السلام عليكم
يا شباب مين فيكم كان عنده مقابله في الرياض
وكيف طبيعه المقابله
انا عندي مقابله يوم 22 \ 6 الاربعاء في الرياض
واريد منكم الي كان موعده قبلي يفيدنا
وشكرا

يجي من يفيدك ان شالله .......

[align=center]الدعوه كلها سهالات واللي ضآيقني شوي ان مافيه تنظيم الله يعينكم
يمكن لاني اول يوم وبوكرة ان شاء الله يكون الترتيب بالارقام
لكن لما تاخذ رقم خليه معاك الين ما تخلص
وحاول انك تروح مبكر يعني 7 عند البوابه
لان الارقام من 1 - إلى 100 A ثم 1 - إلى 100 B
الله يكون بعونكم يآرب

المهم دخلنا على الساحه وكان فيه طابور وكان رقمي 91 A
انتظرنا الين دخلنا داخل رحنا اول شي لـ لجنة تدقيق الاورآق
الاورآق المطلوبه : لازم تكون بطاقة الاحوال موجودة اهم شي
- شهادة الثانوية الاصليه + صورتين منها طبق الاصل (لازم تكون مصدقة) طبعا انا طلب مني صورتين بس انا ما معي الا صورة ومشيت بس انت اخذ نسختين احتياط
واذا ما معك الاصليه اهم شي تكون مكتوب عليها طبق الاصل
- شهادة حسن السيرة والسلوك + صورة طبق الاصل <- سوي مثل شهادة الثانوية لازم مصدقة وخلي معك نسخه احتياط
- صورتين من بطاقة الاحوال تكتب تحت بياناتك اللي فوق سوي مثل ماهي من اسمك ورقم بطاقتك وتاريخ الميلاد وكل شي
- 6 صور شخصية مقاس 4×6 اكتب اسمك عليها بالخلف

خلصنا من تدقيق الاوراق

الوزن والطول :
وزنونا وقاسوا الطول بعدين يختم عليها

ثم رحنا على السيب اللي كله فوضى الله يصبركم

دخلت للمقابلة الشخصيه الاولى :

- دخلت على الغرفه وحصلت ملازمين
- سلمت عليهم وجلست
- قال : وش اسمك؟
- قلت بصوت عالي فلان بن فلان
- قال من وين ؟
- قلت الرياض
- قال اقرأ واعطاني ورقه اقراها عن الاقتصاد الوطني (اهم شي خلي صوتك عالي ولا تستحي وحاول قد ما تقدر انك ما تغلط)
- خلصت وقالي ماهي اركان الصلاة ؟
- بعدين قالي وش الفرق بين الاركان والواجبات ؟
- سألني وش يحد المملكة من الغرب ؟ طبعا البحر الاحمر
- وش يحد المملكة من الشمال ؟ قلت الاردن والعراق
- قال ماهي عاصمة العرآق ؟ قلت بغداد
- ثم قال تعرف شي من الشعر ؟
- قلت ايه نعم
- قال اقرأ قلت والله مايحضرني شي ههههه توهقت <-- مشّاها لي
- قال ناظر القلم وحرك نظرك ولا تحرك رآسك قلت اوك
- بعدين قالي قوم خليك واقف وارجع ع الجدار يبي يشوف رجولي هل هي مفلطحه ولالا
- ثم قال الله يوفقك وطلعت من عنده والله كان طيب

المقابلة الشخصيه 2 :

- دخلنا بغرفة الانتظار
- عطونا ورقة فيها كم سؤال جاوبنا عليها
- قال لنا العسكري طلعوا صورة من بطاقة الاحوال وخلوها ورى الورقة حقة المقابلة الشخصية 2 عشان يدبسونها مع بعض وتحط صورة كمان على الورقة حقة المقابلة 2
- المهم جاء دوري ودخلت على الضابط <- من حسن حظي اني دخلت على ضبآط الله يجزاهم خير عسل والله
- قال وش اسمك ؟
- من وين ؟
- وين سآكن ؟
- وين مولود ؟
- ساكن مع مين ؟
- هل سافرت خارج المملكة ؟
- بعدين قال توكل على الله وختم على الورقة

البصمات :

دخلت على العسكري و قال لنا كيف نعبي الملف الاخضر
ثم حضرني بالكشف وقال وقع عشان استلام الملف
ثم قالي وين تبي المراجعه حقت الادله الجنائية قلت الرياض طبعاً تقدر تروح لأي محافظة تابعه للرياض

ثم توكلت على الله خلصت تقريباً على 1
[/align]

كم واحد كان بالمقابله يعني احنا ما انقبلنا ولا كييف

ألف مبروك .. لقد سعدت بهذا الخبر

موفق بإذن الله ... لك مني أجمل تحية .

موفق بإذن الله ... لك مني أجمل تحية .

هاي
ممكن اعرف اين يقع موقع المقابله امن المنشات في الرياض
انا لا اعرف مكان المقابله
يعني لما اركب تاكس ايش اقله
مركز القبول والتسجيل
ما راح يفهم والله