال
و بكذا انت طلع افكار و تاجر بها و لو كانت بشي بسيط عشان تزبط أوضاعك المادية و تساعدك فيها
بالنسبة للزواج ، والله مالك إلا الأجانب أخر حلاوة و لا تكاليف ولا شيئ !
[/align]

الله يفرج همك ويوسعها عليك وتلقى بنت الحلال اللي تسعدك

بس كلمتك ماتوافق الا وحده كبيره ومالقت احد يااخذها ولا وحده مافيها من الجمال شي
ماهي حلوه منك

هذولا اللي تكلم عنهم من حقهم يعيشون حياه كريمه وماهم اقل من غيرهم عشان يعيشون حياه كذا
وترى معلوماتك خطأ حتى هم مايقبلون بشرطك ابد مالله حادهم عندهم بيت يضفهم ويعيشون عند اهاليهم مكرمين الى يوم الدين

ترى كل شي له ثمن بهالدنيا وضريبه يعني انت ماعندك بيت وظروفك ماتسمح الا انك تسكنهم بشقه فيها الوالده واختك فطبيعي جدا ماتلقى الا اللي تقول عنهم كبار ولا مافيهم جمال تأكد

ولاتتكلم بها الطريقه الدونيه انت عندك اخت وبتحس فيها

والله يفرجها عليك وعلى كل معسر ويسخر لك الناس الطيبه

اشكر كل من طرح علي أفكاره وشاركني بحروفه ...
وأشكركم من الأعماق على هذه المشاعر الرائعة ...
وطبعاً كالعادة في بلد كله تعقيدات ..
حصلت بنت الحلال من جنسية يمنية ..
وقبلت بكل ظروفي وهي مدرسة بمركز تحفيظ قرآن ..
لكن يوم زرت أمارة مكة صعقت من الشروط التعجيزية ..
العمر يجيب أن يكون تجاوز 35 وراتبك لازم يكون أقل من 3000
المشكلة ياجماعة الخير مكتوب في موقع أمارة مكة شروط
وفي محافظة الطائف شروط ثانية مدري وش أسوي
وبحثت وحصلت واحد من الجماعة قال ادفع 5000 ريال وأطلع لك التصريح
بس والله أخاف يكون الموضوع رشوة والله مايوفقني وهذا زواج مو لعب ..
والمصيبة الكبيرة رحت للناس واتفقنا على كل شيء وحتى صارت شوفه شرعية
ومدري ياجماعة الخير وش أسوي بهالتعقيدات ....

اقتباس:

المشاركة الأصلية كتبت بواسطة ماصديقي الا انا الله يفرج همك ويوسعها عليك وتلقى بنت الحلال اللي تسعدك بس كلمتك ماتوافق الا وحده كبيره ومالقت احد يااخذها ولا وحده مافيها من الجمال شي ماهي حلوه منك هذولا اللي تكلم عنهم من حقهم يعيشون حياه كريمه وماهم اقل من غيرهم عشان يعيشون حياه كذا وترى معلوماتك خطأ حتى هم مايقبلون بشرطك ابد مالله حادهم عندهم بيت يضفهم ويعيشون عند اهاليهم مكرمين الى يوم الدين ترى كل شي له ثمن بهالدنيا وضريبه يعني انت ماعندك بيت وظروفك ماتسمح الا انك تسكنهم بشقه فيها الوالده واختك فطبيعي جدا ماتلقى الا اللي تقول عنهم كبار ولا مافيهم جمال تأكد ولاتتكلم بها الطريقه الدونيه انت عندك اخت وبتحس فيها والله يفرجها عليك وعلى كل معسر ويسخر لك الناس الطيبه

قال العمر صاك الثلاثين لا وبعد له راتب...
طيب وشرايك باللي عمره 37سنه وعاطل وميت يبغى الزواج بس مو قادر والزواج بنسبه لي محال تصدق.