الشاعر عبدالعزيز العقيل


بابا...باقي تل ابيب ( القصيدة متوفرة حاليا بالنص فقط )




بدأت الإجازة.. وبدأ معها التخطيط للسفر .. فدارت في مخيلتي حروف الشعر وأبت إلا أن تصور حال الناس في أسفارهم ومضاهتم لغيرهم في سفرهم للخارج لن أطيل عليكم .. وأتمنى أن أكون أجدت في صياغة قصيدتي المتواضعة والتي أتشرف بزيارتكم

ليه حنا ليه من بد الشعوب
كل اجازه لازم بدوله جديده
عندنا مكه وطيبه والجنوب
والبحرمع نجد واشياء عديده
وين مايممت تلقى لك دروب
المناخ بموطني حاله فريده
الرمل كنه ذهب عندالغروب
يشرح الخاطر وطاروقك تصيده
آه تالي الليل لاهب الهبوب
بالشمال اوفي سراتك ياعبيده
وان صرفت ريال يرجع ومحسوب
الوطن واغلا وطن لازم نفيده
ياجماعه وش بلانا مانتوب
ماكفانا مامضى نرجع نعيده
لاركبنا الدين وفضينا الجيوب
للاسف جينا على سن الحديده
ضغط سكرجملة انواع الحبوب
قرض يقهريلهم الراتب وازيده
الفوائد بالسفر ماهي طروب
او لباس يفصل ردوفه وجيده
والولد والبنت والحرمه تجوب
نكتسب عادات حنا مانريده
والولد مثل اخته في صوته تذوب
الشعر مربوط واسواره باإيده
والمره بالجنز ومره ميني جوب
شالت الغطوه ومكياجه تزيده
بنتي وبنتك امانه بالقلوب
جنة الفردوس في ستره اكيده
حتى حنا بالسفر مانريد ثوب
نحلق الليحيه وشاربنا نبيده
والشعر كانه بقى يادوب دوب
نصبغه نرمي الوقار ومانريده
هذا واقع انتشر من كل صوب
الاجازه للاسف دوله بعيده
ما اعمم بس ياكثر الشطوب
الفرس اليا فلت ياصعب قيده
اختصرت وقلت ابسط هالعيوب
عن سفر برا عسى الله لايعيده
سامحوني بس في جوفي شبوب
يمكن العاقل احاسيسي تفيده
ربي ادمح زلتي وكل الذنوب
انا عبدك وانت عفار لعبيده




وهذااا كلام واقعي وصح لســان الشــأعر : عبدالعزيز العقيل