السلام عليكم ورحمة الله وبركاته

تقدم اخوي على وظيفة وكيل رقيب فني طيران بسلاح الحدود ، وتم قبوله مبدئي والحمد لله
وموعد المراجعه الاسبوع هذا لكن هناك عدة نقاط ابي رايكم فيها :

1- اخوي خريج المعهد السعودي الياباني فني صيانة .
2- الان هو مرتبط بعقد مع شركة عبداللطيف جميل ( تويوتا ) وعشان يأخذ الشهادة منهم إما
إنه يكمل مدة العقد (( باقي سنه وشهرين )) أو يدفع قيمة العقد المتبقية (( 21000ريال ))
3- اخاف يدفع قيمة العقد وما ينقبل قبول نهائي .
4- سمعت ان التعيين بيكون في مطارات سلاح الحدود واللي اعرفه انه اغلبها ( اكثرها ) في
منطقة الربع الخالي .
5- اعتقد انه طبيعة العمل بسلاح الحدود وخاصة الحدود الجنوبية بتكون صعبه ونقلها صعب .


فبماذا تنصحوني .

اخوي الله يسلمك
قبل ما يدفع العقد لازم يتأكد انه انقبل قبول نهائي يعني مثلا ياخذ له اجازه من عمله وبعدها يروح يخلص اوراقة
اذا تم قبوله نهائي يدفع قيمة العقد والله يرزقه ويصبر على لقمة العيش لو كانت في اي ديرة يروح لها

موفق بإذن الله ... لك مني أجمل تحية .

أخوووي .. لآ يقدم إستقآله .. أهم شي يدبر عمرهـ يآخـــذ له إجآزهـ .. يغيب ..

أو أي أحــــد يغطي عنه كم يووم لين ينتهي ..


لكـــن مآ آنصحكـ تسبـــق الأحـــدآث .. يمكن مآينقبل لآ قــــدر آلله ..
أفضل شي يكمل .. ويشووف له أي عـــذر لجل يسووي آلمقآبله وآلكشف آلطبي .. مآتدري وش آلله كآتبه له ..



وبعدين .. وش هآلشرط أللي بآلعقد .. شرط خبيث بصرآحه !!



آلله يووفقكم أجمعين ..

السلام عليكم ورحمة الله وبركاته
اخواني يعطيكم الف عافيه على مروركم والردود ماقصرتوا جميعاً .
لكن ودي اوضح شيء الشركة الآن محتفظة بشهادة المعهد يعني ما يقدر يروح يخلص اجراءات ولا يعمل مقابلة ولا فحوصات .

الشيء الثاني ودي أعرف أفضل قطاع بالنسبة للفنيين ؟؟
ومشكوريييين .

مــايحتاجون الشهاده الاصل الا في القبول النهــائي..

وسلاح الحدود سيتطور اكثر وأكثر بعد ماأهتمو بالطيران والمستقبل الوظيفي صدقني فيه..

طــلع شهاده بدل فاقد من وزاره التربيه والتعليم ..كثييييرين سووها..وأصلا ممنوع احتجاز الشهاده..اليابانيين عليهم سواقات

ياخــذ نســخ من الشهــاداتــ ويصدقهــا طبق الاصــل

ويتوكــل ع الله

موفق بإذن الله ... لك مني أجمل تحية .

مشكوررررررين يا شباب طيب طبيعة العمل كيف بتكون والمميزات بالنسبة لسلاح الحدود ؟؟