تجربتي مع اللغة الانجليزية

mnw · #41 (**permalink**) 16-12-2007, 02:01 AM

الله يعطيك العافية أخوي من جد أنا كنت أدور لتجربة شخصية ناجحة مثل تجربتك
وأنا ان شاالله راح ابدأ على طريقتك المطنوخيه للدراسة اللغة الانجليزية مع أن بعض صديقاتي نصحوني بالمحادثات مع الاجانب عن طريق الماسنجر سواء كانت كتابيه او صوتيه بس ما تحمست للفكره
شكرا لكل الاعضاء على كل أسماء الكتب والمواقع و النصائح عقبال ما نسولف مع بعض بالانجليزية
Thank you

good_vip · #42 (**permalink**) 16-12-2007, 02:49 AM

اقتباس:

المشاركة الأصلية كتبت بواسطة المطنوخ

نسيت أطلبك تضعين رابط الموقع الي ذكرتي حتى نستفيد جميعا وتعم الفائدة وشكرا لكِ

آسفه جداً على التأخير بس ما شفت ردك الا اليوم
بالنسبه للموقع ابد ما طلبت شي هذا هو تحت امرك
http://www.esl-lab.com/

وفيه قسم جداً رائع يبين لك الفرق بين كتابة الكلمه وبين نطقها
ويحط لك محادثات عليها حتى تسمع وتشوف النطق الصحيح

الموقع جداً رائع

فيه موقع ثاني بس ضيعت رابطه اذا لقيته بجيبه ان شاء الله
عباره عن قطعه تقراها ويحسب لك سرعة قرائتك
جدا رائع لانك تلاحظ الفرق بين سرعة قرائتك قبل وبعد
يعطيك دفعه معنويه حتى تتحمس لزيادة سرعتك بالقراءه

سهام الشريف · #43 (**permalink**) 19-12-2007, 02:45 AM

اشكرك جزيل الشكر أخوي ماتتصور قد ايش انا كنت محتاجة هذه النصائح منك شكرا..........

سهام الشريف · #44 (**permalink**) 19-12-2007, 02:56 AM

اشكرك أخي على موضوعك الرائع ,,,,وماتتصور اشلون استفدت منه وكنت محتاجة لنصيحة مثل هذي شكرا............

المطنوخ · #45 (**permalink**) 19-12-2007, 09:42 PM

كل عام وأنتم بخير

المطنوخ · #46 (**permalink**) 06-02-2008, 02:45 PM

الاخوة والاخوات
السلام عليكم عليكم ورحمة الله وبركاتة
أعذروني على الانقطاع الغير متعمد . فأزف لكم البشرى أنني جنيت أول ثمار دراستي للغة الانجليزية ... وهي قبولي في معهد الادارة تخصص محاسبة .فالحمدالله على نعمتة

بسكويتة · #47 (**permalink**) 06-02-2008, 06:43 PM

الله يوفقك
و يوفق الجميع يا رب

butterfly20 · #48 (**permalink**) 29-02-2008, 04:04 AM

الله يوفقك اخوي المنطوخ افدتنا بتجربتك

اما انا لي سنة ما خليت طريقة إلا سويتها بس مشكلتي ما استمر وصدقت اخوي احسن شي القرأه و كمان الاستماع له نتايج رووووووعه

تفضلوا بعض تجاربي مع المنحوس الانجليزي ..

1- شريت سدهات من جرير على خمس مستويات بـ 50ريال او اكثر والله ناسيه كانت زينه ماتعدي مستواى لين تختبر فيه وهي قواعد وكلمات ومحادثات بسيطه وفيه نسخ للكلمات المهم مشيت فالمستوى الاول كويسه بعدين صار ما يشتغل ولمن راجعت الحراميه جرير قالوا مانقدر نبدله لو كتاب ممكن طيب وانا شسوي ؟؟؟ قالوا الله يعينك اشتري جديدة

فتركتها ..

2- شريت كتب اسمها "سايد باي سايد" وكانت زينه على اربع مستويات وفيها محادثات سهله ومفيده فالواقع بس وقفت على المستوى نص الاول طفشت واحس اني توقهت لحالي وماني عارف انا صح كذا ولا لا ..

3- نزلت 500 كلمة من النت اكيد كلكم عارفينها وقلت بس هاذي اللي بتخليني ارطن انجليزي ووصلت لبعد الـ100 ولأني ما امارسها مع احد طفشت وسبتها ..

4- شريتلي قصص اطفال من بنده وهاتك ياترجمه لين تنقزت عيوني واحاول اقرأ استفدت اشوي بس بعدين من امسك القصة جاني النوم

5- كان عندي برنامج تحط الكلمة واهوا ينطقها كنت اخذ الكلمات اللي ترجمتها فالقصص واسمع نطقها وكم اسبوع وبعدين كالعادة اهووووووووون

والله تعبت مره ثانيه اكملكم لسى ذي نصها ..

مشكوووووره اخوي وآسفه على الاطاله

مجنون قناة بداية · #49 (**permalink**) 02-03-2008, 03:37 PM

انا ودي اتعلم تكفى ثم تكفى ثم تكفى000
مشكلتي اني من النوع المتقاعس يعني اكون في بداية الامر متحمس بعدين ترووح العزيمة!
وشلون أبدأ ؟
ايهما ابدأ با الحفظ القواعد ام الكلمات ؟
هل الكتب التي ذكرتها مترجمة بالعربي ؟ اذا كانت الاجابة (لا) 000اتمنى ان تزودنا بكتب مترجمة حتى يسهل(((للمتعلم))) ؟
هل يوجد كتاب يجمع القراءة والمحادثة والقواعد 000الخ في كتاب واحد ؟
ّّّّّّّّّّّّ~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~
اخواني اخواتي اطرحوا كتب مترجمة للمبتدئين الله يجزاكم الف خير ؟