السلام عليكم

كيف حالكم


السالفه ياشباب تني بحثت وسالت
وفهمت ان الدين او الدينه او الدنه. كل ناس تسميها اسم


يقولون فيها مكاسب كثيره جدا للي يحب الكرف وانا انسان ابكرف

وقررت استاجر وحده يقولون الشهر من2000 الى 4000 او حولهى.

لان مالي مقدره بالشراء


ابي رايكم ياشباب وخاصتا المجربين لاني خايف استاجر ثم مالقا لها شغل او ماعرف الطريقه.

واذا فيه احد يبي يتعامل معي راعي مزرعه اوكذا حياه


الشي الثاني ابي الشروط

وهل يلزم رخصه عمومي


الاني مادي رخصه لاعمومي ولا خصوصي وعايش واجي بسياًرتي دون رخصه
كلها كلمتين حلوه للعسكري ويمشيني. لاكن هل هالشي بيجدي بالدينا او لا



وابي اررائكم عموما وخيراتكم مشكورين *

للرفع

انتم يالشباب مشاريعكم كثيرة بحكم حرية الحركة وسهولتها

بس تبي منك الهمة والنشاط

الى الامام اخوي وبالتوفيق يارب

لا تستأجر ألا وأنت عرف وش الشغلة الي بتشتغلها وكيفيتها

للمعلومية الدينا لها كم شغلة

تقدر تستخدمها بنقل العلف والبرسيم والمواشي من منطقة للأخرى مقابل أجر تأخذه..

وتقدر تشتغل عليها نقل عفش جوا المنطقة أو من منطقة لأخرى

وتقدر تشتغل عليها سكراب وما أدراك ما السكراب (الخردة)

وتقدر تأجرها وغيرها من الشغلات الي يفيدونك بها الشباب إن شاء الله

المهم لا تستأجر ألا وانت عارف الشغلة الي بتشتغلها وحاول إن أمكن تشوف أحد قد أشتغل بنفس الشغلة يفيدك أكثر ويكون معك بداية الطريق

والله يوفقك

طريقة الشغل عليها عرفت لها

لاكن الاهم هو سالفة الرخصه العمومي

هل لازم يعني العقوبات صارمه او لا

اذا كان زي عقاب الي مامعه رخصه عاديه وهو يسوق سياره عادي عندي

ااني عايش دون رخصه

وحاليا مقدر اطلع لانه لازم اسدد مخالفاتي وكثيره مره


يعني هل لو استاجرت بدون رخصه عمومي فيها مشاكل كبيره او كيف

وشكرا

سو اعلان في الجريدة انك تنقل وبيرزقك الله

وبالنسبة للرخصة وقف عند اي تفتيش واسالهم ههه

هههههههه

مشكور ياصديقي

انا هذي مشكلتي فقط


اذا الدعوه مخالفه بسيطه زي السيارات عادي. اما اذا فيها حجز ومشاكل هنا نوقف

ياليت احد يفيدنا

لا أبد مخالفة عدم حمل رخصة عمومي .. أدخل موقع المرور وشف كم قيمتها

ولكن النظام مافيه مثله الرخصة تحميك في كل الأحوال حاول أنك تطلعها عاجلا غير أجل

وأستعن بالله

مشكورين افدتونا وجزيتم خيرا


بس ياليت ياشباب الي يعرف احد ياجر دنه يقولي او يرسلي رقمه

مشكوورين مره اخرى

البس شماغ وعقال محد موقفك ابدا

بس احرص على السواقة برواق

اعرف اسوق على الريوس بالدينه افضل من الامام خخخخخخخخخخخخ

خصوصا الهجوله ماعندي مشكله رفع مثلا خخخخخ

اهم شي خذلك سوزو والشي الاهم لاتخليها تخلص ديزل عشان الطرمبه ماتاخذ هواء همن تبلش

<<= خبره قياده دولي وليس داخلي خصوصا النقليات